بغيت نعرف فتياب لحم لمناسبة ول أعراس واش بسيبيسا و قعقلا كانديريهوم بجووج ولا إن وحدة فيهم كانديرووها أو واش يكونو ساينين ولا متحوونين wbt9rib شحال نديرو من كل وحدة فيهم ،جاوبوني له يحفضكم أنا معمر درثوم وبغيت نجربهوم واش كايبننو lmr9a
‘gf gd ‘fhohj glhidvhj td hgH;g hglyvfd hglug,lhj hgho,hj hgrdli a;vh ugn ihji
معنديش فكرة أختي حنا كيطيبوه بلا قعقلة و بسيبيسة.كنتمنى دخل شي عضوة تفيدك.موفقة إن شاء الله
المشاركة الأصلية كتبت بواسطة sonbola1 
السلام عليكم ورحمة الله وبركاته
انا غنجاوبك اختي بالنسبة لقعقلة وبسيبيسة انا مكيخطاونيش بلا اعراس غير في الرقة العادية كنعملهم
قعقلة كنطحنها وكنعملها في الدجاج فهي كتنسمو بطريقة عجيبة وكنعملها في الارز ولكن صحيحة كنعمل شي 4حبات كنستعملها في الكيك ديال التمر
بالنسبة لبسيبيسة كنعملها في اللحم فهي اللي كتحمرو وتجمرو مزيان زيادة على المذاق
وكنسعملهم ب2 في المخرقة الشباكية مطحونين شوية شوية تتجي المخرقة بنينة واللون ديالها شوية محمر
وكنعملهم في العسل اللي كنطيبو في الدار كنرميهم 3حبات قعقلة وعود ديال بسيبسة
المهم راه عندهم بزاف الاستعمالت
شوفي اختي راه كنعملهم حتى في القطبان ديال اللحم غنمي كيجيو مذاق اروع
نتمنى نكون فدتك ولو غير شوية
اللحم ديال الافراح
مثلا عندنا 5كيلو والطياب ديال البرقوق باللوز و المشماش بالكركاع
كنشرملو اللحم كاس ماء كبير ملعقة كبيرة سكينجبير ملعقة بزار ملعقة ملح كاس زيت الزيتون حكي اللحم خليه مرقد ششوي
ندوز للنصيب : 2بصلات مشلظين راهوم كافيين الا زدتي غدي يجي متختخ هانا علمتك زعفران حر و ملون ،ملعقة الخرقوم الطنجرة خصها تكون واسعة
حطي اللحم وغلي 2لتر من الماء وضيفيه عليه بلا تشحار ويلا كان اللحم صغير 1لتر من الماء راه مخصوش يتشحر وضيفي الرزيمة لي فيها عويدات القرفة بزايد بسيبيسة ونويويرة وحبات من لبزار حبوب وعويد ديال سكينجبير كاس زيت الزيتون ماشي
الرومية خلي اللحم ديالك يطيب مزيان على نار هادئة
يطيب اللحم حيديه وديريه في اللاطة ودخليه للفرن يتحمر ششوي مشي تيبسيه و حيدي الرزيمة من المرق وبداي كتجمري الطياب ديالك حتا يولي احمر وردي مع التحريك المستمر يمين شمال ومتخليش الدغميرة تلصق ردي اللحم في الطنجرة وقلبيه فهديك الدغميرة
بالنسب للبرقوق و المشماش كناخدو المرقة من اللحم أثناء الغليان ونطيبو فيه البرقوق و المشماش لي كنكونو فزكناهوم فالماء ساخن باش تزول لكحولة كنوضعو القرفة عواد على البرقوق ونصبو مرق اللحم ششوي ديال الملح ونخليوه يطيب مزيان عاد كنضيفو لعسل حسب الذوق ونعسلو البرقوق و المشماش مزيان منبعد نضيفو ليه ملعقة من الزبدة باش يلمع
اللوز كنصلقوه ونقليوه ونخليوه يبرد حتى لوقت التقديم أما الكركاع فلا .. خصو حتى الوقت بوقتو
كنشدو السكر سنيدة و نذوبوه متل الكراميل ونبقاو كنحطو كل كركاعة في الكراميل ونحطوه فوق المشماشه عنداكي يدك تحرق حذاري غي بشوي عليك فكولشي متزربيش وتندمي متافقيننننننننن
وبالصحة والراحة نتمنى نكون وصلت ليك معلومات طريقة الطبخ ديالي .
الطباخة استعملت البسيبة مطحونة والقعقلة هرمشاتها في المهرازجهد شي 6 الحبات في مرق الدجاج فقط واللحم نصباتوا عادي وكل واحد وطريقتوا غير الواحد ما يكترش منهم بزاف
المشاركة الأصلية كتبت بواسطة ام العربي1 باراك الله اوفيك حبيبتي ام العربي