السلام عليكم
نتمنى تعجبكم و تجربوها
و هي ساهلة بحال الما
العجينة 3 بيض و كاس و نص سنيدة و كاس زيت و كاس معامرش حليب و خلطي مزيان عاد زيدي قشرة حامضة و العصير ديالها و الطحين حسب الخليط مع 1 خمارة حلوة تكون خفيفة بحال الكريمة
شدي صينية كبيرة و غلفيها بورق الفران و زيتيه و خوي الخليط
دخلي للفران عاد شعليه تكون العافية من لتحت تم مني تطيب تكون العافية من الفوق راه كتطيب دغية حضي معاها مزيان ومني الطيب سقيها بالسيرو باش ترطاب
و دابة هنا فين الاختراع ديالي الا ما يكون سبقني ليه شي حد
شديت نص ليترو حليب خلطتو مع فلان عادي و 3 معالق سنيدة و خلطت و نقصت كاس من الخليط
داك الكاس زدت فيه 2 معالق كبار كريم باتيسيير غبرة و خلطت مزيان
رديت الحليب و الفلان يغلاو عاد زدت الكاس الباقي و بقيت كنحرك بسرعة فوق العافية حتى عقاد الخليط
و كبيتو فوق الكيكة ملاحظة طبقة الكيكة خصها تكون رقيقة
و رشيتها بكاوكاو محمر و مهرمش
و دخلتها للتلاجة بردت مزيان و بصحة و الراحة
‘hv’ hgphlq hguhzgdm hglrh]dv gd ,u]j;l
غنجربها إن شاء الله تعالى
تم اضافة الخمارة للمقادير
المشاركة الأصلية كتبت بواسطة نجاة تادلة 
تم اضافة الخمارة للمقادير
شوكرا بزاف و لهلا يخطيك مشرفتنا الغالية