06/02/2019
انا اليوم جبت ليكم وصفة ط¬ط¯ظٹط¯ط© كيفاش تصبرو البدنجان بكل صراحة كايجي هائل و مدة التصبير كدوم لمدة سنتين،و يلا جاو عندكم الضياف كتلقاوه واجد و هدا غادي يكون اول موضوع غادي ندرجو ف هد المنتدى،جربت الشهر اللي فات نزلو و لكن كانو عندي تصاور كبار و قررت ندير التصاور على شكل فيديو كنتمنا الوصفة تعجبكم،و بلا ماتخلعو من المقادير راه كايجي هائل
المقادير:
6 كيلو بدنجان
6 حبات ديال الحبات ديال الفلفلة حمرا
4 او3 ديال المزاود تاهوما حمر
200غرام ديال الثوم
250 مل ديال زيت الزيتون
250مل ديال خل التفاح
250 ديال السكر سنيدة
2 معالق ديال الملح+الملح فين يرقد الدنجال
الطريقة
كنقطعو الدنجال طريفات و كنرشوه مزيان بالملح و نخليوه يرقد لمدة 2 او 3 ديال الساعات من بعد مين يطلق داك الماء الكحل ديالو نصفيوه بلا مانغسلوه و نديروه يتصلق لمدة 10 ديال الدقايق او فداك الوقت نوجدو لصوص ،كانقبطو الفلفلة و كنقطعوها طريفات هي و المزاود و نديروهم فآلطحا نة الكهربائية مع الثوم و نطحنو كلشي و نزيدو ليهم المقادير الاخرى و نديرهم من الفوق البواطة حتى تبد تغلي و من بعد نزيد لها داك الدنجال اللي نكنو صفيناه ونخليوهم يغليو بزوج لمدة 5 دقايق.
و خصنا نكونو موجدين القراعي اللي يكونو معقمين .
نعمرو القنينات ديولنا بالدنجال و نشدوهم مزيان و نقلبوهم علا فمهم لمدة نهار او ليلة .
نخليكم مع الفيديو اللي يشرحلكم المراحل.و لا جربتو الوصفة و عجبتكم متنساونيش بشي دعيوة.
الفيديو راه ديالي غير راني كتب من التحت بطلينيا.
‘vdrm []d]m gjwfdv hgf]k[hk(hg]k[hg) hgf]k[hkhg]k[hg