سؤال لمعلمات المكرامي

السلام عليكم ورحمة الله وبركاته
عندي ط³ط¤ط§ظ„ وياريت تجوبوني عليه بخصوص ط§ظ„ظ…ظƒط±ط§ظ…ظٹ ديال الجلابة بشحال كيتخدم للمتر أنا محتاجة نعرف التمن الله يخليكوم

---

schg gluglhj hgl;vhld

lmakrami raha fih zwa9at bzaaaf kol zwa9a wch7al katkhdm kayn hna mawdo3 dyal chi okht kant kat3lm lmakrami wdayra latmina dyal kol zwa9a ftchi wtl9ay .wntmna ml akhawat yfidok ktar

شكرا لك أختي على الاجابة وياريت الى كان ممكن رابط الموضوع لي فيه الثمن ديال كل زواقة غادي تساعدوني بزاف أنا محتاجة نعرف الاثمنة ديالو ضروري حيت بديت الخدمة مع واحد الخياطة وما عارفاش شنو نقولها من ناحية الثمن واللي جوباتني الله يرزقها الجنة ونعيمها وشكرا لك أختي فيروزة مرة أخرى

اختي سيري لورشة الخياطة التقليدية راه كنا جاوبنا واحد الاخت راه عندها نفس التساؤل وان شاء الله تستافدي وشوفي دروس الاخت ام ريان وكوثر ودروس الاخت ام سهام وجهان والملحقات ديالهم راه تلقاي مبتغاك ان شاء الله

اختي شوفي راه السلتات الرقاق بحال اللواية على واحد تيخدموها ب 600 ريال وديال 2 ب50درهم والعراضات راه 3000 ريال وواحد السيدة خدمات سلتة كبيرة بالقب واليدين طلبات ليها السيدة لي خدماتها ليها 5600 ريال ولكن انا كيف تنقول للسيدات لي تيسولوني الى كانت السلعة والبريم من عند السيدة ونتي غادي تخدمي غير يدك شوفي انت وقناعتك داكشي لي يسلكك مع العلم انك منين تتخدمي بثمن مرفق تيجلب ليك الكليان يعني تتكون عندك طلبات كثار ومدخول اكثر ولكن الى كنت مغلية الاثمنة تيكونو الكليان قلال والمدخول اقل فشوفي انت اش لي غادي يسلكك هذا اجتهادي الشخصي والله يوفقك اختي لما فيه خير الدنيا والاخرة

بارك الله فيك أختي ماما2 والله يرزقك مانويتي فخاطرك هاد الخياطة لي بديت معاها الخدمة مازال ماعرفتش شحال غادي تحسب لي ولهدا بغيت ناخد فكرة باش نعرف شنو كاين لأنني أول مرة تنخدم مع خياطة كنت تنخدم غير ليا ولمالين الدار وملي شافت خدمتي عجباتها وملي سولاتني على ثمن الخدمة ماعرفتش شنو نقولها حدي قلت لها ماضيعينيش وماضيعيش راسك ديري العصا فالوسط ونتمنى من الله الخير

اختي راني كنت مؤخرا فدرب السلطان و لقيتهم تيبيعوها واجدة او يصوبوها ليك حسب الالوان اللي بغيتي ب 200 درهم و هي عبارة عن سلتة عريضة شوية للجلابة او القفطان للقدام فقط

شكرا لك أختي مؤمنة على المساعدة الله يفتح فوجهك أبواب الخير نتي وجميع الأخوات على الأقل بهاد الطريقة غادي ناخد فكرة على الأثمان ومايبقاش راسي خاوي