طارط جينواز بالخوخ بالصور من كوزينتي

من طرف amanarre

السلام عليكم ورحمة الله تعالى وبركاته
هادي اول مرة كندير ط·ط§ط±ط· ط¬ظٹظ†ظˆط§ط² فحياتي بإلحاح من بنت اختي الصغيرة اميمة مدوزة عندنا رمضان وكتقولي عافك اخالتي ديري ليا الحفلة وقلت علاش لا نجرب
هادي هي الصورة اوى كيجاتكم اول محاولة ؟؟؟؟؟

بالنسبة للمقادير موجودين فالصورة

كنفصل ابيض البيض عن الصفر كنطلعو حتى يولي بحال الثلج كنخلطو لي بقا من المقادير الاخرى عاد كنضيفو المورانك شوية بشوية باش ما تهرسش كنفرشو السلفيريزي على الطاوة الفران وكندخلوها طيب راه مكتاخدش وقت كثير باش طيب دغيا

انا عملت 2 وحدة اوخرى صاوبتها زدت عليها 2 معالق كاكاو
ولاو عندي 2 ديال الجينواز راه لي بالشكلاط نسيت مصورتهاش
خديت المول مدور ودرت 2 حلقات صالحين وحدة بيضة وحدة ديال الشكلاط
و2 حلقات رقعتهم هما لي درت فالوسط
بالنسبة لمقادير التزيين موجودين فالصورة

كنطلع الشونتي كنهروش اللوز المحمر وكنقطع قطع ديال الخوخ

طريقة التزيين

كنوضع قطعة الجينواز الاولى في الاطار الدائري كنسقيها بالسيرو ديال الخوخ وكندهنها بالشنتي وكوضع قطع الخوخ نفس العملية كنديرها مع القطع المرقعين بجوج كنوضع الطبقة لي صالحة فالاخير كندهنها بالشنتي وكندير اللوز فالجوانب باش ندرق العيب وفي الاخير كنزينها على هاد الشكل

وكان ضروري نكتب حفل سعيد اميمة باش تفرح

بالصحة والراحة لا تنسوني من صالح دعائكم
اللهم اجعلني وجميع انيقات المنتدى وجميع المسلمين والمسلمات عتقاء في هذا الشهر المبارك امين يا ارحم الراحمين

‘hv’ [dk,h. fhgo,o fhgw,v lk ;,.dkjd