بتاريخه السلام عليكم ورحمة الله وبركات 
المونطو كيبدا من الجزء التحتاني غادي تعبرو دورة الصدر وتزيدو عليها من 15 حتى ل17 سنتيمتر للوسوعية لان هدا ظ…ظˆظ†ط·ظˆ خاصو يجي واسع شوية كنخدمو بالزواقة لي فالباترون طول هاد الجزء غادي نعبروه من فوق السرة بشي 5 حتى ل8 سنتيمتر على حساب السن الى الطول لي بغيناه يوصل ليه 
ثم نبداو فالجزء الفوقاني نخدمو على الجزء التحتاني سطر بنصف عمود ثم نخدمو عليه سطر بغرزة البريد الامامية بنصف عمود ثم نبداو فالخدمة د نفس الزواقة غير غادي نحاولو نقزو بعض الغرز باش يتجمع شوية من الفوق تقريبا 14 او21 غرزة يعني نخدمو 7 دالاعمدة من الزواقة .وعوض ما نقزو 3 دالغرز نقزو 4 من جهة 3 ومن جهة 4 المهم فالمجموع يكون العدد قابل للقسمة على 7 هههههههههه 
نخدمو 3 دالاسطر على الدورة كاملة ثم نبدا نخدمو النص د الجزء الامامي بالنسبة للصدايف هدا باترون للعيون طبعا غادي ديرو 2 عيون تشوفو على حساب الخيط لي عندكوم شحال تنقزو من زواقة باش ديرو الثانية 
طول هاد الجزء طبعا تعبروه للبنيتة وخاص يكون في حدود 17 او 18 سنتيمتر والخدمة كطلع نيشان ما فيهاش نقويرة دالعنق حتى تخدمو عليها الكول ان شاء الله نفس الخدمة ديروها للجهة الثانية ثم تخدمو الظهر 
avp l,k’, ;v,adi gud,k ;g hgho,hj hgu.d.hj
بالنسبة للكم غادي نخدمو على سنسلة طولها ما بين 20 حتى ل26 سنتيمتر ديما على حساب السن ونسدوها ونخدمو عليها بالزواقة ديالنا ومنين تبقا تقريبا 13 سنتيمتر باش يكمل الكم نبداو نقصو على هاد الشكل 
كنخيطو الكتاف تقريبا 12 سنتيمتر من 2 جهات والوسط لي بقا لينا غادي نخدمو عليه الكول نبداو من القدام ونديرو تقريبا 8 سنتيمتر ديال العلو ونطويوه ونخيطوه من الداخل على الحافة لي بدينا منها بالنسبة للجياب غادي نعبرو 14 سنتيمتر فالتريكو لي خدمنا باش نشوفو شحال فيه من سطر ثم نخدمو بسنسلة طولها 15 سنتيمتر ونخدمو عليها 3 دالسطورة من الزواقة ونبداو نخدمو واحد الجهة بوحدها على هاد الشكل 
مثلا لقينا 22 سطر فيها 14 سنتيمتر غادي نخدمو 16سطر ونحبسو ثم نخدمو الجزء الثاني حتى نخدمو نفس عدد الاسطر لي درنا من الجهة الاولى 
ثم نخدمو عليهوم 3 دالسطورة اخرين ونجمعو الاجزاء بجوج 
غادي نخدمو 2 جياب بنفس الطريقة ثم نخيطوهوم على التريكو ديالنا ونردو البال للفتاحي فين مايلين وفالاخير غادي يبقاو لينا السميطات نخدمو سنسلة فيها 3سنتيمتر ونخدمو عادي ونبقاو نعبروها على يد التريكو حتى نحصلو على القياس لي بغينا ونخيطوها من واحد الجهة والجهةالثانية نخيطو عليها الصدفة ممكن نديرو العين للصدفة وممكن نستغناو عليها لانها ما غاديش تبقا تحل غرضنا غير فالديكور هههههههه 
ثم سميطة للخلف ونديرو ليها 2 صديفات يعني فالمجموع غادي يخصونا 8 دالصدايف هدا تطبيق الاخت الهومة تبارك الله عليها 
وهدا تطبيقي بلا جياب ههههههههه محيت سالات ليا الصوفة 
وهادي السميطة من الخلف 
شكرا بزااااااااااااف الزين الله يسر ليك امورك الشرح باين تبارك الله عليك. غنبدا الجزء التحتاني حيت فهمتو و من بعد يحن الله هههههههههههه
تبارك الله عليك اختي راجية و يجعل كل عمل ليك فميزان حسناتك ان شاء الله
الذين يشاهدون الموضوع الآن: 4 (4 من الأعضاء و 0 زائر) راجية حسن الخاتمة, الهومة, بشرى أحمد+, قلب حنين سكتو ههههههههه واش كاينة شي حاجة ما مفهوماش
المشاركة الأصلية كتبت بواسطة الهومة 
شكرا بزااااااااااااف الزين الله يسر ليك امورك الشرح باين تبارك الله عليك. غنبدا الجزء التحتاني حيت فهمتو و من بعد يحن الله هههههههههههه والله ييسر امورك أختي وامور جميع المسلمين ان شاء الله ان شاء الله اختي راه ساهل غير توكلو على الله
المشاركة الأصلية كتبت بواسطة قلب حنين تبارك الله عليك اختي راجية و يجعل كل عمل ليك فميزان حسناتك ان شاء الله الله يبارك فيك أختي قلب حنين وشكرا على الدعاء عزيزتي
ماشاء الله عليك عزيزتي ، شرح واضح جعله الله في ميزان حسناتك
السلام وعليكم راجية شكراً لك على الشرح ؛مفهوم تبارك الله على ما بان ليا هههه الله يجعل هاد العمل في الميزان المقبول أختي والله يرزقك حسن الخاتمة أنا نسالي واحد تريكو بادية فيه ونلتحق بكم إن شاء الله