اخواتي راني محتاجه ليكم عندي واحد العراضه غادي يكون فيها من 12 ل 14 وحده اوراني متنزعمش نطيب لهاد العدد.كنطلب منكم اخواتي تساعدوني او تعطيوني ارائكم اشنونطيب ليهم او عطيوني القياس بلعبارراني مبرزطه او معرفت مندير.افيدوني الله يجازيكم خير الجزاء .راني في الانتظار اخواتي متبخلوش علي .
‘gf lshu]i lk ;g hg’fhohj hghkdrhj
بلنسبة الا كنتي غادي طيبي الدجاج ل 14 شخص فاعتقد خاصك 4 ديل الدجاجات على الاقل و طبعا انواع السلطات راه كينفعو بزاف اختي و كذك ممكن تبداي باللسلطات هما الاولين و ثم ممكن ديري من مرهم الكفتة مشوية و على حساب الامكانية ديالك اختي واش غادا ضيفي شي حاجة و لا لا ثم ممكن تختمي بالدسير مقطع او الا بغيتي ديري شي كيك او لا كلاص على حساب نتي و اشنو بغيتي اختي و الله لمعين يا ربي امين[/frame]
الى كنت غادي ديري كل الاشخاص في طبلة واحدة غادي تحتاجي لاربع دجاجات كيف قالت ليك الاخت الغالية ديالنا ام هداية, و من كيلو و نصف حتى 2 ك من الشعرية سفة+ طبسيل السلطة كبير و متنوع يقدم كمقبل مع صلصة المايونيز + طبق من الفاكهة او طرطة حسب الاستطاعة
اما الى كانو نساء و رجال راكي غتحتاجي /لمائدتين كيف كنقولو 2 حطات/ 3 دجاجات في كل طبق
قبل بيوم او يومين
**وجدي الطبق او الطبقين ديال السلطة المتنوعة و غطيها بالبلاستيك الغدائي و دخليها للثلاجة . و الصلصة وجديها في قرعة الزاج و دخليها كدلك للثلاجة
** قسمي الدجاج على 2 طنجرات و طيبيهم باش ماتحسيش بالكثرة .غير يطيبة عزلي الدجاج وحده و المرقة وحدها و دخلي الكل للثلاجة قبل ماتقدمي سخني المرقة و دخلي الدجاج للفرن يتحمر
**فوري السفة و خليها حتى تبرد مزيان و خشيها في الثلاجة. وجدي اللوز حمريه و هرمشيه و قفلي عليه باحكام باش يبقى مقرمش
**الديسير غسليه و مسحيه مزيان و وضعيه في الطبق و غطيه بالبلاستيك الغدائي و نزليه جانبا
**وجدي كل الاطباق و الاواني اللي غادي تحتاجي على تساع
اوى كنظن الى كان كلشي واجد غادي تلقاي الوقت تهلاي في راسك و ماغاديش تعبي بزاف المهم النظام
ان شاء الله كلشي غادي يمر بسلام
بالنسبة للمقادير مضبوطة ممكن غدا ان شاء الله نساعدك حيث انا مكنعبرش بالملعقة غير عيني ميزاني/غادي نسول الوليدة و نجاوبك/
و بالنسبة للسفة غير طيبها و الفورة الاخيرة ضيفي الزبيب و من بعد ما تنزليها في القصعة دهنيها بالزبدة مزيان و غطيها بمنديل حتى تبرد مزيااااان و دخليها للثلاجة و الله عاد كتبنان بالتجريب. الغد دريها في الكسكاس غير تسخن قدميها بالطريقة اللي تعجبك
يدير الله الخير