السلام عليكم 0000000مبارك عليكم الشهر الفضيل حبيت احد يعطيني ط·ط±ظٹظ‚ظ‡ ط§ظ„ط´ط¨ط§ظƒظٹظ‡ ظˆط§ظ„ط³ظپظˆظپ ظˆط§ظ„ط¨ط±ظٹظˆط§طھ ولكم جزيل الشكر
‘vdri hgafh;di ,hgst,t ,hgfvd,hj
المشاركة الأصلية كتبت بواسطة عربية مغتربه 
:):):):)
الله ايسر ليك اختي سعادتي رضى ربي
2 كيلو طحين …نصف كيلو زنجلان محمر ومطحون ومغربل….ملعقة نافع…وملاعق حبة حلاوة مسخنين شوية فالفران ومطحونين …نصف كأس خل…3 ملاعق زبدة مذابة…
قليل جدا من خميرة الخبز..قليل جدا من خميرة الحلوى .. قبصة ملح…3كؤوس زيت ..كأس ماء زهر..
نصف كيلو لوز محمر ومطحون مزيان اختياري يعني حسب استطاعتك وليس ضروري
الطريقة معروفة
حمري الزنجلان وطحنيه وغربليه مزيان ..زيدي عليه النافع وحبة حلاوة حتى هما محمرين شوية ومطحونين ومغربلين….
ضعي الطحين في قصرية وزيدي عليها الزنجلان وحبة حلاوة والنافع واللوز ادا استعملتيه وخلطي مزيان ديري حفرة فالوسط ديري فيها خميرةالخبز والحلوى والملح
و مقدار الزبدة ولخل والزيت وماء الزهر وعجني حتى تنسجم المقادير كلها
قسمي العجينة الى كويرات وضعيها في بلاستيك غدائي باش متقساحش بالهواء
وطلقيها بالمدلك او بالة التوراق وقطعي بالشكل المعروف
من بعد قليها وغطسيها فالعسل وحيديها من العسل خليها تستقصر شوية ورشيها بالزنجلان محمر او باللوز محمر ومهرمش وبالصحة والراحة نتمنى تكون عجبتك
السفوف
المقادير 2 كيلو طحين رطب.. نصف كيلو لوز….. نصف كيلو كاوكاو ….. نصف كيلو زنجلان ….. نصف كيلو زريعة الكتان …نصف كيلو ايلان …ربع زبدة مذوبة…..نصف كيلو سكر كلاصي….. ربع عسل…. 3 كيسان زيت
كاس زنجلان ….وكاس لوز صحاح ماشي مطحونين للتزين
الطريقة
حمري الطحين وغربليه حمري الزنجلان وطحنيه قلي اللوز في الزيت بقشورو وطحنيه..كاوكاو مقشر ومقلي فنفس الزيت ومطحون ..زيديهم على الطحين ..زيدي عليهمالزبدة مذوبة…الزيت اللي قلينا فيه اللوز والكاوكاو .. السكر كلاصي ..العسل
ملاحظة الزيت اللي نقليو فيها اللوز والكاوكاو هي اللي فالقياس يعني 3 كؤوس دالزيت او اكثر شوية
خلطي مزيااااااااااااان وحكيه بين يديك مزيان حتى ينسجم مزيان وشوفي ادا كان ناقص حلاوة زيدي ليه على حسب ذوقك وادا كان حلو وهو باقي مرمل زيدي ليه الزيت او الزبدة مذوبه حتى يكون معلك شوية
بالنسبة لزريعة الكتان وايلان هما اختيارين ولكن كيعطيو مذاق رائع للسفوف …حتى هما ادا استعملتيهم حمريهم وطحنيهم وغربليهم ..غير هما اللي تغربليهم
ادا بغيتي مقادير العسل هاهي ديال الشباكية ويمكن تعمليه حتى لبريوات والسفوف
المقادير
4 كيلو سكر………8 كؤوس ماء….4 ليمونات يعني الحامض مقطع على 4 ..4 عواد القرفة…..1 اتاي نيكرو….
الطريقة خلطي الماء والسكر في طنجرة عميقة وحركي مزيان وزيدي المقادير الاخرى اللي هي القرفة والليمون …الحامض…واتاي نيكرو ووضعيهم فوق النار مع التحريك من حين لاخر ملي تغلي العسل نقصي النار حتى اقل درجة ممكنة باش متفيضش بزاف وبقاي مرة مرة تشوفيها ملي يرجع اللون ديالها بني فاتح
خودي شوية في ملعة وضعيها في صحن وشوفي ادا كانت كتعمل فحال الخيط عرفيها راها واجدة وطفي عليها النار وخليها تبرد وادا كانت باقا خفيفة خليها تزيد تعلي على نار مهيلة
نتمنى نكون فدتك وراها مجربة وكنعملوها فالشباكية مكتقساح مواول
ملاحظة الكاس اللي تعبري بيه الماء فالشمال كنقولو ليه لمبا دالقهوة كيكون طويل شوية على الكاس ديال اتاي نتمنى تكوني عرفتيه
اتاي نيكرو هو اتاي اللي كيكون فالاكياس الفردية ويكون شاي اسود