سؤال للاخوات الي تعلمو الخياطة من المنتدى

السالم عليكم ورحمة الله وبركاته

بغيت نعرف تعلمتو ط§ظ„ط®ظٹط§ط·ط© من المنتدى

ولا كنتو كتعرفو شوية من قبل جزاكم الله خيرااا

---

schg ggho,hj hgd jugl, hgodh’m lk hglkj]n ggho,hj hgodh’m hglkj]n hld

عليكم السلام ورحمة الله وبركاته
اختي ام خلود بالنسبة لي كنقلب هنا و هناك. اصلا كنت في التكوين المهني بالحق خيط معهم فقط jupe droite قهرني داك سير و اجي كل نهار لان الدروس عندهم ثقيلة و الظروف عيانة شوية لذا قلت ما لني على هاد تمارة بقيت في الدار و بديت بتطبيق دروس الاخت فراشة جاوني مزيان لكن المواضيع اغلقت .شنوا كنعمل كنبحث على النت في مواقع و مدونات اجنبية كثيرة ولو اني افهم اللغات لكن التطبيق كيجيني شوية صعيب شي مرات . و كذلك اليوتوب فيه فيديوهات ممكن تفهمي فقط بالصورة.وراكي شايفة هناك دروس اخرى لعضوات قديمات في المنتدى لكن المشكل هو بعض الصور محذوفة . وراه فيهم معلومات مفيدة خاص غير الصبر والواحد يكمل من راسو. انا المشكل ديالي مع الفصالة المصطلحات باللغة العربية كيدوخ لي الراس معها هههه.لكن نقدر ان شاء الله نطور هاد الرغبة ما دام عندك ارادة غادي توصلي ان شاء الله

اختي انا كنت غير تنبريكولي يعني ننقص هذا نخيط هذا الى تقطع ولكن مكانتش عندي فكرة على الفصالة المهم كانت عندي هواية ورغبة واسرار على انني نحقق حلمي وهو نعرف نفصل ونخيط دائما تنمني راسي انني شي نهار ندير شي حاجة وكانت تتطيح علي شي افكار بحال الى مشيت عند الخياط تنقول ليه دير هادي ومادير هادي ونهار تعرفت على هاد المنتدى الاكثر من رائع والاستاذات لي فيه ذون استثناء ولكن باش نعطي لكل ذي حق حقه صادفت دروس ام ريان وكوثر في بدايتها ومن هناك كانت البداية الحقيقية ديالي لانني اول ما دخلت المنتدى تلفت بغيت كلشي وما عرفاش منين نبدا وتنبات نحلم واصدقك القول منين تتكوني باغيا حاجة وحدة وتتلقاي بزاف دالحوايج تتلفي داكشي علاش قررت نبدا خطوة بخطوة ومن تم نطلقت وتنطلع على جميع الورشات ولابد انك تستافدي من كل بستان زهرة المهم حطيت رجلي الاولى فالتقليدي وهاني بديت الرجل الثانية فالعصري مع الاستاذة ام سومية وشوفي راه لما تتلقاي اناس بحال لي فهاد المنتدى وتنقول حتى العضوات راك تستافدي منهم غير خصك الارادة والعزيمة والاصرار اختي نتمنى نكون فدتك ونتمنى ليك التوفيق وعلاش مابغيتش نوجهك لاي ورشة لانهم كلهم غنيات بالدروس ونتي لي تقرري باش تبداي مرة اخرى وفقك الله اختي لما فيه خير الدنيا والاخرة امين

جزاك الله خيراا اختي على الاهتمام برد على سؤالي
خصني شي شرح اكون مبسط ون شاء الله نفهم

امييين اختي انا ونت
انا بااااغ نتعلمممممممم
ااعنديييي المكينة اكنقص هدي ونزيد في هدي
ملي كندخل لشي ورشة الخياطة كنكتر الاسئلة
مكيجوبونيش كنسحب جزاك الله خيرااااا
اختي غدي نحاول مرة اخرى

اختي غير صبري وتشجعي راك ان شاء الله توصلي وما تقلقي الى خسرات ليك شي حاجة راه لا بدة من شوية ديال التضحيات والى شفتي راسك تعصبتي مع شي حاجة حطيها من يديك وبدلي الساعة باخرى حتى تحسي بانك رتاحيتي عاد رجعي ليها يالله شدي الهمة بالتوفيق

الله اعطيك الصحة اختي الاجوبة ديالك فرحاتني
بش نبد بالعصري ولا البلدي :nonchalance:

ختي ام خلود كنتمنى لك التوفيق والحظ السعيد وراه يمكن لك تتعلم من المنتدى الكثير لانني حتى انا ماكنتش كنعرف ندور حتى لماكينة مزيان لكن بفضل دروس الاستادات ديالنا:سونة,ام ريان,وام سهام وجهان تعلمت للتقليدي وبديت للعصري شوية مع الاخت زمرد والاستادة ام سمية الله يجازيهم بالخير لهدا تشجعي وبداي تتعلمي وانشاء الله يكون خير

ان شاء الله اكون خيراختي
وتحلي راسي
جزاك الله خيرااااااااااااا

اختي بداي بالحاجة لي تتميلي ليها اكثر حتى تتقنيها عاد نتاقلي للاخرى باش تبقاي مركزة مزيان وما تلفي ومن بعد انتاقلي للنوع الاخر اختي تشجعي الله يوفقك