ضروري استفسار بخصوص زواج مغربيه بمصري في السعودية

---

qv,vd hsjtshv fow,w .,h[ lyvfdi flwvd td hgsu,]dm

اول شي اختي بغيت نسولك واش انتي متاكدة انه غادي يعطيوه فيزا
راه اصعب شي هو الفيزا والى تصفحتي المنتدى غادي تشوفي شحال مصريين مقيمين بالسعودية او لاي بلد تاني مكيبغيوش يعطيوهم فيزا حاولي اختي تاكدي من مسالة الفيزا واي شي تاني راه ساهل

ان شاء الله اختي بغيت نعرف الاوراق اللازمة للزواج
وحتى شحال الوقت تتاخذ باش ناخذ الاذن بالزواج

الله يسهل امورك اختي اللي كنعرف انك متقدريش تزوجي بيه فالسعودية حيت انت ماشي مقيمة تماك هدا من جهة لكن الى عندك شي خوك او عمك او خالك مقيم فالسعودية تقدري يدير ليه ولي امرك توكيل و تصيفتي الاوراق ديالك و شهادة تثبت صلة القرابة بينك وبين وكيلك .من غير هادشي راه متقدريش تزوجي بيه فالسعودية..وكيف قالت الاخت الفيزة راها صعيبة باش ياخدها
واغلب لبنات ومنهم انا تزوجنا بتوكيل فمصر حيت حتى انا راجلي سوداني مقيم بالسعودية
الله يهل امورك

جزاكن الله خيرا على الاجابات
ولكن مزال ماعرفتش شنو هي الاوراق اللازمه وشحال ديال الوقت غادي نستنى الموافقه
وبالنسبه للفيزا خويا غادي يصفت ليه دعوة زياره
عفاكم جاوبوني يا المجربات

اختي ديري عقدك في المغرب وقضية ديك الورقة سولي في المحكمة والي نوصيك بيه وياك تفكري ديري زواج التوكيل اختي الا بغاك يجيك هنا وتشوفيه وتعرفيه وديري قانونك في بلادك راه عن تجربة زواج التوكيل كلو مشاكل واصطدامات بواقع مرير من بعد الله يسر اختي امورك

اختي غادي نتزوج بيه في المغرب ماشي في السعوديه
على هاد الشي بغيت نعرف الاوراق اللازمة وشحال تتاخذ ديال الوقت
وهو باغيني وغادي يجي ان شاء الله في الصيف

صباحك مبروك اختي مشتاقة نتمنى ربي يسخر ليك الناس باش تكفيك 10 ايام
اللي نبغي نقول لك اختي حتى انا مزوجة مصري بالسعودية وبالنسبة للفيزا خداها بدعوة من الاسرة المهم اختي هو يجيب وراقو كاملين باش مايحصل تاخير بغيت نعرف اشمن وراق باغة تعرفي واش اللي يجيبهم معاه ولا شنو 10 ايام خاصك اللي يوقف معاك اختي ونتمناو من الله التيسير منتظرة طلبك بالتفصيل ولعلي اوفق في اني نقول لك اشنو اللي خاص تعملي

ربي يخليك اختي ويباركلي فيك
شوفي انا دابا العائله ديالي موافقين عليه الحمد لله وغادي يديرو ليه دعوة باش يجي للمغرب
بغيتك تعاوديلي شنو وقع معاك بالظبط وشنو هي الخطوات والاوراق اللازمه وشحال تتاخذ ديال الوقت
غادي نتعبك معايا يا بنت بلادي وان شاء الله نشوفك في السعوديه ^_^

مكاين حتى اشكال اختي لعلي اوفق في اني نقولك كلشي ومانسى حتى حاجة اول شي مني هو عندو غير 10 اياه كنصحك ينزل بيوم الاحد باش يكون يوم للتعارف بين الاسرة وبين العريس والاثنين مع الصبح على السفارة باش ماتخسروش بزاف الوقت
المهم الاوراق نتاع العريس والل يكمل بالخير هم:– شهادة الأهلية للزواج، تسلم من السفارة أو القنصلية التي تمثل بلد الخاطب الأجنبي بالمغرب، مصادق عليها من طرف وزارة الخارجية ؛
– نسخة من عقد الطلاق أو حكم نهائي بالتطليق في حالة زواج سابق ؛
-شهادة تثبت مهنته ودخله ؛
– شهادة الإقامة مسلمة من بلده أو من السلطات المختصة ببلد الإقامة إذا كان مقيما بالمغرب، أو ببلد غير بلده الأصلي، مع مراعاة مدة صلاحيتها ؛
– نسخة طبق الأصل من عقد اعتناق الإسلام، أو ما يفيد أن الطرف الأجنبي مسلم أصلا ؛
– نسخة من عقد الولادة، مطابق لحالته المدنية ؛
-شهادة الجنسية مسلمة له من طرف السلطات الوطنية ببلده، أو من طرف المصالح القنصلية لبلده، المعتمدة بالمغرب أو ببلد الإقامة ؛
– نسخة من السجل العدلي بمكان الولادة بالمغرب، أو من السجل العدلي الوطني (وزارة العدل – مديرية الشؤون الجنائية والعفو) بالنسبة للمولودين خارج المملكة ؛
– شهادة طبية ؛
– نسخة مصورة لجواز السفر متضمنة للصفحة التي تثبت تاريخ الدخول للمغرب ؛
– أربع صور فوتوغرافية شخصية حديثة .

