انا قتلني الشقا ط¯ظٹط§ظ„ الدار و مابقيت عارفا منين نبداه ’ما حلتى ليه ما حيلتي للخدمة كنجي عيانة ’
و عندي مشكل ط¯ظٹط§ظ„ الظهر كيضرني من الولادة’ او مابقيتش قدا نوقف ف لفابو باش نغسل المواعن
.
او دابا وليت كنفكر نشري ماكينة ط¯ظٹط§ظ„ ط§ظ„ظ…ظˆط§ط¹ظ† ولكن سماعت انها ماشي اقتصادية ف الضاو وانا كنخاف يجيني الضاو غالي .
عافكم 
اللي عندهم هاد الالة تقولي شحال تزاد ليها فالضاو مع العلم اني كتجيني 200 درهم شهريا.
.
schg ugn hglh;dkm ]dhg hgl,huk
لحبيبة ديالي تقريبا هادي 8 أو 9 سنين وانا عندي لالة الحادقة
الصراحة مزيانة وكتعاون على الاقل وخا يكونو المواعن مازال ما مستفينش بعدا كتكون بحال شي بلاصة كتدرقي فيها الوسخ هههه
اختي الا كنتو قلال في الدار را ما كتدوريهاش كل نهار حتى تعمريها يعني على 2 أو 3 ايام المهم غير ما يكونش لاصق فيهم الوسخ مللي تخملي الطبلة تزولي البقايا وتحطي في الماكينة
شوفي باش تعرفي شحال ديال الضوء غادي تخلصي سيري شوفي المكينة للي بغيتي تشري راه في الورقة ديالها كيكون شحال من كيلوواط كتستهلك وحسبي على 0.98 درهم للواط وتلقاي الثمن
انا اختي عندي ويرلبول صنع المانيا الحاسة السادسة سيزيام سنس كلاس أ3 يعني اقتصادية في كلشي
لكيبقى ليك تشري المسحوق ولا طابليط وليكيد ديال الغانساج والملح ديالها وهاد 2 الاخرين كيديو ليك بزاف
اوا نتمنى نكون فدتك ونشوفو شي انيقة تحط رايها
اختي انا يالله خديت الماكينة ديال المواعن هادي شهر و نص تقريبا ويربول سيزيام سونس. و الله العظيم الى راحة كبيرة تهنيت من الوقوف امام الليفيي حيت ماشكيت عليك واحد الرجل كاتضرني الى طولت الوقفة. وتهنيت من الروينة ديال الكوزينة اللي توسخات كانخشيها في الماكينة و كاتبقى ليا الكوزينة مجموعة و البوطاجي نقي…زعما فائدتها كبيرة بزاف بزاف. من ناحية الاستهلاك:
بالنسبة للماء فهي اقتصادية بزاف لانها يالله كاتستهلك ماكسيموم 15 ليتر ديال الماء يعني مايعادل 3 بيدوزات بينما الى غسلنا المواعن بيدينا راه كانضيعو اكثر واكثر و ماشي ورة وحدة في النهار.
بالنسبة للضو حتى هو ماعرفتش بالضبط و لكن كايبانلي انها ماغاتستهلكش بزاف لانها ماغتقيلش خدامة بحال الثلاجة او التلفازة… غاتخدميها مرة وحدة في النهار أو في يوماين يعني الاستهلاك محدود و الى تزادت ليك الفاكتورة رايالله تزاد شي 50 درهم على اكثر تقدير ولكن راها تستاهل لانك غاتشري راحتك و صحتك و وقتك بهاديك 50 درهم. انا كنت شريتها في و سط الشهر و في الخير فاش جات الفاكتورة جات عادية يعني يالله تزادتليا شي 20 درهم ماكاملاش و انا كانساين هاد الشهر يسالي باش نعرف شحال كاتستهلك بالضبط…. علما انني كانخدمها مرة وحدة في الليل وبعض المرات ماكاتعمرش بالليل ماكانخدمها حتى الغد مور الغدا يعني على نهار و نص و حنا 4 أشخاص في الدار.
نتمنى نكون فدتك و بالصراحة انا نشجعك تشريها و نشجع أي أخت خدامة و مريضة انها تشريها.
والى بغيتي تغسل لك الكيسان والطباسل خاصك حتى تمسحيهم عاد تحطيهم فيها
المشاركة الأصلية كتبت بواسطة ابنة فاطمة 
والى بغيتي تغسل لك الكيسان والطباسل خاصك حتى تمسحيهم عاد تحطيهم فيها
نعم اختي المشرفة ما كتغسلش الكوكوطات والكاسرولات الى كانو الومنيوم اما لينوكس لا كوكوط ولا كسرولات ولا برارد كيخرجو كيشعلو
حاجة اخرى حتى الخشب يعني المغارف وحتى الطين ما كيدخلش للماكينة
المشاركة الأصلية كتبت بواسطة ابنة فاطمة والى بغيتي تغسل لك الكيسان والطباسل خاصك حتى تمسحيهم عاد تحطيهم فيها
اختي كلامك هو الكبير…..يمكن هادشي مع الجيل الاول من الماكينات اما هادو اللي ولاو دابا راه تطورو. انا كاندير فيها المواعن مباشرة يعني بلا مسيح يالله الى باقي فيهم شي كمية ديال الاكل بطبيعة الحال راك غاتحيديها اما داك التفرتيت الرقيق ماشي مشكل. و كاندير فيها كولشي طباسل كيسان كاسرونات طاوات صغار و مويان كسكاس مقالي شباكي زلايف مغارف غراف ديال مولينكس …..كولشي و كايتغسل مزيان و احسن من غسيل اليد. اما هادوك الكوكوطات اللي خالعينا شحال من كوكوت عندنا ياك غي وحيدة اوا ماشي مشكل الى دوزتها بيدي مرة في النهار حيت اصلا غانستعملها غي مرة وحدة أو 2 كاع الى كنت غانطيب الغدا و نعاود نطيب العشا.
وقتصادية شري لي فيها تلاتة ديال aaa يعني قتصادية فكلشي
وكتغسل انوكس لبرارد لمعالق
ولكن النحاس والالمنيوم كيكحالو بالما طايب والبروذوي ديالها المهم ماشي مشكل هههههه
والكوزينة كتبقا منضمة ونقية
ولكانو عندك الضياف بعدا غير دخليهم الماكينة وهانتي ناضية
راحماني بعدا نصحك بيها مغاديش تندمي