سلطات بوزروڭ أو المحار واحدة آسيوية والثانية إسبانية من مطبخـ سميـرة ـي :

[

SIZE=5]
نبدا بالأسيوية اللي عزيزة علي وكنت دايما كناكلهـا في واحد الريسطو [/SIZE]
وحاولت ندير بحالها غير من كثرة ما كتعجبني ختارعتهـا ، حيت كنبقى
نحلل كل ذرة فيها ههههههه باش نعرف كيف كتقاد ههه والحمد لله طلعات
نفس الطعم حتى لغفلت على شي مكون ماشي مهم حيت النتيجة هي هي .

المقـاديـر :

بوزروك ـ محار
2 طماطم
بصلة صغيرة ( شالوط )
فلفلة حمرا مشوية
فلفلة خضرا مشوية
جلجلان
زيت زيتون
زيت جلجلان
عصير الحامض
ملح
القليل من العسل
بزار بيض
خل تفاح

الطريقـة :

ـ في الأول دايما كنبداووا بغسل ط§ظ„ظ…ط­ط§ط± ديالنـا بوزروك بالكمية اللي بغينـا ، وتنقشروا لها الشعيرات
اللي فيها مزيان ونضفوها مزيان من التراب والرمل وكل حاجة كتكون عالقة فيها ..

ـ طبخها على حسب دوقك ممكن تتبخر شوية في كسكاس حتى يتفتحوا فقط وحيديهم من الكسكاس
والي ماتفتحاتش رميها .. وممكن تصلقيهم في الماء غير شوية الماء باش ماتحرقش ليك الطنجرة
وغير يتفتحوا وتزوليهم وتخليهم جنب .

ممكن تحيديهم من القشرة وتخليهم غير الهبيرات وممكن تحيدي فقط طرف وتخليها في الطرف الثاني
باش تبقى منظرها زوين ولا تخليها صاينة تماما يبقى لك الإختيار وعلى حسب حتى قشرتها لكانت
فيها داك الحجيرات البويض صعاب باش يحيدو … المهم تكون نقية مزيان .

ـ دابا ندوزو للصلصلة اللي غنديروها معها : كنقيووا البصلة الصغيرة اللي عندنـا ( هنا ضروري
تكون البصيلة حلوة ماشي داك الكبيرة ديال النصيب كتكون مجهدة ، لمقيتي عليها فاين قطعيها
جد جد جد صغيرة ههههه ) ونقطعوها سوزولي ولا برونوز على حسب دقتك في التقطاع
المهم يجيووا مكعبات متساوية وصغيرة .

ـ الفلفلة الحمرا والخضرا اللي سبق وشويناهم في الفرن ننظفهم مزيان ونقطعهم نفس
حجم البصلة والطماطم حتى هي منقية ومزول ليها اللب ومغسولة مزيان ومقطعة
مكعبات نجمع الكل في بول يساع الكل ونزيد عليهم جلجلان بلا تحمار كما هو .

نزيد مليحة القياس وبزار بيض والقليل من العسل وخل حسب دوقك وهي كيجي فيها الخل
بنسبة مهمة ونعصر عليهم حامض ونزيد زيت زيتون بزايد والقليل من زيت الجلجلان
ماتكثريش منوسيرتو لكان هداك اللي كيكون فيه نسبة من زيت الصوجا كيكون مجهد ..

ـ نمزج مزيان هاد لا فينيڭريت ونصبها على لي مول اللي عندي ( ط¨ظˆط²ط±ظˆڭ ) ونخليها
في الثلاجة حتال ينساجموا المداقات وتقدميها بالصحة والراحة لحبابك وضيوفك بوجهك حمر .

الطريقـة الإسبانية : هي الإسكابيشي اللي هو أصلو من كطالونيا هم اللي نقلوه من الفرس
ولقى نجـاح وتشهر في العديد من دول العالم في لاتينوأميركا وحتى أسيا وولى كل واحد عندو
طريقتوا فيه كيزيد ولى ينقص حسب اللي كيعجب كل واحد ..
ولكن المهم فيه أنه طريقة من طرق لا ماريناد اللي كتعتمد على الخل وحرارة ضعيفة جدا يعني
فقط الوقت اللي كيطيب بحال التخلال ..

المقـادير مبسطة :

غنحتاجوا بالدرجة الأولى ط§ظ„ظ…ط­ط§ط± بوزروك
زيت زيتون
خل
ماء
أوراق سيدنا موسى
بصيلة مشلضة
2 ضريسات ثوم كبار
بزار مشكل صاين حبوب يعني
تحميـرة حلوة

الطـريقـة :

ـ كما عرفنـا قبل طريقة تحضير البوزروك لا داعي للإعادة تماما كنحلوهم في الطنجرة
مع القليل من الماء ( اللي ممكن نسموه بشي عشوب اللي كيعجبونا مثلا أزير ولا زعتر طري
ولا عويدات البسباس ….)

ـ هنـا ضروري خاص نحيدو ليه القشرة ديال البوزروڭ لأن غدي يتمارينا .

ـ كندير في طنجرة قد الما قد الزيت قد الخل يعني مثلا نصف كاس ولا كاس حسب
الكمية ديل ط§ظ„ظ…ط­ط§ط± اللي عندي و كنزيد معاه البصلة مشلضة وممكن البصلة تقطعيها
طولية شنانف وتشحريها قبل على جنب عاد تضيفيها لهم ..
ونزيد أوراق سيدنا موسى وحبوب بزار مشكل و حتى الثومة وممكن تقطعيها كما ممكن
تديريها صاينة وبقشرهـا كنحتفظ فقط بالتحميرة ماكنديرهاش دابا .
ـ نشعل عليهم النار ونخليها حتى تقرب تبغي تغلي وصافي نطفي النار عليها
ونزيد ملعقة ديال التحميرة كبيرة خاص تكون بالزايد وداك ط§ظ„ظ…ط­ط§ط± اللي وجدتوا
حتى هو نضيفوا ونخليهم في قرعة ولى طايبر في الثلاجة حتال النهار التالي
عاد نقدمهم للأكل وممكن يبقى كمصبر مدة طويلة وقدما بقى كيجي بنين
حيت هاد نوع من المخللات ..

وهاد الطريقة ممكن تزيدي عليها أعشاب منسمة صاينين ولا توابل
ولا خضر المهم العملية هي أنك كتطبي داك المسائئل نصف طيبة أولى
وكيكملوا أستوائهم ومن بعد تنسميهم مع لا ماريناد ومع الوقت كيتشرب
مزيان المداق .

ـ هنـايا كيعملوا بيها ط§ظ„ظ…ط­ط§ط± والسردين والطون والبونيطو ( تاهو بحال الطون )
وكاين اللي كيدير بيها حتى البابوش في كاطالونيا ..

ـ وممكن تخلطي كولشي في دقـة وتديريه في مول ( مثلا مع السردين ) وتديره في
الفرن ومايكونش سخون بزاف وتخليهم واحد عشر 10 د ولا 15 د وتخليه حتال
يتقاد مزيان عاد تستهلكيه وكيجي را ا ا ا ائع ..

وممكن تديري بيه حتى الخضر مثلا بحال في الصورة .

sg’hj f,.v,ڭ H, hglphv ,hp]m Nsd,dm ,hgehkdm Ysfhkdm lk l’foJ sldJvm Jd : la],]m f,.v,&#1709 kh[pm