شوربة أخرى للتغيير

[IMG]img]https://www.anaqamaghribia.com/Gallery/images/bas/0012.gif[/img][/IMG]

أنواع الشوربات لا تعد و لاتحصى و بما أنني من محبات الشوربات لما لها من فوائد خصوصا بالنسبة لأطفالنا فغادي نقترح عليكم واحد الشوربة عطاتني الوصفة ديالها صاحبتي الله يجازيها خير الجزاء. غادي نحتاجو على حسب الكمية 2 أو 3 الجزرات و 2 لفتات 2 كرعات خضرين ,البورو و السيقان ديال الكرافس بغيتو تزيدو بطاطا لكن ذلك حبيباتي . هذا بالنسبة للمرق من بعد غادي نحتاجو للشعرية الصينية , الفطر الأسود و القمرون و كذلك إلا حبيتو تفننو و تبرعو لي الدراري طريفات ديال بيبي

تنغسلو الخضرة و نقطعوها و نعمرو الكوكوط بالما ونملحو ونبزرو و اللي بغات تزيد عليها ضامة البنة و نديروها تسلق و بالموازاة مع ذلك نكونو غلينا الماء باش نرطبو الشعرية الصينية و الفطر الأسود و نسدو عليهم باش دغيا يرطابو .أنا هنا ما درتش بيبي اللي بغات ديرو تسلقو حتى هو .

ملي تتسلق الخضرة تنحلو عليها باش تبرد باش نطحنوها و نقطعو الشعرية الصينية و الفطر الأسود إلى قطع كما في الصورة

ملي تنطحنو الصوبة تنصفيوها بالصفاية و تنرجعوها للكوكوط و نضيفو ليها العناصر الأخرى و نخليوها فوق العافية باش ينسجمو العناصر مع بعضياتها و نقدموها ساخنة

و غير باش نزيد نشجعكم تجربوها ملي تنديرها للدراري حتى تيكملو الكوكوط عاد تيرتاحو بقوة ما تتجي لذيذة ههههههههه.إيوا هاهي واحد الزليفة مع بيضات بلديين و الفاكية ديال عاشوراء هههههه لأول وحدة دخلات و قبلو علي الحبابات .

a,vfm Hovn ggjyddv