شوربة الدجاج الكريمية ماكاينش أحسن منها لفطور صحي و بالصور

ها أنا عاود رجعت و جيبت وصفة خفيفة و صحية أخرى للفطور اليوم و يالاه ساليتا خرجت من الكوزينة و مباشرة للمنتدى حيت الحاجة مين كتجيني مزيونة كنقول ما نبخلشي عليكم بالوصفة، إيوا نجيو للمقادير

المقادير:

1 خيزو محكوك في الحكاكة الغليظة
1 قرعة خضراء محكوكة في الحكاكة الغليظة
صدر دجاج مقطع مربعات صغيرة
1 بطاطس كبيرة مقطعة مربعات
1 بصلة كبيرة مقطعة مربعات
قليل من المعدنوس مفروم
ملح، إبزالر،سكنجبير و كنور ط§ظ„ط¯ط¬ط§ط¬ و قليل جدا من الزيت

الطريقة:

في طنجرة كنشحرو الخيزو + القرع + ط§ظ„ط¯ط¬ط§ط¬ مع قليل من الزيت و الملح و الإبزار و السكنجبير

في كسرونة نضع البطاطس + البصلة مربعات +2 زلافات من الماء يطيبومزيان

نضع خليط البطاطس و البصل مع ماء الطبخ في الخلاط و نضيف 1 ملعقة كبيرة من النشا و نخلط حتى الحصول على كريمة متجانسة

نضيفها إلى طنجرة الخضر و الدجاج

و نخفف الحساء ب 2 أو3 زلايف ماء حسب دوقك كاين اللي كيبغيها ثقيلة و كاين اللي كيبغيها خفيفة أنا في الوسط لدلك أضفت 2 زلايف و نصف من الماء

كنحركو مزيان و نضيفو المعدنوس مفروم و كنور و نتركها تغلي بضع دقائق و ها هي واجدة

بالصحة و الراحة