شهاده عدم الممناعه

السلام عليكم الله يخليكم البنات لتزوجت فى مصر قريبا واخدت ط´ظ‡ط§ط¯ظ‡ عدم ط§ظ„ظ…ظ…ظ†ط§ط¹ظ‡ تقولى واش اخدتها فى نفس اليوم واش حتاجت من اوراق فيها لان خطيبى مصرى بالسعوديه وما عنده غير 6 ايام ويرجع لشغله الله يخليكم فيدونى ولكن جزيل الشكر

---

aih]i u]l hgllkhui u[g

بالتوفيق اختي معندي حتى معلومة انتمنى البنات ادخلو ويفيدوك ان شاء الله

اختي رسمية انا دابا جيت مع اهلي لمصر باش ندير العقد وراه ماتخافيش غير جمعي وريقاتك كاملين وراه الشهادة ديال عدم الممانعة كاتاخديها فنفس اليوم غير حيت هنا تعطلنا حتى جاليزينا وراق راجلي في الخارجية ورجعنا للسفارة مع 12 قالو لينا حتى لغدا ورجعو انما راه الناس كلهم محترمين و الحمد لله و الله يسهل للجميع

شكرا يا اخت سونه1984 ربنا يخليك ويكمل عليك بخير يا اختى اشنو هما الاوراق لكيحتاجو فى عدم الممانعه الله يجازيك بخير واسمحى لى صدعتك

شوفي بالنسبة ليك انتي غادي تحتاجي
سجل عدلي و عدم السوابق و شهادة العزوبة وعقد ازدياد ونسخة كاملة وشهادة طبية و موافقة الاب او الوالي موثقين من المقاطعة و العمالة و الخارجية
بالنسبة لزوجك حتى يجي راجلي ونسولو ان شاء الله وماتخافيش الناس في السفارة محترمين و الله يعمرها دار وكل شي ساهل بادن الله
انا اليوم سلموها ليا وراه سولتو الى درت عقد مصري واش ممكن راجلي يدخل للمغرب بسهولة قالي اسبوعين وهاهو معاك ان شاء الله

الله يكمل عليك اختى سونه بخير ويرزقك الدريه الصالحه انا سمعت بان الاوراق كيتوتقو غير فى الخارجيه واش صح ولا غلط اختى اخدتيها فى نفس اليوم صح والعقد اعملتيه حتى هو فى نفس اليوم سمحى لى لصدعتك كيفما ما قلت لك خطيبى فى السعوديه وما عنده وقت لازم يرجع شغله بعد 6 ايام فقط والله يخليك الحبيبه شرحى لى رانى فعلا حيره وما عرفه ما ندير باغى نسافر قبل العيد ندير العقد هاد شى علشان كنسول وزربانه الله يخليك ما تبخلى على والله ينولك كل ما تتمناى

اختى واش الاوراق بتاع راجلك اخدو وقت كثير على ما عملهم ولا لاء لانه رغم انه فى السعوديه فهو مصرى لازم الاوراق يعملهم فى مصر

السلام عليكم البنات سمحوليا على التطفل حتى انا انشاء الله الاكتاب غنسافر لمصر انا والواليد والواليدة باش ندير العقدد قالولي شهادة عدم الممناعه يمكلك تاخديها من المغرب الى عندو معلومات يقولي عليها الله يجازيكم بخيرر واخت سونة الله يحفظك اختي مين درتي شهادة طبية واش يوافقو على شهادة ديال صبيطتار الحومة ؟؟؟وموافقة الولي تاهي ظرورية حيت انا مسافر معايا الواليد قلت يمكن منحتاجهاش ؟وفين كتبتيها ولوراق يجاليزاو في سفارة ولا لا سمحلوليا بزاف الله يسرر اموورنا ياررببب

انا كنت قلت ليكم الاوراق اللي جمعت وهادو الاوراق ديال الزوج المصري
1 شهادة ميلاد ممكينة من الكمبيوتر موثقة من الخارجية المصرية
2 بيان بالحالة الاجتماعية ( القيد العائلي ادا سبق له الزواج او القيد الفردي ادا كان عازب) موثق من الخارجية
3 شهادة طلاق او موافقة الزوجة ادا كان سبق له الزواج او متزوج
4 فيش وتشبيه بيان السجل السوابق موثق من الخارجية
5 شهادة تتبث فيها المهنة و الدخل
6 شهادة من مستشفى حكومي خلو من الامراض على ان تحتوي الشهادة على ختم النسر المصري
7 صور للبطاقة الشخصية وعدد اثنين صورة شخصية
صافي
اما بالنسبة لاوراقي انا راه تجاليزاو في المقاطعة و العمالة و الخارجية وصافي
وانا راه يالله خديت البارح عدمم الممانعة وغدا ان شاء الله عاد غادي ندير العقد
اما بالنسبة للاوراق ديال الزوج راهم تقريبا يوم او يومين لو هو عندو خلفية بالاماكن يخلصهم تقريبا يومين بالكثير
وبالنسبة للاخت اللي كتسول على شهادة عدم الممانعة راها ماكاتخادش من المغرب راه كاتجمعي الاوراق وكاتجيبيهم للسفارة المغربية وهوما كاياخدو منك الاوراق كاملين وكايعطيوك غير شهادة عدم الممانعو وصافي هي اللي كاتزوجي بيها
راه حتى انا مشاو معايا واليديا بجوجهم ولكن ظروري تديري موافقة الاب باش ماتكوني محتاجة حتى ورقة وتكون اوراقك مدعمة وراه كل شي ساهل بادن الله و الناس ظريفين في السفارة
بالنسبة لمصلحة زواج الاجانب ماكايطلبو غير شهادة عدم الممانعة و شهادة طبية من مصر وختم اقامة على الفيزا من مجمع المصالح بميدان التحرير الدور الثاني شباك 42
وخمس صور شخصية
وبالنسبة لشهادة الطبية في المغرب راه اصلا انا كنت ماعارفاشش ودرتها عند طبيب خاص ولكن ظروري تجاليزيها من مستشفى حكومي يعني منالافضل ديريها غير في صبيطار الحومة وجاليزيها من مندوبية الصحة عاد العمالة و الخارجية

شكرا الحبيبه سونه ربنا يخليك ويخلى لك راجلك ويرزقك بدريه الصالحه فعلا اختى رانى خيره وخايفه لان كيف ما قلت لك هو عنده غير 6 ايام ولازم يرجع لشغله فى السعوديه اش نقولك ربنا يسهل وما يعكسو لى ولا يعطلو على شهاده عدم الممناعه اختى واش كل لكانو معاك فى السفاره خادوها فى نفس اليوم ولا لاء لانى خايفه ننزلو وما نديرو والو وهنا غادى تكون الصدمه الله يعطيك ما تمنيتى ويخليلك وليديك جاوبينى واسمحى لى رانى صدعتك