5/04/2019
bent bladi
رغم ان هاد اليوماين ماكاين تفاعل ,حيت حطيت مقادير طوست جا غززاااال و ماكان تفاعل اللا اني مصررررررررة نشارككوم بالحاجات اللي مجربا وناجحين 100فال100 ههه
المهم هادي كايديروها فاسبانيا وكاتحمقني,ومارتاحيت حتى نجحت فيها من بعد حرماني منها مللي عرفت انهو كايصاوبوا العجين بالشراب والعمارة بشحمة الخنزير احيانا
كترت الهضرة اندوز للمقادير
العجين : 300غ طحين
25غ زبدة
3معاق زيت زيتون
بيضة
ملح
تحميرة
ماء نجمعوا بيه العجينة
نجمعوا العجينة بحال الخبز
الحشوة
3بصلات كباار مشلضين او شرائح جد رقيقة
4فلفلات كبار طريفات صغار نشحرهما بالملح والزيت حتر يرطابوا مزياان
ثم نضيف صلصة طماطم ( ماشي الحامضة ديال الحك) ديال البيتزا او ديال الدار
ونضيف بيض مسلوق مقطع و 2 علب طون ونخلط
نطلق العجين فمكان مدهون بالزيت ونقطعه دوائر ونبلل جنابه بالماء باش يلتسق من بعد
ونضع قليلا من الحشوة
نطوي الدوائر ونزوق الجناب بالشوكة
ونضعها بطاوة فوق ورق الفرن
عاودت حطيت وحدة كبيرة للي دخلات اللولة هههه وندهن بالبيض
وبالصحة راه كاتجي بنييييينة , ممكن تديري غي مسبطيل كبير الى كنتوا غاتناولوها كلها فنفس الوجبة
بالصحة والراحة
a,s,k hg’,k hghsfhkdmempanadilla de atún atanduacuten a,w,k
صافي الكبيرة من نصيبي ياكي
