صابلي لذيد وممكن تخرجي منه بزاف ديال الأشكال اتفضلي سيدتي

بسم الله الرحمان الرحيم
اليوم جبتلكم واحد طµط§ط¨ظ„ظٹ ممتاز..وراتولي جارتي هادي مدة وهو اللي وليت كنعتامد عليه ملي كتكون القضية مزيرة وماعنديش باش ندير حلوى باللوز هههههههههههههه
يعني كيفكني وكيخرجلي 3 الأشكال أو أكثر
المقادير
4 البيضات
زلافة زيت
زلافة سنيدة
رابعة كوك مطحون
زبدة ماركارين لذة أو أي نوع المهم رابعة
2 خمارات
1 فاني
الدقيق ممتاز خاص بالحلويات
هادشي للعجينة الأساسية
بالنسبة للتزيين
شكلاط
كاوكاو محمر ومقشر ومهرمش
كاوكاو خضر مهرمش بقشوره
كونفيتير
سكر كلاصي
المراشم حسب الشكل اللي بغيتي
هاد الصور راني كنت درت فيهم غير نصف المقادير والزبدة واخا صورت الباكية كاملة كنت درت غير النصف ديالها

فاناء أو قصعة نديرو الزبدة والسنيدة ونخدموهم مزيان

حتى يوليو بحال البومادة كريم

ومن بعد ضيفي باقي المكونات وجمعي بالطحين
قسمي العجينة على 3
جزء ديريه حريبلات وبركي عليهم بالفورشيطة
وديريهم يطيبو ولصقي وحدة مع الأخرى بالشكلاط مخلط معاه شوية كونفيتير ودوزيهم فالسكر كلاصي
والتانية طلقي بالمدلك ورشمي بمرشم دائري مسنن وديريها الطيب
ملي توجد ديري الشكلاط دايب من الوجه ودردري شوية كاوكاو محمر ومقشر ومهرمش
الجزء الثالث طلقيه بالمدلك ورشمي بواحد عادي وواحد مثقوب وديريهم فالااطة وهاديك اللي مثقوبة دهنيها بأبيض البيض وديريلها فوجهها كاوكاو خضر مهرمش بقشوره
ومللي تطيب لصقي وحدة مع الأخرة بالكونفيتير

كنتمنى هادشي يعجبكم
نصيحةٌ(باش الحلوى تبقى فتية ورطبة ولذيذة بالخصوص هاديك ط¯ظٹط§ظ„ سكر كلاصي..ديري معاها فالسطل طرف ط¯ظٹط§ظ„ الخبز وهي غادي ترطاب وتولي غزالة)