صدر الدجاج معمر هو غذيوتنا لعاد النهار

هادي غديوة بسيطة ولذيذة وغير مكلفة، وبلا كمنطول عليكم لكلام ندوزو لمقادير.
خديت صدر ديال دجاج، صاوبتو على شكل شريحة كبيرة ودرت ليه الشرمولة واللي هي;
شوية لملح+ابزار+سكنجبير+خرقوم بلدي+خرقوم ملون+بصلة مجففة+ربيع+زعفران الحر.
الحشوة;
زيتون مقطع+مكعبات جبن+طريفات ديال الدجاج،ودرت عليهم قبصة لملح،حيت فيهم الجبن وهو أصلا مالح+ابزار+سكنجبير+خرقوم بلدي+ربيع.
ثم عمرت بيه هاداك الصدر ديال دجاج، وسديتو بالخيط باش مايتحلش ليا.
درت في papier aluminum ودخلت لفران،منين طاب،زولتو ودرت شوية زبدة مع الكيتشاب ومعستهم مزيلن حتى ولاو على شكل pommade ودهنت ببهم صدر ديال دجاج ،ورديتو لفران باش يتحمر.
رافقتو بالروز و البطاطا فريت.
كنتظر تشجيعاتكم

---

w]v hg][h[ lulv i, y`d,jkh guh] hgkihv luhd

الله يعطيك الصحة شهيتيني فيه

الله يعطيك الصحة

تبارك الله عليك , اختي من فضلك شحال ديال الوقت تيبقا في الفرن او واش ماتتفرشي ليه والو غير الا لمنيوم منو الا طة
شكرا 10/10

سلمت يداكي

bayn ldid wach momkin t3tini tariqa bach tatsawbi roz walaki jazila achokr

غزااااااااااااااااااااال تستاهلي أحلى تقييم

ممممممممممممممممم كنشم ريحتو من هنا ههههههههههه
تبارك الله عليك هاد الخير كيشهي ,اللهم ادمها نعمة واحفظها من الزوال
الله يحفظك

شكرا الحبيبة على الرد العطر ديالك
انا الوقت متنحسبش ليه ،غير تنحس بيه طاب ، تنخرجو نقلبو الى طاب تنحيدو- وايلا كان مازال شوية تنردو للفران،وفرشت ليه الالمونيوم وتحت من لاطة