طرطة راقية للمناسبات السعيدة

للكريما 750 مل كريم فريش + 120 غرام شكلاط اسود + 120 غرام شكلاط بالحليب + 120 غرام شكلاط ابيض

للتزين كاكاو بودرة او شوية د الشكلاط اسود مدوب حسب الرغبة

الطريقة

كنطربو البيض و السكر مزيان حتا كيولي فحال لا كريم

كنغربلو الطحين و النشا و الكاكاو و الخميرة دالحلوة و الملح 2 مرات و نزيدزهم على الخليط دالبيض و نحركو بملعقة غير بشوية حتا ينسجمو مزيان

كنعملوهوم فالمول لي عندو القراصة ضروري

كنعملوها تطيب ففرن مسخن من قبل على درجة حرارة 180 تقريبا 15 دقيقة وهاهي ملي طابت

كنخليوها تبرد مزيان انا عملتا ليلة من قبل
كناخدو الكريم فريش و نعملوه فالكنجلاتور واحد 10 حتا 15 دقيقة و كن بعد نطربوه على شكل شنتيي

كنعملو الشكلاط الاسود يدوب فحمام مريم

لا كريم فريش كنحتافضو بيها فالثلاجة و كناخدو الكيكة كنقلبوها الجهة لي كتكون ناللاطة كنعملوها منفوق و كنسقيوها بعصير البرتقال او اي عصير عندنا فالدار انا كنعمل البرتقال حيت المداق ديالو كيتواتا مع الشكلاط و كنعملو مع الجناب ديال المول ابابيي سولفيريزي

كناخدو 250 غرام ديال لا كريم لي طربنا و نزيدو عليها الشكلاط شوية بشوية و حنا كنخلطو بسرعة ضروري باش الشكلاط ينسجم مزيان مع لا كريم و متجيناشي لا موس فيها حبيبات ديال الشكلاط و كنحصلو على موس بالشكلاط الاسود

كنخويو الخليط على الكيكة و كنقادوه مزيان و نحاولو منوسخوشي البابيي سولفيريزي

كندخلو الحلوة للكنجيلاتور على بين ما وجدنا الطبقة الثانية ديال لا كريم
كندوبو الشكلاط بالحليب و كناخدو 250 غرام ديال لا كريم و كنخلطوهم بنفس الطريقة و كنحصلو على موس بالشكلاط بالحليب

كنخويوه على الحلوة و نقادوه مزيان بنفس الطريقة و كنرجعو الحلوة للكنجيلاتور و نعملو الشكلاط الابيض يدوب و ناخدو لا كريم لي بقاتنا و نخلطو معاها الشكلاط بنفس الطريقة لي عملنا فالمرتين لي سبقو و نخرجو الحلوة نخويو عليها موس ديال الشكلاط الابيض

كنقادوه مزيان و نزينوه كيف بغينا اما نزوقزه بالشكلاط الاسود دايب او نكتبو عليه عبارات على حسب المناسبة علاش وجدناه او نرشوه ببودرة الكاكاو او الشكلاط محكوك كيف بغيتو و كل واحد و دوقو و ابداعو

انا صورتلكوم من الجنب باش تشوفو الطبقات كيف كايجيو