شكون لي حيدات لبنتها الحلاقم؟ تفيدني الله يرحم بها الوليدين

بنتي عندها 12سنة ديمة فيها الحلاقم دابا قالي الطبيب ضروري تحيدهم راني خايفة عاد دفعت la presence charge هي لي كنتسنا قالو لي كتبقا 10ايام الفوق، بغيت نعرف كولشي واش كيعملو ليهم الغراز؟ كيفاش كدوز العملية ؟ خفت على بنتي مسيكينة اوباغا تصوم رمضان، الحمد لله، بغيت اشنو كياكلو اول مرة؟ اشناهيا نوع ديال الاكل السوائل؟ المهم بغيت معلومات باش داغي تبرا ولكن جزيييييييييييييل الشكر

---

a;,k gd pd]hj gfkjih hgpghrl? jtd]kd hggi dvpl fih hg,gd]dk

السلام عليكم.انا صديقتي حيداتهم لابنتها بدون مشاكل راه ديك العملية مكيفتحوش فيها كيحيدوهم من الفم.هي فتحات ليها مع الواحدة بعد الزوال ا خرجتها مع الخامسة .اول حاجة كلاتها المثلجات لمدة 4ايام.ممنوع الخبز.السوائل فقط لمدة 7 ايام.الابنة الان مبقاتش مريضة راها بخير الحمد لله.اتكلي على الله.الله يشافي الابنة ديالك.

لهلا اخطيك اختي ام زيد الله يعطيك مناولتي ويخليليك زيد ياربي

إن شاء الله دوز العملية بخير ماوعراش داكشي لي قالت الأخت أم زايد هو لي كاين أنا حيدتهم مني كنت صغيرة 9 سنين من عمري. تيحيدوهم من الداخل خرجت في نفس النهار ولكن بنتك ترد بالها على حلقها في أيام البرد وأنا الحمد الله بخير

ختي إلى كنتي ف دار البيضاء ، سيري عند طبيب مغفور مصطفى ، كاين فوق صيدلية أديبة ، كاين في بورنازيل ، إلى عندك دليل ديال هواتف ، قلبي عليه ، سمح ليا ماعنديش معلومات كاملة ، أنا كنت كنعاني من حلاقم فاش كنت صغيرة ملي دويزت عندو ماعمرهم جوني ، أنا دابا في عمري 26 سنة ، و دويزت عندو فاش كان في عمري شي 13 سنة رحمة ربي في دواء ديالو ، كانتمنى إلى شي أخت كتعرف تعطيك تفاصيل ، كانتمنى تكوني في دار البيضاء

لهلا اخطيك احبيبة انا في تمارة (الرباط)

السلام عليكم من أسهل مايكون تشرب السوائل وكلاص مزيان لها حيث ثلج كيكوي المكان والحمد لله الصيف هذا فهم غير المكروب إذا تكرر تعفنهم كينصح الطبيب بإزالتهم لأن المكروب ديالم يتسبب فروماتيزم القلب إن شاء الله بنتك ستكتسب صحة جديدة اللهم صل على محمد وعلى ٱل محمد

السلام وعليكم ورمضان مبروك
ختي ألعملية ساهلة متخلعيش منها أنا حيدتهم لولدي في العطلة ديال الربيع عمرو 4 سنين
دخل مع 9 ديال صباح ومع 12 خرجنا فحالنا
دارو ليه البنج كامل وكيحيدهم من الفم ومكاين لا غراز لا ولو
مني جابوه من العملية شي نصف ساعة جابو ليه -glace
ولكن عندك واحد 3 أيام تبقى تشرب غير السوائل يعني شي حاجة مفيهاش حتى هدوك الحبيبة صغار و-les glaces
نتمنى نكون فدتك إلى عندك شي تسايل أنا في الخدمة
ومايكون باس
لينوصيك هي دي معك شي بواطة kbira ديال كلينكس

شكرا بزااااااااف اختي

المشكيل انها كتطلع ليها الصخانة حتى 39، اومكتبغي تاكل حتى حاجة، اوماكاتهدرش، خلعاتني الطبيب قالي تصبري حتى تكمل اسبوع عاد جيبيها