شنو كتشري من مرجان بتمن مزيان والجودة كدلك

السلام عليكم ورحمة الله وبركاته
اخواتي الانيقات كيف حالكم نتمنى تكونو بخير وعلى خير
الى جات على خاطر خاطركم تنصحوني وتقولو لي شناهما المواد اللي كتشريو من ظ…ط±ط¬ط§ظ† كتكون الجودة ديالهم مزيانة وفي نفس الوقت ثمن مناسب لانني مكنخرج بزاف للسوق وماكنعرفشي شنو نشري يالله بديت نتعلم لدلك نتمنى تنصحوني .لانني شريت شحال من حاجة في السوق مني كنمشي لمرجان كنلقاها بثمن اقل من اللي شريت بيه .
نتمنى اخواتي ماتبخلوش علي بناصئحكم

---

ak, ;javd lk lv[hk fjlk l.dhk ,hg[,]m ;]g;

اختي نتمنى تلقاي الي يجاوبك انا ملي كنت فالمغرب ماكنتش كنتقضى دبا تعلمت ولا راجلي مكلفني بكلش حيت كنقتاصد فالمصروف وكندير كومباريزن ماعرفت كينقولها بين كل ماكزة واخرى وكنشوف فين نشري كلشي رخيص الله يعاونك اختي

اختي انا كنشري الصنادل خصوصا دياول الصيف الجودة والاثمنة معقولة

اختي انا تنشري منو شمبوان + بعض المرات مواد غدائية بحال بانيني سكر اتاي كاشير دانون وبحال هدشي الصغير

شكرا ليكم اخواتي الانيقات على الردود ديالكم
ونتمنى يدخلو انيقات اخرين باش نستافدو من التجارب ديالهم

اختي انا كناخد فيه المواد الغذائية بالحق حتى كنشوف الدبليون دياله شي مرات كيكون ناقص ثمن وكيكونمعاه شي حاجة مجانية مطهر البيت وماء جافيل مايونيز المنتوج الاقتصادي والموطارد المايس حتى هو كيعملو 3 البواطات ب16 درهم والشومبنيون حتى ديال المنتوج الاقتصادي والصندلات ديال الصيف مزيانين وفالبرد البانطوفات الفيلي ديال لاداند لان الجزار كيبيعو ب 60 درهم للكيلو فمرجان ممكن شي مرات تلاقيه ب 38 او40 درهم وملي نتفكر شي حاجة اخرى ندخل نكتبها لك ههههه

السلام عليكم و رحمة الله و بركاته
اختي انا كنتقدا من مرجان المواد الغدائية خصوصا
و ملي كتكون وقيتة ديال ‘مرجان يحطم الأثمان’ كنتقدى حتى ماعن الكوزينة، ولا الحوايج داللبس و الصنيدلات كيف قالت الأخت اكرام عندهم الاختيار و الكاليتي و الثمن معقول

مشكوررررررررررررات حبيباتي على ردودكم الطيبة

امتى كيحطم الاتمنة
صادفتها غير مرة

مرجان معروف عليه الجودة كنت خديت منه الفوطات مخيرين صدقو ليا بزاف