السلام عليكم خواتي العضوات
انا حاملة اوشهري ليغنولد فيه هو شهر 8 انشاء الله دعاو معايا…
سؤالي هو شنو لحوايج لينجمع او لي غادي نوجد فصاك ديالي ديال لولادة ….ماعرفتش شنو نشري ….خصوصا انو حملي الاول ….ساعدوني جزاكم الله كل خير
shu],kd uhth;l>>>
وعليكم السلام اختي، الله يكمل عليك بالخير ويفكك على خير، فاش تكوني غادية تولدي لبسي شي بيجامة خفيفة وطويلة باش تاخدي راحتك وفاش يكون فيك لحريق خصوصا مللي كيبقاو يقلبوك واش قربتي ولا باقي بلا متبقاي تعدبي مع السروال ،اما فالصاك ديالك ختحتاجي تبديلة بيجامة من الاحسن قطعتين يعني سروال وفوقاني يكون مفتوح من الوسط باش تقدري ترضعي بيه وتبقاي خفيفة تتحركي فخاطرك ، ملابس داخلية ،فوط صحية للنفساء ويلا ملقيتيش خودي كوش دطفلك وقطيعيلهم الجناب للي فيهم لاستيك وللصاق راهم كيطيرو دغية حتا هما مزيانين فالنفاس، بابيي طواليط ولانجيت ،صابونة ديتول ،، ودوا لحمر سبراي مفيد بزاف مور النظافة الشخصية هدشي ضروري ويمكن ضيفي دكشي للي نتي تقدري تحتاجيه وديري شي علبة فيها شوية لوز وزبيب وتمر مزيانين من بعد متولدي انشاء الله مغديين ومدرين للحليب.
اما بالنسبة للبيبي صاك فيه 2 او 3 تبديلات من الفوق حتى لحت وبما انك غتولدي فشهر8 ديري كلشي قطن واحد ليزار فاش يتكمس ويلا كنتي غتسمطيه شري سماط مع واحد طرف توب ابيض اما توب او قطن ضرووووووووري باش مللي يخرج كيهزوه فيه ويمسحولو فيه وعاد كيلبسولو حويجاته ، لانجيت خاص للاطفال بدون او منخفض الكحول ،حفاضات اصغر حجم كنصحك اما (كان بيبي او بومبرز) وهديك دوا لحمر سبراي غتحتاجيها حتى للصرة دلبيبي مزيانة بزاف وعملية ،صبونة جونسون طالط جونسون ، شمبوان غتحتاجيه يلا كانه غيغسلوله تما او تالدار اوا هدشي للي مهم فالاول النصيحة ديالي هي تعطيه البزولة هي احسن حاجة وفاش تولدي قلهم يعطيوهلك بوسيه و عنقيه ولصقيه مع صدرك مهمة ليك وليه وللحليب سبحان الله اوا احبيبة الله يفك وحايلك عل خير هدشي للي عاقلة عليه دابا ويلا عندك شي سؤال انا موجودة انشاءالله . سمحيلي طولت عليك في امان الله.
اما بالنسبة للبيبي صاك فيه 2 او 3 تبديلات من الفوق حتى لحت وبما انك غتولدي فشهر8 ديري كلشي قطن واحد ليزار فاش يتكمس ويلا كنتي غتسمطيه شري سماط مع واحد طرف توب ابيض اما توب او قطن ضرووووووووري باش مللي يخرج كيهزوه فيه ويمسحولو فيه وعاد كيلبسولو حويجاته ، لانجيت خاص للاطفال بدون او منخفض الكحول ،حفاضات اصغر حجم كنصحك اما (كان بيبي او بومبرز) وهديك دوا لحمر سبراي غتحتاجيها حتى للصرة دلبيبي مزيانة بزاف وعملية ،صبونة جونسون طالط جونسون ، شمبوان غتحتاجيه يلا كانه غيغسلوله تما او تالدار اوا هدشي للي مهم فالاول النصيحة ديالي هي تعطيه البزولة هي احسن حاجة وفاش تولدي قلهم يعطيوهلك بوسيه و عنقيه ولصقيه مع صدرك مهمة ليك وليه وللحليب سبحان الله اوا احبيبة الله يفك وحايلك عل خير هدشي للي عاقلة عليه دابا ويلا عندك شي سؤال انا موجودة انشاءالله . سمحيلي طولت عليك في امان الله.
اختي الله ييسر الامورً وتفرحي بالبيبي اديالكً الأخت قامت بالواجب مشكورة