طريقتي ديال الحريرة بالحمص

المقادير
الحمص مرقد فالماء من قبل
2 مطيشات مغسولين و يبقاو بقشرتهم و لكن كل وحدة و شنو بغات كاين لي تبغيها محمضة مزياان تكثر مطيشة انا راجلي ما يبغيهاش حامضة بزااف كننقص منها
بصلة
القزبور و المعدنوس و الكرافس
ظريس ثوم
لحيمات مقطعين و الى ما كانوش بلاش انا كنكون مقطعاهم من قبل و نشرملهم كيجيو بنااان فالحريرة اما الى كنتي دايرة القطبان كيبقاو لينا شي طريفات صغار انا كنخبيهم فالفريكو حتى نبغي ندير ط§ظ„ط­ط±ظٹط±ط© و نخرجهم كيكونو خاامرين ههههههه
اللفت البطاطا خيزو
الزيت
التحميرة سكينجبير الخرقوم الملح و شويية ابزار حيت هو ضغيا كيبان فالحريرة و شويية الكروية كنديرها حتى الاخير
الشعرية و الدقيق باش ندوروها

كنشد مطيشة و البصلة و الثوم و القزبور و المعدنوس و الكرافس و شوية ط¯ظٹط§ظ„ الماء و نديرهم فمولينكس كنطحنهم فمرة

و نديرهم فالكوكوط و نزيد عليهم الحمص و اللحيمات و شوية الماء بارد و نشعل عليهم البوطة و نخليهم يغليو

و من بعد ما يغليو نزيد الخضرة البطاطا و الخيزو و اللفت صاينين و نسد عليهم

و ملي نلقاو الحمص طاب نهزو الخضرة و نطحنوها فمولينكس مع شوية ط¯ظٹط§ظ„ الماء

و نعاودو نرجعوهم للحريرة

و ديك الساعة نشوفو شحال غيخصنا ط¯ظٹط§ظ„ الدقيق كل واحد و كيفاش كيبغيها اما ثقيلة اما غيير شوية بالنسبة لي انا ما كنزيدش الدقيق بزاف كنزيد تقريبا معلقة و نصف او 2 معالق كبار و بعد المرات كنكثر الخضر و ما نزيدش نهااائيا الدقيق و لكن هادي كتبقى كل واحد و ذوقه المهم كندوروها بالدقيق و من بعد كنزيدوها شوية الشعرية الرقيقة لي كنديرو فالسفة و بالصحة و الراحة

سمحولي شي تصاور ما باينينش مزيان مع البخار
ملاحظة
غتلاحظو باني ما درتش مطيشة دالحك انا ما كنديرهاش و ما كندخلهاش نهاائيا لداري الى كانت عندي مطيشة مطيباها و حاطاها فالفريكو كنديرها ما كانتش كندير مطيشة خضراء و صافي

بالصحة و الراحة

دعواتكم معي و مع وليداتي و لكن بالمثل يا رب