في – 2024 – 07 – 18 السلام عليكم اخواتي …. لي بغات تربي الصحة لوليداتها وتتهلا في عظيماتهم باش يكبرو ويطوالو…عن تجربة … هاد سلو فعلا كيجي لديد بزاف ولولاد ما ينفروش منو لانو مافيه الزبدة لي تقل عليهم…… غالبا منتقيدش بمقادير المهم يكون لقوام بزاف واكثر من دقيق .. هنا لعيونكم حاولت نقيد شنو حطيت 
المقادير 3 كيلو طحين محمرة في طنجرة كبيرة ومغربلة 2 ط¯ظٹط§ظ„ المرات وممكن تحمريه حتى في كوكوت المهم تكون من النوع المنيوم باش ميتحرقش ليك وهاد الطريقة اسهل طريقة باش تحمري بها دقيق ..ما يعدبكش كيف في الفران 2 كيلو لوز نصفه مقلي في الزيت ونصفه محمر في الفران ..انا يا ط§ظ„ظ„ظ‡ كان عندي كيلو ونصف هما لي درتهم 2 كيلو جنجلان محمر في المقلة نصفه مطحون ونصفه صحيح 2 كيلو قوقاو مقلي في الزيت ومدهب ومطحون مزيان 2 زلايف نافع بنوعيه رقيق وغليظ يعني البسباس مطحونين مزيان زلافة قرفة زلافة زريعة الكتان 10 دراهم مسكة حرة 500 ايلان مطحونة مزيان ومغربلة ..كنشريها مطحونة حنا كنسميوها لينجبار . 500غ صوجا محمرة في المقلة ومطحونة مزيان ومغربلة .. كيلو سكر كلاصي ناقص كاس العنبة او حسب الدوق زيت المائدة نكونو سخناها مزيان ونخليها تبرد .. الطريقة انشاء ط§ظ„ظ„ظ‡ غدي توضحها الصور 
صوجا مطحونة 
لوز مطحون شوية مطحون مزيان شوية مهرفش غليظ لاحظو الصورة 
لوز مع القرفة 
صورة جماعية 
نسخن الزيت العادية ونخليها تبرد شوية ونخلط بلعقة ط¯ظٹط§ظ„ العود ..ومن بعد ندلكو بيدي باش يتشرب مزيان 
الصراحة انا يعجبني مفرتت كيف الصورة لي في الطنجرة ..هنا غير لزوم الدكووور ..خخخخ اخواتي نتمنى سلو ديالي يروقكم ومتجيكم غريبة خاصة الزيت انا بغيت نفيدكم بطريقتي فقط..لانو فاش تخلطيه بالزيت كيبقى عندك طول العام بلا ماتخافي منو يشد شي ريحة متعجبكمش .. … ..وكيف عودتوني اخواتي ..شي دعيوات الخير لوليداتي بالصلاح والنجاح ..حيث النتائج قربو يبانو… الله ينجح جميع وليداتنا ووليدات المسلمين واسفة على الاطالة
sg,fgh .f]motdt ,g]d]f.ht>>>,f;ldm lilm jwghp gglkhsfhj >>>>? 000 0000 g`d` hggi hg,hg]m hg,wtm hojd color jfhv; jfhv; hggi ugd; font ]dhg du’d; sg,; ahx ugn ugd; ,g]d]f.ht,f;ldm ,hggi
O skar ma kadirihch fih
Ana awal wahda tadkhol ghanakhod dak tajin hhhhhhhhhhhhhhhh tbarklah 3lik
انا اول وحدة هدا ديالي تبارك الله عليه احبيبة لطوفة سلو غزاااااااااااااال الله يعطيك الصحة تم التثبيت وللاسف التفييم خرجو السماعات
تبارك الله الله انجح ولادك الحبيبة
المشاركة الأصلية كتبت بواسطة RABOAA 
O skar ma kadirihch fih لا اختي السكر كلاصي موجود ضمن المقادير …في هاد الكمية تحتاجي تقريبا كيلو .. ملاحظة انا منستعملش السكر بكمية كبيرة باش ميكهمش … مع المدة كيزيد يحلا حيث السكرغدي يزيد يطلق مزيان .. هدا علاش كنقص من السكر
المشاركة الأصلية كتبت بواسطة RABOAA Ana awal wahda tadkhol ghanakhod dak tajin hhhhhhhhhhhhhhhh tbarklah 3lik ههه خوديه لفنون ونزيدك الخير بزاف الحمد لله هههه الله يعطيك الصحة ويسلمك اختي
الله يعطيك الصحة ، وتبارك الله عليك ،، فعلا بالزيت يجي حسن من الزبدة ماما كديرو غير بالزيت يجي واعرررر ومافيهش النسمة ملي طول المدة ديالو ، وحتى أنا درتو بالزيت وعمرني مانبقى نديرو بالزبدة
المشاركة الأصلية كتبت بواسطة rim2019 انا اول وحدة هدا ديالي تبارك الله عليه احبيبة لطوفة سلو غزاااااااااااااال الله يعطيك الصحة تم التثبيت وللاسف التفييم خرجو السماعات يا لالا خوديه وخوديني حتى انا ههههه الله يعطيك الصحة ويسلمك حبيبة غير شوية مما عندكم هههههههه مرورك احسن تقيييم لفنون لهلا يخطيك عليا ….شي دعيوة من قلبك تكفينننننننني ….تحياتي الزين وبوسة كبيرة للكتكوت
المشاركة الأصلية كتبت بواسطة RABOAA O skar ma kadirihch fih منين خرجتو دبا تنقول للسيدة انا اول وحدة هههههه كتبنا مرة وحدة معليشي ميبقاش فيكم الحال راه مزال عند لطيفة الخير ههههههه