السلام عليكن أنيقات و جميلات المنتدى هذه أول مشاركة لي أتمنى أن أكون عضوة مقبولة بينكن اليوم حبيت انقل ليكم كيفية العناية الأسبوعية بالوجه ديالي كيف تتعرفوا جميع عزيزاتي بأن الوجه هو المراية ديالنا وحيت هو أكثر جزء في جسمنا معرض للجفاف بسبب الطقس والتلوث و بالتالي حتى لونه تيتغير لذا واجب علينا مرة في الأسبوع نعتانيو به قبل الحمام ديالنا و ذلك عبر 4 مراحل:
1حمام البخار
2التقشير
3التنظيف العميق
4 الترطيب
وأنا شخصيا هذه هي ط·ط±ظٹظ‚طھظٹ في ط§ظ„ط§ط¹طھظ†ط§ط، بوجهي:
بالنسبة لحمام البخارخدي عزيزتي شي كاسرول فيها الماء و حطيها تغلي فوق العافية و حيت تطلع الغلية رمي فيها 3 أو 4 عروشة نعناع أو 2 معالق خزامة أو بابونج حسب المتوفر عندك وخليهم يغلاو ومن بعد طفي العافية وخدي شي فوطة و حطيها على راسك وقربي وجهك من الكاسرول باش البخار يدخل المسام و يحلهم لينا هذه العملية تدوم شي 5 حتى 10 دقايق٠
من بعد تندوزو لعملية التقشير هنا تاخدي زيت اللوز أو زيت زيتون لي متوفر و تدهني وجهك بها من بعد تاخدي شوية سنيدة متكونش غليظة و تبداي تدلكي بلطف وبحركات دائرية فلوجيه شي 5 دقايق وتقومي بغسل الوجه وتدهنيه بأبيض البيض بالنسبة للبشرة الذهنية وأصفر البيض للبشرة الجافة وتخليه ثلث ساعة وتغسليه بماء سخون٠
ودابا من بعد م حلينا المسام و قشرنا وجهنا و حيدنا ديك الجلدة الميتة غادي ندوزو للتنظيف العميق وهنا م كاين ماحسن من الطين الأخضر حيت هو فعال و نتيجتو تتبان في الحال و الطريقة هي تتاخدي 2 معالق من الطين و تزيدي عليهم قياس ماء الورد حتى تحصلي على عجين يوضع على الوجه لمدة ربع ساعة ثم يغسل بالماء السخون متبوع بالماء البارد باش يتسدو المسام٠
وأخيرا وللترطيب نحتاجو 2 معالق دانون مسوس نزيدو عليهم معلقة عسل و2 معالق قشور خيار محكوكين و نديروه ماسك لوجهنا لمدة ساعة عاد يغسل بالماء البارد وشوفي الالة على رطوبة و نعومة واشراقة و إلى كملتيها بشي تحميمة فاعلة تاركة تشوفي لحنيكات كيف موردين و رطيطبين وبالصحة و الراحة٠
اللهم صلي على سيدنا محمد
‘vdrjd td hghujkhx f,[id
المشاركة الأصلية كتبت بواسطة أم هاجرسارة 
عندك الصح المهم النضام و العناية
