روز بالسمك بطريقة لوستي ومن إيديا مرحبا بالجميع

حبيباتي الأنيقات يوم جبت ليكم هاد الروز بالحوت لي كيعجبني بزآآف كيجي خفيف و بنين نبداو بالمقادر على بركة الله :
كيلو سمك أي نوع متوفر عندك أنا آستعملت الميرلان
نصف كيو روز كلاصي
ربيع،ثوم 5 ضروس
عطرية ( ملح ،بزار ،سكين جبير،خرقوم،كمون ،تحميرة)
زيت الزيتون
بصلة مشلضة،3 حبات لومي
4 مطيشات محكوكة،فلفل حار
الطريقة:
كنرقدو الحوت في الشرمولة (ربيع،ثوم ،العطرية،زيت)
ثم كنعملو لبصلة في طنجرة مع شوية الزيت حتى تتقلى مزيان تم نضيفو المطيشة وشوية العطرية ونضيفو الحوت
والفلفلة الحارة واللومي وننقص العافية ونغطي الطنجرة ونخليها على نار مهيلة .
ثم كناخدو الروز كنغسلوه مزيان ونصلقوه ونصفوه
ثم كناخدو الحوت كنصفيوهم من المرق وكنقيوه من الشوك ونحاولو نخلو طراف كبار
ثم كنخلطو الروز مع المرق ونرجعوهم فوق العافية حتى يطلع البخار ونقدموه بالصحة والراحة.