شكون لي متزوجة بمصري في الامارات تساعدني ضروري

---

a;,k gd lj.,[m flwvd td hghlhvhj jshu]kd qv,vd

اختي غير قلبي مزيان كاينه واحد الاخت حاطه موضوع متكامل عن الخطوات اللي مرت بهم في زواجها من اجنبي عربي

قلبي في الصفحات التاليه او يمكن شوفي حتى المواضيع المتبته والله يتمم ليك على خير

واحد الاشارة اللي قالولك الاوراق اللي فالمطبوع كاين فيها اللي ماصالحش راه غير كدوب الاوراق كللللللللها اللي فالمطبوع خاصك توجديها حيت ملي كاتديها للمحكمة كايبداو يفريو داكشي ورقة ورقة ، وانتي ماتخافيش راه كلشي ساهل غير وجدو الاوراق كاملين و ديوهم لمحكمة ملي كايعطيك القاضي الموافقة كايجمعولك الاوراق تاني و كايكتبولك سميت العدول اللي خاصك تكتبي عنده العقد و صافي هانتي وليتي مزوجة .
قلبي فهاد الموضوع هادا راه واحد البنت كاتبة كلشي بالتفاصيييييل
https://www.anaqamaghribia.com/vb/sho…d.php?t=242030

اختي الاوراق كلها صالحة وظروري ومؤكد يجيبها معاه من مصر وماينساش القيد الفردي يجيبو معاه من مصر الى كان عازب اما الى كان متزوج يجيب معاه موافقة الزوجة اما الى كان أرمل خاصو يجيب معاه شهادة الوفاة حيت ملي كايمشي للسفارة المصرية في الرباط باش ياخد شهادة الكفائة في الزواج كايطلبو ليه هاد الاوراق على حسب الحالة ديالو وراه مايحلمش ياخد شهادة الكفائة الى ماجابش معاه هاد الوريقة زيادة على الاوراق كاملين اللي في المطبوع اللي خديتي من عند العدول وأي استشارة احنا كلنا تحت امرك راه مرينا من تجربتك

مشكورين والله يجازيكم بالنسبة القيد الفردي هو لي كان عازب يجيبها لاني قلتها لو مافهمها والاان فهمتها لان شئ اوراق مكتوبة في المطبوع مثل شهادة واش هو مسلم شوية غريبة وقالي واحد ماشي مهمة بغيت نعرف واش بصح ولا لا والواحد مسلم لابد يجيب شهادة تقول هكذا

راه غير كايبغيو يدوخوالناس راه في عقد الميلاد كايكونو كاتبين ليهم مسلم اومسيحي وحتى في الكارت ناسيونال بلا مايدوخو ليك راسك والله يكمل ليك بالخير

مشكورة حبيبيتي والله الا فعلا كيدوخو الراس ويصعبوها على الواحد ماعرفت علاش دام الواحد مسلم وزواج وحلال ماعرفت علاش هاد الامور كلها وفي الاخر منين تبيني الفلوس يقولك اهلا وسهلا ويسهلوها ادعولي الله يتمم عليا وعلى كل بنت

الله يتمم ليك بالف خير غير توكلي على الله ظروري شوية ديال الصبر وراه في الاخير كلشي كايدوز بيخير والى بغيتي تسولي اي سؤال انا في الخدمة

السلام عليكم ورحمه الله وبركاته
حياكن الله غالياتي
عفاكم بغيت نسولكم شنو هي الاوراق اللازمة للزواج من مصري في السعوديه
وشحال تياخذ ديال الوقت باش تطلعلي الموافقه
هاذ الشاب جاي المغرب في الصيف باش نديرو الكاغط
والمشكله انه ميقدرش يجلس في المغرب اكتر من 10 ايام وسمعت انه باش ناخذ غير الموافقه خاصني 10 ايام
عفاكم جاوبوني محتاجه ردكم ضروري