سمك في الفرن من اللذ ما يكون مرحبا بالجميع بصور

اخواتي سمك وجبة ضرورية جدا وايضا هو لذيذ بزاااف ليوم غنوريكم طريقتي
بسم الله على بركت الله
بطبعت لحال كنشد سمك كنغسلوه ونقيوه ملييييح ونتوما منحتاش نوصيكم لانكم ماشاء الله عليكم منكم نستفيد
من بعد انوجدو لقامة لي غيترقد فيها وهيا عصير حامضة+ شويت زيت زيتون+ملح+بزار+تحميرة+كمون+سودانية لي كايبغي لحار+زعفران بلدي شوية سكين جبير+قزبورومعدنوس مع ثوم وكون بزايد لانو كي لذذ سمك وشوية لما نرقدو لحوت ديالنا ونشرملوه بيدينا مزيان ونخليوه على الاقل ساعة
بالنسبة ليا انا صوبتو فصباح ودرتو فطاوة وخليتو لعشا عاد طيبتو
كنشد لمول لي غيدخل للفرن ندير فيه مطيشة دواور+بطاطا دواوروسمك ثم فلفلة دواور ومطيشة مهم كل يدير الخضرة لي بغا لكم الاختييار اوا في الاخير كنشد ديك شرمولة لي بقات لييا من سمك نضيف ليها شوية مطيشة محكوكة لي كتباع ولي معندوش اكتفي بحك زوج او ثلاثة مطيشات ونحركوهم مع شرمولة مزيان ثم نزلوهم فوق ديك لخضيرة ثم نديرو حامض+زيتون +زيت زيتون ونسد بورق الاليمينيوم ونطيبوه
نتمنى من الله ينال اعجابكم بهناء عزيزاتي المحترامات
احبكن في الله جميعاا

وهاد سمك ديال ناه اخر ولكن نفس الطريقة

sl; td hgtvk lk hgg` lh d;,k lvpfh fhg[ldu fw,v