السلام عليكم و رحمة الله و بركاته
كيف احوالكم, ان شاء الله تكونو بالف خير.
فكرتي البسيطة هي صنع سلة جميلة بالكروشيه من قرعة دجافيل خاوية طبعا هههه. نخليكم مع الشرح
خذي قرعة دجافيل و من بعد ما تغسليها مزيان قطعيها بسكين او مقص من الاسفل بالطول للي بغيتي و هذاك الجزء العلوي للي بقى ليك قطعي منو شريط للي غادي يكون اليد ديال السلة كما في الصورة
من بعد خيطي هذاك الشريط مع جناب السلة و اذا جاك طويل نقصي منو. يجيك على هاد الشكل 
موراها نخدمو الغشا ديالها للي كتبدايه بالقاعدة
على 6 د سنيسلات كتخدمي 20 عمود في الدورة الاولى
في الدورة الثانية كديري مرة عمود فالسنيسلة و مرة 2 اعمدة فالسنيسلة. و في الدورة الثالثة كتبداي ديري مرة مرة 2 اعمدة في السنيسلة باش ماتكرّشي الخدمة حتى توصلي لحد القاعدة دالقرعة, ديك ساعة تبداي تخدمي غير عمود فكل سنيسلة
و تبقاي غادة على هاد الشكل حتى توصلي للفوق و يتغطاو الحواشي و تقطعي الخيط, و تعاودي نفس الطريقة باش ديري الداخل دالسلة.
الخطوة التالية هي خدمة الغلاف داليد بحيث كديري شريط على قد العرض داليد
من بعد كتخدمي سنيسلات بطول دورة السلة و اليد ديالها
و على هاذ السنيسلة كتبقاي ديري 2 اعمدة فكل سنيسلة الى نهاية السنيسلات و نفس الشئ في الدورة الثانية باش تحصلي على شريط مكرّش
و بلون مغاير تزيني هاذ الشريط بالشكل للي عجبك. و هذا مجموع الاشياء للي خدمنا
هنا كنبداو تركيب اجزاء السلة للي كنلاقيوهم بابرة و خيط عاديين
و في الاخير
و هذا الشكل النهائي 
19.jpg
ملاحظة: يمكن تخدمي فحال هذي على اي قرعة, دالزيت او دالماء او… و باي حجم
كنتمنى تكون عجباتكم
و السلام
a,t,h ak, ;hkj>>>, v[uj>>>fhgavp v[ujfhgavp ;hkj,
الله يعطيك الصحة
فكرة مبتكرة و زوينة
فكرة زوينة
