شبأكية تقليدية والعسل ديالها

هادي شبكتي لمعتمداها مند سنين نتمنى تعجبكم

أول حاجة نبداو بألعسل

ضروري خصنا نوجدوه قبل على الاقل ليلة
كل 2 كيلو سنيدة نديرو ليها لتر ماء ولي فالمغرب يديرو السكر قالب أحسن كل قالب بلترماء

نديروه فوق النار ونبقاونحاركو حتى يدوب السكر أو سنيدة


تم نديرو كموسة فيها شوية قرنفل+شوية نافع +شوية زعفران حر ونصف حامضة

نسدو الكوكوط منين تصفرنديرو عافية مهيلة ونحسبو ساعة إلا ربع


نفتحوها ونشوفو إلا ولات الحامضة قهوية صافي راه طاب

ندوزو دابة للشباكية

2 كيلو الطحين
رابعة لوز مطحون بقشرتو و مغربل
زلافة جنجلان محمرو مطحون مزيان
شوية مسكة حرة
زعفران حر
شوية جوزة محكوكة
كاس كبير زبدة مدوبة ومصفية
كاس كبير زيت رومية
كاس زيت بلدية
شوية ملح
م ص قرفة
م ك نافع مطحون ومغربل
قرعة صغيرة ماء زهر
3 خمارات الحلوة
3 م ك خل
ماء باش نجمعها
نخالطو كلشي النواشف


تم نزيدو السوائل

و نجمعو بالماء لازم تكون العجينة قاصحه وندلكوها مزيان
نعملو كويرات ونخاليوها ترتاح شي ساعة
نبداونطلقو بلمدلك تم الماكينة ونقاطعو مربعات نشرتهم أربعة شرطات و نشبكو


منين نكمل كلشي نقلوها فالزيت

ونطف فالعسل و نداردرو جنجلان