السلام عليكم الاخوات انا هاد الشهر الزوج ديالي غادي يعطيني نتكلف بالمصروف و خايفة مانقدرش ندير الامور مزيان هادشي علاش انا محتاجة نصائح اللت تقدر تساعني م هذه هي المعلوات المبلغ 3000 درهم عدد الافراد 4 انا و زوجي و بنتي 4 سنوات و ابني سنة و 3 شهور
‘gf lshu]m td jsddv ld.hkdm hglk.g Howhzdm hgl,sl
ديري لائحه فيها جميع الإحتياجات ديالكم و حسب المزانيه عاد شوفي كيفاش تقسمي المشتريات… اليوميه الاسبوعيه و الشهريه…… الله يوفقك اختي
وياكي المصروف صعيب غير بعدي عليه كيشرف بلا وقت
حبيبتي أنصحك بالإستغفار كل وقت دائما ،والله سترين العجب العجاب سبحان الله ،البركة في الرزق و اراحة البال و كلشي الله يعاونك أختي
أختي المبلغ إذا كنتي في المغرب راه تبارك الله يقدك ويشيط عاد إذا كان غير للمصارف ديال الدار المهم غادي تقسمي الحوايج لي تشري للشهر كامل مثلا 5 لتر زيت ، مسحوق التصبين ، الصابون ديال غسيل الماعن أنا 2 ديال لتر في الوحدة يجيبولي شهر نيييشان ، لي باط مثلا 2 باكيات منوعين ، الذرة إذا كتستعمليها ،المطيشة ديال الحك ، أو ديال الكرتون . السكر ، سنيدة ،أتاي ، القهوة. لوازم ديال الحلويات أو الكيك : فاني ، خمارة … ، الفروماج ديال شهر شري هاديك الكبيرة كنضن فيها 86 حبة ، شري أنواع لي يعجبوكوم مهم ديال شهر ، فروماج محكوك ، المشروبات ديال شهر "عصير ، مونادا ، الحليب " ، البيض ، دانون شوفي لي يناسبك ، شري إما شوية ولا بزاف ، أنا كنشري ديال أسبوع تقريبا وحتى يكمل ونزيد عاد ، لحقاش كان لي يكملو لا دات ، ليكوش للبنات ، واللوازم ديالهم " بيسكوي ، حليب ، دانون …" لانجيت ، بابيي تواليت ، المنضفات ديال الحمام ، دونتيفريس ، شمبوان ، جل دوش ، والحوايج لي تحتاجيهم " كريمات ، ديودورون إلخ " ، والقطاني شري كيلو من الحاجة ، راهوم يجيبولك مدة مزيانة كثر من شهرين ولا 3 شهور ، الدقيق ، الخمارة ديال العجين ، هاد الشي لي تفكر دابا والمصروف الأسبوعي : الخضار والفواكه ، واللحوم وداك الشي ديال الجزار وتقدري اللحوم تشري كمية كبيرة وديريها في الكونجيلاتور ، يبقاوك حتى شهر نتمنى نكون فدتك غدي كل ما نتفكر شي حاجة نقولهالك
https://www.anaqamaghribia.com/vb/sho…C7%E1%CF%C7%D1 هاهوا واحد الموضوع نتمنا تستافدي منو
شكرا لكن على النصائح و اخا الاخت MO7IBA LILAH خوافتني منو
المشاركة الأصلية كتبت بواسطة oumhiba-09 
شكرا لكن على النصائح و اخا الاخت MO7IBA LILAH خوافتني منو لا أختي مشي خوفتك أنا كنشوف النساء ل هازين المصروف ديل الدار او ماما وحدة منهم؛تفكري ها تقديا ديال السوق ها السلعة ها مصاريف الدراري ل مكتقداش ديمة تقولي غادي نشيط شي حاجة لكن مع المصاريف او لغلا كتولي حتى مصروفك الخاص كتصرفيه بلا متحسي أنا مخلية لراجلي هاد المسؤلية او مهنية راسي او لحاجة ل بغيت كيعتيها ليا يالله نهز هم العشا ولغدا باركة عليا هادي غير مجرد نصيحة ونتي ا ختي شوفي وفكري ألف تخميمة او تخميمة ولا ضربة بمقص وإلى كان راجلك بعيد عليك ولا مشغول بزاف مافيها باس أما إلى كان معك ف من أفضل تقسمو المهام بش ابقى التوازن و حتى طرف ما يعيا سمحي ل أختي والله إعونك على وليداتك
ينقل الى قسمه المناسب
اختي خليه هوا يهز المصروف و يهز المسوؤلية ديال داروا و ديال ولادوا وديالك حتي انت و ديال الماء و الكهرباء باش يحس بها ما شي يكلس غير ياكل كاع ما يحس بثقل ديال الكفة لان هذا الوقت سلامة ياربي كلشي غلا وخاص خاص كاع متتقضا هو غذي يهني راسوا و يرمي عليك الحمل كولوا ديال الدار و ديال الزنقة و يخليك انت تدابزي تقاذي الميزانية مع الشهر ومع الضياف و مع العيد ومع لوازمه و من بعد يضرب ليك كولشي في الصفر بكلمة واحدة اش تاديري كاع …………………و في الاخير تهرمي بلاوقت من ثقل المسوؤلية……..ولك واسع النطر هذي غير فكرتي انا العبدة المتواضعة