طرطة بالشكلاط و البسكوي

السلام عليكم و رحمة الله تعالى و بركاته
هدي وحد الطرطة وراتهالي الجدة ديال واحد صاحبتي اجنبية كتجي غزالة خصها غير شوية ديال الوقت الصراحة غادي تفهموها اكثر اذا كانت الوصفة بالخطوات المصورة ولكن انا عن حاول نشرح قدر الامكان ومرة اخرى انشاء الله نعدلها و نصورالخطوات.
يلا نبداو بسم الله
المقادير
1باكي د ط§ظ„ط¨ط³ظƒظˆظٹ ماريا خصو يكون غليط ضروري( باش كيرجع من بعد فحال الكيك حيت اذا كان رقيق واخا يفزك بالحليب غادي يبقى قاصح)هاهي الصورة ديالو

زلافة حليب او اكثر باش نفزكو البسكوي

250g د الزبدة
100g د السكر و كيس فاني
شكلاط اسود يكون ملي كيدوب مع الحليب ويبرد يرجع شوي عاقد ميكونش سائل
انا استعملت هذا

كاس كبير ديال الحليب
التزيين
200مل كريم فريش
150غ د الشكلاط اي نوع

الطريقة
بالنسبة نالكريم كنطربو بالباطورالزبدة والسكر و فاني او غير بالفورشيط ادا الزبدة كانت لينة
يمكن اضافة شوية د القهوة مدوبة
كناخدو الشكلاط للي عملت الصورة ديالوو نوضعوه في وعاء و نزيدو عليه نص كاس حليب و ندخلوه الميكرووند 2دقائق و نخرجوه و نحركوه ونزيدو عليه النص د الكاس دالحليب للي بقى عاود نعاودو نرجعوه نالميكرووند حتي يدوب و حنا كل مرة نخرجوه باش نحركوه ونخليواه يبرد جانبا من الاحسن من الصباح حتى نالعشية باش يعقاد
بالنسبة نالكريما د التزيين للي عن غطيو بيها الطرطة
كاناخدو الكريم فريش و نوضعوها فكاسرونة حتى تسخن شوية و نزيدولا 150غ د الشكلاط و نحركوها حتى يدوب الشكلاط و من بعد ملي تبرد ندخلوها نالثلاجة نخليوها على الاقل 5ساعات باش ملي كنخرجوها كنطربوها بالخلاط حتى ترجع شنتيي
لتحضير الطرطة
كناخدو 1بسكوي و نغمسوه في الزلافة د الحليب و ندهنولو واحد الجهه بالكريما د الزبدة و الجهة اخرى ط¨ط§ظ„ط´ظƒظ„ط§ط· و نوقفوه فالطبسيل دالتقديم بشكل افقي (من الاحسن يساعدكم شي حد يبقى شابر البسكوي) و ناخدو ط§ظ„ط¨ط³ظƒظˆظٹ الثاني و حتى هو نفزكوه بالحليب و ندهنولو جهة بالكريم د الزبدة و جهة ط¨ط§ظ„ط´ظƒظ„ط§ط· و نلصقوه مع ط§ظ„ط¨ط³ظƒظˆظٹ للي عندنا موقف ف الطبسيل (الجهة ديال ط§ظ„ط¨ط³ظƒظˆظٹ المدهونة بالكريم نلصقوها مع الجهة ديال ط§ظ„ط¨ط³ظƒظˆظٹ اخر للي مدهونة بالشكلاط)
و نكملو على نفس النحو و حنا كنشكلوها على شكل دائري و دائما بنفس الطريقة الجهة ديال ط§ظ„ط¨ط³ظƒظˆظٹ المدهونة بالكريم نلصقوها مع الجهة ديال ط§ظ„ط¨ط³ظƒظˆظٹ اخر للي مدهونة بالشكلاط
ملي نساليو ندهنوها بالكريما د التزيين و انا زينتا بالرقائق الشكلاط الابيض و الاسود
(ندوبوالشكلاط الابيض و الاسود كل واحد بوحدو و ندهنوه فوق ورق السلفريزي حتى يبرد نقطعوه بشكل عشوائى و نلصقوه فالجوانب د الطرطة)
نخليو الطرطة تبرد مزيان فالثلاجة من الاحسن ليلة كاملة

ملاحظة مهمة: ملي تكونو عتقطعوها ضروري قطعوها بشكل مائل باش كيبان ط§ظ„ط¨ط³ظƒظˆظٹ فحال الطبقات
كنتمنى تكونو فهمتو الطريقة و تجربوها و انا مرة اخرى ملي نصوبها ان شاء الله عن نعملا بالخطوات المصورة باش تفهموها اكثر.
وصلى الله على سيدنا محمد و على اله و صحبه و سلم تسليما

---

‘v’m fhga;gh’ , hgfs;,d

ماهتكون غي لذيذة
تبارك الله عليكم اختي ندى العمر، شكرا لك لمشاركتنا هذه الوصفة
حفظك الله

لله يبارك فيك اختي شكرا على المرور ديالك وفقك الله

تبارك الله عليك

لله يبارك فيك شكرا على المرور

تبارك الله عليك
احبيبة عافاك يمكلك تشرحي لي مزيان لان عجبوني اد الوصفات وبغيت نديرهم لعراضة عافاك احبيبة ممكن على الخاص تشرحي لي يعني علىmsn

اختي ام اشراق واميرة شكرا على اعجابك بالوصفات ديالي هذا يشرفني
وبالنسبة نالطلب ديالك باش نشرحلك اكثر انا هاد اليوماين ان شاء الله غادي نعدل هاد الطرطة و نصورها بالخطوات ديك الساعة كانظن عتفهميها اكثر حيت دابا معنديش الكابل ديال الكاميرا

شكرا شكرا شكرا كنتمنى حتى انا نتوفق ونصوبهم بحالك

تبارك الله عليكم اختي ندى العمر، شكرا لك لمشاركتنا هذه الوصفة
حفظك الله

Read more: https://www.anaqamaghribia.com/vb/sho…#ixzz1V0mCDW00

مممم رائعة