رضيعي والبكاء المتواصل عاونوني الله يرزقكم جنات الفردوس

السلام عليكم أخواتي و عيد مبارك
أخواتي أنا ولدت هادي 18 يوم و عندي واحد الولد لا حول و لا قوة إلا بالله ما يسكتش بالغوات و البكا واخا مبدل واخا شبعان كنظل هازاه و مع ذلك يبكي النعاس والو و كنرضعه طبيعي و في الحليب و لكن غلبني حتى وليت ندم في راسي أش داني نولد واحد آخر ، عطيته اللويزة و والو و ديتو للطبيب قالي مافيه والو و علاش هاد البكا ماعرفتش ، واش البكا لساعة أو أكثر ما يدير ليه والو ط§ظ„ظ„ظ‡ يرحم والديكم

---

vqdud ,hgf;hx hglj,hwg uh,k,kd hggi dv.r;l [khj hgtv],s

السلام عليك
اختي لقيتني عاد حطيت موضوع تقريبا بحالك. انا ولدت هادي شهر و نص و بالضبط ملي دارت بنتي 12يوم بدأت تاتبكي بدون توقف بحال ولدك. عييت مانصبر دينها للطبيب و خرج ليها واحد السيرو ديال الجهاز الهضمي و الحمد لله نقصات من البكا. ولكن انا تانرضع صناعي لأن نشفت من الحليب كنت تعصبت بزاف فاش ولدت. راه عادي اختي راه مصيرناتهوم يا الله تايولفو الماكلة و شوفي يا كما ماتايشبعش منك مزيان و راه غير الغازات اللي بيه شوفي نتي ماكلتك

نسيت ما قلت ليك ماتعطيهش اللويزة راه تانزيد الغازات عطيه الكامون الصوفي و الكروية و النافع شدي حبات قلال من كل حاجة و خوي ع ليهوم ما طايب و ماتسنايش يطلقو بزاف غير شوية و صفيهوم و عطيهوم ليه و ماتكتريش غير شوية

أختي ساجدة للرزاق الله يعطيك ما نويتي و يخلي ليك بنيتك
حتى أنا راني العجب إلي باقي فيا الحليب كنتعصب معاه ملي يبدا يبكي ، و مغاداش نبقى نعطيه اللويزة ولكن الكامون الصوفي و الكروية ماعنديش أختي لأني مغتربة
شكرا لك أختي و الله يعطيك مانويتي و عيدك مبارك سعيد

دي ولدك لطبيب اطفال ياك ماعندو لوذنين

والى ماعندو والو ديري هذ الشي وردي عليا لخبار وكليه بعد ماتدوشيه وتلبسيه وخليه يتgرع ونعسيه يبكي ماتهزيه ماتهدري ماتقيسيه النهار لول والثاني والثالث الى بكا فتحي موضوع باسمي وقولي راك كاتكذبي الهام34

أختي إلهام ضحكتيني الله يعطيك الخير
راني ديتو لطبيب الأطفال اليوم و قالي ما عندو وااااااااالو
غادة نتبع إن شاء الله نصيحتك و راه حتى راجلي قالي نفس الشي ، خليه يبكي و دابا يتعود و حتى الطبيب قال نفس الشي
الله يرحم زوجك و يخلي ليك وليداتك على النصيحة

اختي ما بغيتش نبرزتك فراسك
ولكن الا حداكم شي مراة كتعرف لداراي صغار سيري ديه ليها
راه يقدر شم لا قدر الله والاطباء ما كيعرفوش ليه

أختي للأسف ما حداياش حتى مرا تعرف للدراري لأنني مغتربة و كون كنت في المغرب كون ديته لجدتي كانت تداوي الوليدات الصغار
شكرا لك أختي روح نقية

عندك اختي تدي ولدك لعند لعيالات يبقاو يخربقو ليك فيه ويمرضو فراسك واش الطبيب اللي قرا حتى حفا مخو غادي تجي وحدة ماكاتعرف الفرق بين الالف والزرواطة وتعرف ليه؟؟

لغتنا هي لغة القرآن، نعتز ونفتخر بأبجديتنا
كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا

لا تملكين العربية وتريدين التخلص من اللوحة؟ تفضلي من هنا..
https://www.anaqamaghribia.com/vb/sho…9246&highlight

أو هنا :
https://www.google.com/intl/ar/inputtools/cloud/try/
https://www.leclavier.com/arabe/
https://www.yamli.com/clavier-arabe/
https://www.lexilogos.com/clavier/araby.htm
https://www.arabic-keyboard.org/clavier-arabe/
https://www.anaqamaghribia.com/arabic