طريقة التحية

بسم الله الرحمن الرحيم
السلام عليكم ورحمة الله وبركاته

مساء الخير الغاليات ,,

اخواتي حسب عاداتنا وتقاليدنا شنو ط·ط±ظٹظ‚ط© التبويس الصحيحه بين النساءو ط·ط±ظٹظ‚ط© ط§ظ„طھط­ظٹط© ولا السلام ؟؟
عادو لينا على طرائف السلام اللي وقعات ليكم خصوصا هدوك اللي كيعجبهوم التعناق وديك البوس الطويلة اللي كتجيب السخفة ههه

---

‘vdrm hgjpdm hgjp]e

ما قل ودل
وفي الشارع الا تلاقيت مع شي وحدة كنفضل نسلم باليد وكفى

بالنسبة للطريقة، هي الطريقة السلام العادية، وفالبلاد كل وحدة كاتبوس ليد لوخرى بالتناوب وعلى حسب الرابط العائلي والمدة ليماشفتيش فيها المسلَّم عليها، مثلا بوسان اليد للعائلة كاتكون اطول من نساء غير العائلة، وعاود إلى شحال هادي ماشفت المسلم عليها كانطولو فبوسان اليد فحين إلا شفتها مثلا غير البارح، كانبوس لها يدها مرة وهي مرة. وبالنسبة للرجال إلا كانو من العائلة، مثلا الجد، او الخال او الاخوة بيناتهوم كل كايبوس اليد للآخر وكايتليو ببوسان فوق الراس، وإلى كان الجار او رجل الخالة، او ابن العم.. عموما يكونو كبار فالعمر كانبوسو ليهم يدهم مرة وهما لا (وهاد القاعدة بدات كاتنقص شوييية للاسف، عند المثقفات والداريات بعدم جواز سلام المراة بالرجل غير المحرم) وبالنسبة للطريفة، واحد النهار كنا عند شي ناس، وتعشينا عندهوم وطولنا الڭلسة وملي بغات واحد السيدة تمشي جات تسلم عليا وعوض مانڭولها بسلاما… ڭلت ليها اهلان هههه مرڭت ههه

السلام عليكم ورحمة الله وبركاته
التسلام عندنا عادي أو حسب المعزة أو شحال ما شفتي الواحد لكن عندنا فالعائلة واحد السيدة معروووفة وخا ما تشوفك على عام غي تتنطح ماشي تتبوس ونانا الله يرحمها حتى هي معرووووفة بتسليمتها إلا شداتك ما طلقك وحد إبنتي شبهاتها ولكن تبرد القلب ههههه

عدوووووووووووويه التسلام وقوه البوسان واخا منشفش الواحد عل عشر سنين تسليمه عاديه كافيه و ديك قوه البوسان بلا فايده معندها تا معنى ، عائلتنا كامله هكدا متنحملوش داك السلام الباسل؛ و اغلبيه نسلم باليد و مع مرا بحالي ايل تنعرفها بزاف
و شحال ما شفتها جوج بوسات كافيين ، والرجال السلام من البعيد، كلمه السلام كافيه

اختي حفيضة عندك الحق خفيف وضريف ولكن كاينين شي وحدات ايلا مديتي ليها يدك كتقوليك ياكما خفتي ناكلك اولا راه مافياش الجدام وشي وحدين خلاص كتقوليك سبحان الله بندم كيتبدل الله يخلينا فصباغتنا هههه وباش متجبديش هدشي كتضطري تبوسي

هههههه ضحكتيني وتا انا وقعات ليا هاديك ناري شحال خايبة تاف التعاويد ههه وبالنسبة لديك الطريقة تا حنا هكاك كنديرو سبحان الله فيها واحد الهيبة والجمال ماشي بحال البوسان ياكما نتي سوسية ههه

حبيبتي زهرة على هاد الحساب مكتحمليش التعنيقة ديال جداتك وخوالاتك ايلا بطيتي عليهوم؟

ههههههه ايوا شفتي هانتي ولدتي وحدة بحالها ههه داكشي اللي كاين كل ومعزتو وخا شي وحدين لا علاقة ويقطعو فيك النفس وشي وحدين عزااز وكنحشمو نعبرو تابالسلام خصوصا الرجال الكبار

لا انا هضرت عل الناس البعاد ماشي عل اسرتي، انا معنديش لا خالتي لا جداتي
والله من نهار حليت عيني عندي غير اسرتي الصغيره، كون كانت عندي جده نبوسها , حيت راها ماشي بعيده راها هتكون فمعزه ماما