شوربة البلبولة والقمرون مممممم ولا أروع

السلام عليكم لتحضير هادالشوربة كنحتاجو
كرافس
مطيشة
بصلة
ملعقة كبيرة مركزطماطم
كاس عنبة بلبولة مرطبة في الما على الأقل شي ساعتين
إبزار سكينجبير خرقوم ضامة الزعفران ضامة الحوت ملح حسب الذوق
شوية ديال القمرون
والما الكافي باش يطيبو الخضر
وطبعا شي معلقة كبيرة ديال الزيت الرومية
كنديرو الطنجرة اللي غادي نطيبو فيها على عافية متوسطة ونديرو فيها شي 2 لتر ديال الما ونقطعو الخضر(البصلة والكرافس و مطيشة وخزو)بشكل عشوائي نزيدو مطيشة الحك والعطرية وضامة الزعفران والملحة والزيت ونسدو عليهم شي 30 دقيقة من بعد نخليوهم يبردو شوية ومنبعد نطحنو كلشي في الخلاط الكهربائي ونرجعوهم للعافية يغلاو( خاس البلول يكون جاري إلا كان عاقد كنزيدو قياس ديال الما اللي غادي يجريه لينا ) من بعد ما يغلا البلول كنصفيو ط§ظ„ط¨ظ„ط¨ظˆظ„ط© من الما اللي كنا مرطبينها فيه ونضيفوه للبلول وحنا كنخلطو شوية بشوية ونتسناو عليها شي ربع ساعة حتى طيب نقشرو القمرون ونزيدوه على ط§ظ„ط¨ظ„ط¨ظˆظ„ط© ونضيفو ضامة البنة ديال الحوت نتسناو شي 5دقايق ونطفيو العافية وها الشوربة واجدة بالصحة والراحة وسمحوليا على المقادير كل أنيقة ديرهم على حساب قياسها أنا المقادير اللي درت خرجو ليا 6زلايف