شهيوة السفة المدفونة لحبيباتي

السلام عليكم ورحمة الله وبركاته

المقادير

*1/2 كلغ شعرية سفة
*دجاج على حسب الاشخاص اولا تقدي ديري دجاجة كاملة
*نص كيلو بصلة مشنفة
*التوابل (ملح -ابزار-خرقوم بلدي-قرفة مطحونة- قرفة عواد-سكين جبير)
*ربيع مربط / سمن
*زيت رومية وبلدية
*شوية سكر سانيدة
* مشماش و لوز والسكر كلاصي والقرفة للتزيين

الطريقة مع الصور

*كناخدو الدجاج ونديرو معاه البصلة المشنفة و الزيت شوية بلدي وشوية رومي و التوابل ديالنا ونخليهم يتشحرو مزيااااان
* من بعد نضيفو القياس ديال الماء فاش يطيب و 2 م سمن و القرفة عواد و الربيطة ديال الربيع و نسدو عليه حتى يطيب

في هاد الاثناء ناخدو المشماش هو الاول نفوروه ونقطعوه قطع صغيرة ونخليو شي وحيدات للتزيين

ونديروها في الكسكاس تفور فوق ماء مملح

*المرة الاولى للتذكير كدهن غي بي زيت
*الفورة التانية نشدوها ونخويو عليها ديك الماء لي فارت عليه ونفكوها مزياااان نسقطروها ونعاودو نديرو ليها ما جديد باش ترجع تفور
* الفورة الثالتة كذلك نكبو عليها الماء طايب ونفكوها نسقطروها و نرجعوها تفور
* المرة الاخيرة كندهنوها بالسمن او الزبدة على حسب الذوق انا درت هذا ديال الشام بين وبين ما سمن ما زبدة ههههه

هنا في اخر فورة درت ليها سمن لي على بالكم هههه

وها هي واجدة

من بعدما يطيب دجاج نفرتوه هاكا بحال ديال البسطيلة

نخليو البصلة تعسل ونضيفو ليها شوية القرفة مدقوقة وسكر سانيدة

عاود فوقها الدجاج

فوقو المشماش المفور

و في الاخير ندفنو الكل بالسفة ههههههههه

وهذا طبقي النهائي بعد ما زينتو بالقرفة و المشماش واللوز

دعواتكن غالياتي

aid,m hgstm hgl]t,km gpfdfhjd