بالنسبة ليك انتي :– شهادة إدارية تتعلق بالمخطوبة أو نسخة من عقد الطلاق، أو حكم نهائي بالتطليق، إذا تعلق الأمر بزواج سابق ؛
– موافقة الولي مصادق عليها، بالنسبة للقاصرة ؛
– نسخة موجزة من عقد الازدياد ؛
– نسخة مصورة من بطاقة التعريف الوطنيةمصادق على مطابقتها للأصل ؛
– نسخة من السجل العدلي أو شهادة السوابق، أو من السجل العدلي الوطني (وزارة العدل مديرية الشؤون الجنائية والعفو) بالنسبة للمولودة خارج المملكة ؛
-شهادة طبية ؛
-أربع صور فوتوغرافية حديثة .
المهم الاوراق نتاعو ياخدهم من مصر ويصادق عليهم ويكونو بتاريخ قريب باش مايقولو ليكم كملو المهم بالنسبة للاوراق نتاعو الى ماعندوش كيفاش ينزل لمصر يصايبهم ممكن يعمل توكيل لاي حد من اهله او محامي يعرفه يعمل له الاوراق اللي لازم يجيبها من مصر هادي هيا الطريقة اللي عملها زوجي باش ياخد الوثائق من مصر تبقا ليه غير شهادة العمل ومتبوث عليها الدخل ياخدها من صاحب العمل نتاعو
المهم مني صافي يبغي ينزل للمغرب وجدي اوراقك نتي في نفس الاسبوع اللي يبغي يجي فيه المهم كيف قلت ليك يبقا ليك السفارة ساعتها تمشيو ليها بكري يدفع الاوراق الازمة باش ياخد الكفاءة من السفارة المهم تدفعو الاوراق ومن تماك يمشي لوزارة العدل باش ياخد السجل العدلي ويرجع للسفارة ياخد الكفاءة ومعاه السجل العدلي من وزارة العدل باش باذن الله اليوم الثاني تدفعو اوراق في قسم قضاء الاسرة في المحكمة الابتدائية
غادين يطلعو على الملف ويقولو ليك عملي منه نسخ وتصادقي عليها في البلدية بالنسبة للاوراق نتاعك ونتاعو وصافي يشوفكم وكيل الملك باش يعطيمن رسالة لمحكمة الاستئناف والشرطة محكمة الاستئناف يشوفها رئيس القسم على مااظن نه حنا عطيناها غير للسكرتيرة وفي العشية عطاتني الجواب رجعتو للمحكمة ومني دفعنا للمحكمة مشينا للامن عطيناهم الرسالة ودارو معانا استجواب نتاعهم روتيني وصافي هم كيبعثو الجواب نتاعم امى في نفس اليوم او اليوم الثاني وصافي مني معندوش الوقت غاديين تعطوهم فكرة وكنظن الى كان شي حد يتساعد معاكم في المحكمة او شي عدول تعرفوه يوقف معاكم دغيا يزربوكم وتمشي للمقاطعة يشوفكم القائد ولرئيس الدائرة حتى هو كل واحد يعمل تقرير ويرسلو لوكيل الملك من بعد هادشي صافي يكمل الملف ويدفعو لقاضي الاسرة يطلع عليه ويعطي الاذن للعدول باش يكتب العقد
وساعتها يتكتب والغد ليه تاخديه باش يوثقو القاضي ومن تما على الخارجية بالرباط ثم السفارة المصرية ثم السعودية وها العقد جاهز
اي استفسار انا معاك الاجراءات الى مشات كما ينبغي تاخد منك 5 ايام بالكثير ديال المحكمة وغيرها يبقى ليك الرباط باش توثقي العقد ياخد منك يومين بالكثير والله يوفقكم للخير ويجيبكم في الصواب اي استفسار انا معاك اختي