طلب المساعدة لأفكار لتأثيث البيت

السلام عليكم و رحمة الله
هذه اول مشاركة ليا معاكم على المنتدى و نتمنى منكونش ضيفة ثقيلة الظل عليكم، أنا كذلك عاد كنكتشف طريقة المشاركة
أخواتي نا عاد غادي نبدا نفرش داري و بغيت أفكار من عندكم خاصة اللي سبق ليها دازت من هاد المرحلة
اولا اللي عندها شي اقتراح ل صالون l عصري و مغربي فنفس الوقت وطبعا اللي عندها فحال هاد ستيل ايلا ممكن تقولي شحال كلفها :ـ) راكم عارفين راه مازال تابعني كولشي…..

و الله يجازيكم بلخير

---

‘gf hglshu]m gHt;hv gjHede hgfdj gjgfdm hgfpj

حتى أنا أختي بحالك غادي نبدى نفرش داري
نتمنى من البنات اسعدونا بلأفكار

تماما راه محتاجين خبرة الأخوات الي سبقونا فلمشوار ههههه
لقيت بعض الصور في انتيرنت و بغيت نوريهوم ليكوم…..
angel09 يقدروو يعجبوك

بغينا حتى البنات افيدونا بلأتمنة حيت ماعندي حتى فكرة

السلام عليكم ورحمة الله وبركاته
شكون اللي ثقدر تساعدني بغيت ندير صور فالمشاركة و مبغاش يافيشهم
شكراً لك

أنا معرفاش
بان ليا كينا غير أنا وياك كلشي كيطل و يهرب هههه

أختي بالتوفيق في مشوار ديالك الفراش راه سبقتكم في المشاكل ديالو ودرت بزاف الاغلاط في الاول عاد صلحتها من بعد في الوا شريت صالون عصري جاهز للصالون وندمت عليه من الأحسن متشريوش من كيتيا وموبيليا سيرو عند نجار وغادي يعطيكم كتالوك السدادر والكوانات والطبالي كل واحد على قد جهدو الاثمنة ماخلفة بادية لسداري من 200درهم الى مافوق والكوانات ديال الديكورات من600درهم الى مافوق البونج مبقيتش تنتبع الزواق حيت البونج اللي فيه الرسولات مغشوش شريت غير البونج عادي فيه ضمانة 25 عام الطلامط ولاو الزواقات على الأشكال والتواب في مدينة الدارالبيضاء ارخص من الشمال

حتى انا باغة نستافد من تجارب الاخوات للي سبقونا ههههه مكرناش شي اخت تقولينا الاتمنة والفراش كيف داير

اختي اللي نصحك بيه هو بعدي من الجاهز من الافضل تشوفي الكتالوج عند نجار وخودي اللي بغيتي والاثمنة راه كل وجهده ولكن عند رخصه تخلي نصه
او كيف قالت الاخت كلمة خير راه كازا فيها داك الشي زوين وفالمتناول واللي نوصيك عليه بالمسبة لبيت الجلوس من الافضل ديري الوان مغلوقة على حساب الالوان المفتوحة دغيا تتوسخ
والله يسر لك اختي

شكرا أختي كلمة الخير على التفاصيل راه غادي تفيدني بزاف
أصلا حتى انا ماكونتش مشجعة على داكشي ديال الكيت كايجيني غالي و ماشي متين
الله يجازيك بيخير