السلام عليكن،
أنا عاد والدة سيمانة لفايتة، ما عنديش حليب كتير،واحد طبيبة من العائلة قالت ليا ناخد فيتولاتو بلي لعيالات لي نصحاتهوم ياخدوها قالو نفعاتهوم, خفت تكون عندها شي اضرار جانبية، واش فايتة شيوحدة مجرباها و نفعاتها بلا ضرر
a;,k [vfhj tdj,ghj fitolat gh]vhv hgpgdf
اختي انا سبقلي جربتو منين كنت كنرضع والو محسيت حتى بشي تحسن الاهم كولي مزيان اشربي السوائل بزاف ا لحليب بزاف والاهم من هدشي كولو كل شوية رضعي ولدك راه كترة الرضاعة هي الي كدير لحليب
انا شربتو شحال من مرة فاش كنت نرضع هي كاتحرك الحليب شوي جربيه اختي وشوفي
صباح الخير ا أختي بالنسبة للحليب كولي مزيان وشربي الماء والعصير وانا الحاجة الوحيدة الي كدجيبلي الحليب هي يوكو كنشرب كل يوم واحد دابا بنتي عندها 4 شهور تبارك الله وكنرضها غي البزولة
بالنسبة لهداك الفنيد انا نصحتني به طبيبة و كالت لي حتى هي تتاخدو ملي تتولد و مشيت شريتو يلاه كليت واحدة و نقرا الورقة ديالو قريت انه تيستخدم في حالة الرضاعة و حتى فاتح لشهية اوا انا خفت ناكلو و نغلاض حيت اصلا غلضيت مع الكينة و ملي قريت المكونات فيه الحلبة و السباس كلشي مواد طبيعية و مزيانة و معندك مناش تخافي منها خصوصا للحلبة راها مدرة للحليب انا صراحة مكرهتش ناكلو غير خافت نزيد نغلاض و مبقا مزال عندي فين زيد بارك علي الكينة