طاجين بنيييييييين و ساهلللل أكثر شي لي حاملة و ما قادا على ريحة الطياب

طاجين ديالنا خاصو :
1 طرف ديال اللحم من جيهة العضم

ربيطة معدنوس بلا ما تقطعيه

بصلة كبيرة مشلضة

2 معالق كبار زيت النيتون

2حبات بطاطا مقشرة و مقطعة محطوطة ف الما و شوية الملح

1 فلفة سودانية

حفنة زيتون خضر بلا عضم إلى حب الخاطر

و بطبيعة الحال العطرية :
مليحة و لبزار وشوية تحميرة وشوية خرقوم الملون و شوية الكامون

الطريقة :
اللي عندها البوطة ديال الضو بحالي تفرش ورق الألمنيوم باش ما تكرفسش ليها و عاد دير قصديرة باش ما كطلعش السخونية نيشان على ط·ط§ط¬ظٹظ† الفخار تْخْسّْرُو ,ايوا عاد تحط الطاجين تشعل نار متوسطة و ما تسناهش يسخن دير نيشان الزيت البلدية فوقها نص مقدار البصلة المقطعة ثم اللحم و ربطة المعدنوس ثم لي بقا من البصلة و زيدي العطرية ويلا كنتي فيك الوحم زيدي هيا هديك تقريبا نص كاس ديال الما و سدي عليه الغطا شوية معوج و فتحي شراجم الكوزينة و سدي الباب و هربي لصالة ضربيها كاع نتي بنعسة ولكن خلي لوصايا مع شي حد من ديك 10 دقايق ل 10 دقايق يطل الى نشف من الما يزيد فيه شوية ديال الما حيت البنة ديال الطاجين كيبسلها الما لكان بزاف
المهم ما خصو لا تشحار لا تحراك لا كوكوت المهم تعطيه الوقت الكافي باش اللحم يهرى انا كان خاصو 1ساعة و 20 دقيقة و كولت لراجلي الله يرضي عليه يلوح فيه ديك لبطاطا و السودانية وزاد نص ساعة تقريبا ديال ط§ظ„ط·ظٹط§ط¨ عاد لاح الزيتون و داق البطاطا لي كانت بطاطة طيابة ولات من عاودش ليكوم هههههه هاااااارية و هاكا تتعجبنا
را واخا تجيكوم العطرية فشيشكل ولا كولُّو كاع فشيشكل رااااجلي شكرو و قاليا ديما تاتصاوبي الطواجن مزيااان تال هدا بنتو كاع لا تقاوم تايكلو و تايدعي معايا هادشي لي شجعني نكتبو ليكم
أما أنا كالسة كنتفرج فيه قديت ندوق غي البطاطا وانا نهرب وْحَامِي صعيييييب ما شكيت دعيو مع كاع الموحمات ربي يخفف عليهم ولي باقا الله يفرحها
المهم ها الطاجين الغشاش وجد بالصحة و الراحة ما نطولش عليكم
​
نتمنى نكون نفعتكوم
ما تنساونيش بخالص الدعاء. أختكم الأنيقة أسماء.

‘h[dk fkddddddddk , shigggg H;ev ad gd phlgm lh rh]h ugn vdpm hg’dhf vdpj