السلام عليكم و رحمة الله تعالى و بركاته
انا يا خواتاتي عندي البسباس كثير شيوة هاد الايام ، الله يقوي الخير ، و قصتكم باش تفيدوني بشي وصفات فاش نستعملو ،سواء كانت سلطات أو أطباق رئيسية أو لي كان ، كنتمنى تفاعلوا مع الموضوع و راني نتسنى الردود ديالكم و الله يجازيكم بخير و جمعة مباركة لكل وحدة قرات الموضوع
aid,hj fhgfsfhs
السلام عليكم و رحمة الله تعالى و بركاته ،
حشوة عليكم ، 42 مشاهدة و لا حتى وحدة عبراتني حتى بشي كلمة ، واش زعما حتى وحدة ما عندها شي شهيوة بالبسباس، او لا أنا ما ديزا فيا ،ايوا ما تخيبوش املي فيكن و غير زعمو و عطيوني شي افكار زوينة بحالكم
حشوة عليكم ، 42 مشاهدة و لا حتى وحدة عبراتني حتى بشي كلمة ، واش زعما حتى وحدة ما عندها شي شهيوة بالبسباس، او لا أنا ما ديزا فيا ،ايوا ما تخيبوش املي فيكن و غير زعمو و عطيوني شي افكار زوينة بحالكم
وعليكم السلام اختي بالنسبة لبسباس انا كنديرو مع الحوت فالطاجين او مع الجلبانة واللحم كيجي زوين وهانا نعطيك واحد الصوبا بالبسباس كنت شفتها عند واحد الاخت ومزال مادرتها كنحتاجو البسباس نصف كيلو و2 بطاطات و كاس كريم فريش او دانون مسوس وكنور و بصلة كبيرة ونصف لتر حليب و2فرماجات نطيبو البسباس والبصلة والبطاطا ثم نضيفلهم الحليب والكريم فريش وكنور وملح وابزار حتى يغلي ونطحنو ونسخنوها وتقدم ونتمنى نكون فدتك ولو شوية
أنا اى ختي كندير غي مع جلبانة او لحم راني كتر منك هههه
بارك الله فيك اختي ام لينة وياسمين ، الله يجازيك بخير و ينول ليك الي فبالك ، دبا نجرب هاد الشربة انشاء الله، رديتي فيا الروح ، راني كنت حكرت راسي حيت حتى وحدة مبغاتش تجاوبني ، تقولي غير حتى وحدة ما عمرها طيبات البسباس ،
اختي زنوبة ، انا كنديرو معسل مع السكر و القرفة كسلاطة ، حتى انا صافي هادشي لنعرف ندير بيه ، نتمنى الأنيقات الي جايين ازيدو يفيدونا بشي شهيوات اخرين
اختي زنوبة ، انا كنديرو معسل مع السكر و القرفة كسلاطة ، حتى انا صافي هادشي لنعرف ندير بيه ، نتمنى الأنيقات الي جايين ازيدو يفيدونا بشي شهيوات اخرين
المشاركة الأصلية كتبت بواسطة maya1232019 
بارك الله فيك اختي ام لينة وياسمين ، الله يجازيك بخير و ينول ليك الي فبالك ، دبا نجرب هاد الشربة انشاء الله، رديتي فيا الروح ، راني كنت حكرت راسي حيت حتى وحدة مبغاتش تجاوبني ، تقولي غير حتى وحدة ما عمرها طيبات البسباس ،
اختي زنوبة ، انا كنديرو معسل مع السكر و القرفة كسلاطة ، حتى انا صافي هادشي لنعرف ندير بيه ، نتمنى الأنيقات الي جايين ازيدو يفيدونا بشي شهيوات اخرين
اختي زنوبة ، انا كنديرو معسل مع السكر و القرفة كسلاطة ، حتى انا صافي هادشي لنعرف ندير بيه ، نتمنى الأنيقات الي جايين ازيدو يفيدونا بشي شهيوات اخرين
الله يبارك فيك العفو الحبيبة راه حتى انا بحالك كيعجبني البسباس وكنبغي نبدل شوية من الوصفات اللي متعودة عليها ومكنلقاش نتمنى تعطيني المقادير والطريقة ديال البسباس معسل وشكرا
انا اختي راني اول مرة كليتو هكا معسل كسلاطة ففاس، و اعجبني لكن دوك الناس حشمت نسولهم كيف دارو ليه ، ايو منين رجعت ، عسلتو غير كيف ما قالي راسي و جا زوين، المهم الي كلاوه عجبهم
المهم الطريقة ديالي هي كالتالي:كنسلقو البسباس فالماء مع شوية دالملحة حتى يقرب يطيب و زيدي عليه سنيدة على حساب الذوق و القرفة و نقصي عليه العافية و خليه حتى يتعسل ، و يمكن ديري ليه شوية ديال المرقة داللحم ، المهم كيما كنعسلو كاع الخضرة بحال الكرعة الحمراء و السفرجل و البرقوق
و نتي اختي كيفاش كديري للحوت بالبسباس
المهم الطريقة ديالي هي كالتالي:كنسلقو البسباس فالماء مع شوية دالملحة حتى يقرب يطيب و زيدي عليه سنيدة على حساب الذوق و القرفة و نقصي عليه العافية و خليه حتى يتعسل ، و يمكن ديري ليه شوية ديال المرقة داللحم ، المهم كيما كنعسلو كاع الخضرة بحال الكرعة الحمراء و السفرجل و البرقوق
و نتي اختي كيفاش كديري للحوت بالبسباس