شيحاجة كتيدم الشعر الله يخليكم

البناا عواشكم مبروكة ورمضات مبارك سعيد
الله ظٹط®ظ„ظٹظƒظ… شعري ناشف بزاف عييا مندير ليه ووالو
ممكن بغيت منكم تعطيوني وصفة وزيت باش نبقا ندهنو مورا الغسيل
الله ينوكم

---

adph[m ;jd]l hgauv hggi dogd;l

حتى انا نفس المشكيل ، شعري ناشف ، و وخا كنت ندير ليه الزيوت كيتيدم غير شوييية اوا بقيت شحال و انا نقلب على السبب ، لقيت الشمبوانات هما السبب ، حيت فيهم مادة السولفيت لي كينظف الشعر ولكن كيجر معاه كلشي يعني حتى الزيوت الطبيعية لي كينتجها الشعر كيحيدها ، صافي قررت نحيد الشمبوانات و ندير بيكاربونات الصودا هي و الخل ، و فعلا فرق كبيييييييييييييييييييير على الاقل شعر ولا كيبقى ميدم ولكن كيبان زوين ماشي بحال ميدم بزيت تيكون باين بلي غير زيت ، ولكن الحمد الله دبا كندهنو من ورا الحمام
غير شوية بزيت اللوز و كندير السيروم غير من لتحت و حتى الجذور راه مكندهنوش بزاف غير الفوق شوية و صافي دابا اما مع الشمبوانات راه حمام زيت قبل الحمام و من ورا الحمام و وآآلو كيبقى يبان ناشف ، المهم عن تجربة الشمبوانات وخا تكون مآآاركة راه تشوفو المكونات تلقاو سولفيت عرفوه راه غير الزبل و بغيت نشري شمبوان طبيعي من الصيدلية ساعة غير شوييييييييية ب شي 250 درهم ، و دابا قررت نولي ندير غير الديميلور من افون و قلبت في المكونات مافيهش سولفيت هو لي غادي نولي ندير و نشوف النتيجة و نجي نقوليك ، و حاجة اخرى ملي كنت كنغسل بالشمبوانات دوز غير 3 ايام كتولي القشرة اما ملي مابقيتش نديرو ماكين لا قشرة لا جوج و الشعر ما بقاش كيطيح ، حيت القشرة راه سبب من اسباب سقوط الشعر ، اوا هادي تجربتي و ان شاء الله البنات يفيدوك

عندك الصح اختي هاديك المادة كتخرج على الشعر اللي نقدر نكوليك انا كنت قريت على واحد الشامبوان كيتصاوب بازير وزيت عود وشامبو ديال الاطفال كيشكروه البنات بزاف و كاين حتى اصفر بيضة مع زيت العود كديريه ماسك نتمنى الاخوات لاخرين يفيدوك

جربي القطران الرقيق الا تقدري على ريحتو
جربي الجلجلان و زريعة الكتان هرمشيهم و رقديهم فالزيت الرومية ديال عافية, و دهني بيهم من تغسلي شعرك
انا بعدا هاد الثلاتة ماكايخطاونيش

شكرا البنات
الاخت لي فالت على الشامبوان انا فعلا كنت بدلت شامبوان استعملت دوب ولكن رطبو ليا من بعد نشفو ليا
والاخت لي قالت زنجلام وزريعة الكتان يلاه حضرتها فالعشية وزدت معاها سانوج وشوية ديال زعفران حر
ودرتو لشعري وغدي نخليه حتى للاحد عاد غدي نغسلو
والقطران صراحة موافقني بزاف كانت عطاتني واحد كوافورة وصفة زوينة واكن مع الريحة وليت كنتفاداه

كونت كندير الترا ديال لافوكا بان لي غدي نرجع ليه
حيت كنبدل شامبوان وكندم غير كنضيع فلوسي وصافي

السلام عليكم أختي شعرك بحال شعري كنستعمل شمبوان ultra doux aloe vera et huile de karitéهو لي كيجي مع شعري من بعد دوش كنشف شعري مزيان بالفوطة غير بشوية باش متهرسش زغبة و كنخليه يتهوى شوية و كندير شوية زيت اللوز الحلو فيدي و كندهن من الأطراف ثم من الفوق غير لمسة خفيفة متكتريش زيت أنا هادشي لي متبعة دابا و مرتاحة فيه

السلام عليكم

أه يا شعري ههههههه سبحان الله راه عندي نفس المشكل بالاضافة للتساقط

هدا هو العلاج الي حطيت لراسي

كشمبوان الغاسول المسقي

كديميلور يوغورت طبيعي مع قريصة د العسل

وكماسك للترطيب بنانة طايبة و مهرسة والزبدة و شوية د الزيت

وداومي و صبري باش ان شا الله تلقاي النتيجة الي كتمناي

بكل حب

شعر خاصو العناية دائما

السلام عليكم
إن شاء الله تهناي من هذا المشكل إلى الأبد
ولكن الصبر والإستمرار مفتاح كل نجاح
دخلي هنا ودعي معي ومع الأستاذة ذاكرة ولاتنسي الدعاء للمسلمين ولك بالمثل وزيادة
أهم شئ ركزي على الدرس حتى تعرفي مشكل الجفاف من أين أتى هو أكيد الشمبوان له دور ولكن قراي مزيان الملف وستفهمين
يسر الله أمرك أختي وأمور المسلمين

https://www.anaqamaghribia.com/vb/sho…d.php?t=434691