شرح خدمة كاب و طاقية و الجيبة كروشي

بتاريخه

غنتوكلو على الله اليوم

و نبداو الورشة ديالنا و عافاكم اللي عندها شي سؤال تحطو فالورشة فهاد الرابط أوكي باش ما ندوخش هههههههههههه و انا أصلا مخلوعة ههههههههه
https://echorouk.dzbatna.com/#361374&page=14&p=8550528&posted=1 #post8550528

الجزء الأول : الكاب

المهم بالنسبة للسن فعدد الغرزات
عام 20 غرزة
عامين 22 غرزة
3 سنوات 24 غرزة
بين 4 سنين و 5 سنين 26 أو 27 غرزة و لكن عينكم ميزانكم كاين تبارك الله اللي غليوضة و اللي كتكون ناقصة شوية على السن ديالها المهم أنا كنخدم بهاد العبار

غنخدمو سنسلة طويلة شوية نديرو بحساب اننا غنخدمو فكل عين عمودين و نقزو 2 عيون و نخدمو عمودين

أنا خدمت ديال عامين يعني 22 غرزة و درت قنت فعين فيه عمودين و سنسلة و عمودين و خدمت 22 غرزة و درت قنت آخر

ملي نكملوهم نسدو بمنزلقة و نطلعو ب 3 سناسل و نعتبرو ديك السنسلة هي أول عمود فالسطر الثاني و نخدم حداها عمود آخر يعني عمودين و نخدمو عمودين فالتانية بحال الصورة

و ديما نخدمو نفس العدد فالقنات
دوك القنات هم اللي تيكبرو لينا الخدمة

من بعد إلى بغينا تندخلو ألوان ـ أوه سمحو لي نسيت ما قلتش ليكم على اللون آخر نزوقو بيه ـ سمحو لي غير دوزوها لي حيت هادي اول مرة ههههه

ملي نخدمو 2 سطورة بيضين و موراهم ملي نبداو السطرين التانيين باللون الأساسي عنبداو نخدمو عمودين سنسلة عمودين سنسلة

و لي عودة لإتمام الورشة
للإشارة مور كاب نكمل ليكم الطاقية للبنات اللي باغين هاد اللبيسة العيد و
مور العيد نبداو فالصاية أوكي

البنات الاخت نسمة زكية غتعاوني فالورشة اللي عندها شي تساؤل توجهو ليها إلى ما كنتش ,وكنطلب منكم عدم الرد في هاد الموضوع باش يبقى غير للدرس وشكرا لتعاونكم معي .

بالتوفيق للجميع اخواتي العزيزات

لا تنسوني من صالح دعائكن يا فتيات

avp o]lm ;hf , ‘hrdm hg[dfm ;v,ad

تتمة الشرح بالنسبة للورشة

نخدمو 6 سنسلة و نسدو بمنزلقة و نخدمو 16 عمود فالدورة الأولى

و فالدورة 2 غنمود على كل عمود 2 أعمدة يعني 16 × 2 يعني السطر 2 عندنا 32

و فالسطر الثالث غادي نخلفو الخدمو مرة نضربو فعين 1 و مرة فعين 2 حتى نكملوهم و السطر اللي تابعو غادي نخدموه على واحد بحال اللي فالصورة
و من موراه نخدمو 1 ، 2 و السطر اللي تابعو نخدمو تاني على واحد يعني سطر فيه خدمة 2 أعمدة موراه عمود واحد و السطر اللي تابعو نخدموع على عمود واحد

حتى نكملو 9 أسطر هادشي بالنسبة للعام

من بعد نسدو بمنزلقة

من موراه نطلعو ب3 سلاسل و غادي نخدمو فديك العين نيت 2 أعمدة 2 سنسلة و 2 أعمدة بحال اللي فالصورة و نخدمو 4 سلاسل و نقزو 5 أعين و نعملو نفس الشي حتى نكملو الدائرة

ملي نكملو السطر غنخدمو نفس الشكل باللون المغاير بحال الأبيض هنا

——————————————————————————————————–
ملي نكملو اللون الأبيض نرجعو اللون الأساسي بنفس الشكل غير هو عوض ندير 4 سلاسل بين غرزة و غرزة غنخدو 2 سلاسل و نجمعو السلاسل اللي تحت منها بمنزلقة و نديرو 2 سلاسل و نخدمو اللي حداها بحال الصورة