شوارما بالدجاج بحال ديال الزنقة من مطبخنا بالصور + الطبق المرافق

السلام عليكم ورحمة الله وبركاته
اهلا وسهلا حباباتي الغاليات عواشركم مبروكة والله يبلغنا رمضان بالصحة والعافية وطاعة الرحمن
اوا كاين شي توجاد شي شباكية شي سلو …. اوا الناس ملي بداو يحطو وصفات الرمضان انا عاد طفات عليا الشمعة ختكم متأخرة هههه اوا بلاما نكثر عليكم الهدرة ههههه هادي واحد الشورما كنت جربتها من واحد المنتدى وعملتها هادي شي شهر تقريبا وانا باغا نحطها عاد حن عليها الله هههه

يلاه ندوزو المقادير والطريقة على بركت الله

نص كيلو الصدر الدجاج او بيبى انا عملت الدجاج خليتو ليلة كاملة مرقد فى الثوم وقشو وعصير الليمون

ومن بعد خرجتو من الثلاجة وقطعتو طريفات رقوقين
ومن بعد عملتو في مقلاة فيها شوية الزيت الزيتون ونزيدو عليه الابزار والملح والعطرية الخاصة بالشورما ونحركوها مزيان باش تدخل العطرية مزيان فى الدجاج ونخليه حتى طيب

هنا قطعت البصلة كبيرة مربعات صغيرة وعملتا فوق العافية مع شوية الزيت و الملح والابزار بلاما تحمر

ومن بعد زدت فوق منها شوية شبلور حركتها وطفيت البوطة

ومن بعد ضفت البصل على الدجاج
وباش تعطيها نكهة خاصة ط¨ط­ط§ظ„ ط¯ظٹط§ظ„ المطاعم جبت واحد الفحمة مشعولة عملتها في زلافة فى وسط الدجاج وعملت فوق الفحمة شوية الزيت وغطيتها بالزربة حتى نتأكد بأنها شربات ريحة الفحم من بعد نزولها

ودبى وصلنا لاصوص

نصف كاس صغير طحينة انا ماعنديش طحنت غير الزنجلان هههههه + الثومة محكوكه+ملح+ملعقة كبيرة زيت زيتون أو اكثراستسمح ماصورتوش+واحد دانون مسوس+عصير الحامض الكمية اللي تناسبك

يخلط اولا الثوم مع الملح والطحينة والحامض ودانون مزيان

ومن بعد نزيدو فى الاخير زيت الزيتون

وهاهي واجدة

وهنا جبت البصل+ مطيشة + الكورنيشو + الخس قطعتهوم شرائح وزدت عليهم لا صوص اللي صاوبت

وفى الاخير جبت الخبز اللي صايبتو في الدار خديت المقادير ط¯ظٹط§ظ„ الحبيبة امونة الله يجازيها بخير

https://www.anaqamaghribia.com/vb/sho…d.php?t=228982

فتحتوودهنتو بشوية لا صوص

وزدت عليهم البصلة+مطيشة+كورنيشو اللى مخلطين مع لاصوص اللى عدلت

لويتهوم وقدمتهوم يمكن ليكم تعملوهم في ألة البانيني او تدخلوهم للفرن انا كنت مزروبة مع كنا صايمين أذن المغرب وحطيتهم هاكاك ههههه

بالصحة والراحة
دابا ندوزو للطبق ط§ظ„ظ…ط±ط§ظپظ‚ اللي عملتو بطريقة خاصة باش ياكلوه لوليدات الصغار هههه انا مع واحد بنت خويا في الدار عزيز عليها داك الشي الطويل ط¨ط­ط§ظ„ سباكيتي وايندمي ههههه وانا ندير ليها هاد الطريقة وفعلا جابت نتيجة ماشي ط¯ظٹط§ظ„ المدرسة ههههه

المهم في مقلاة على النار نعملو البصل مقطع شرائح رقيقة + الزعتر محكوك+ملح + بزار + ضرس ثومة محكوك + وزيت الزيتون ونحرك الكل ونخليها تشحر شوية

ثم نضيفو عليها الفلافل الألوان اللي عندك حتى هوما مقطعين رقاق على الطول

ثم نضيفو الجزر المقشر ومحكوك طويل + الهريسة الكمية اللي تناسبك (ممكن تعملي فيها حتى ورقة سيدنا موسى حتى هي كتجي زوينة)

ونقدمو بالصحة والراحة

وهاهي الاطباق واجدة قدمت معاها حتى معقودة الكورجيط ها الرابط

https://www.anaqamaghribia.com/vb/sho…d.php?t=192703

نتمنى تعجبكم
واللي دخلت تفضل مرحبا بيها فابوور بلاما تخلص هههههه

يلاه تصبحو على خير
السلام عليكم ورحمة الله
في امان الله ورعايته

a,hvlh fhg][h[ fphg ]dhg hg.krm lk l’fokh fhgw,v + hg’fr hglvhtr