اللهم صل على سيدنا محمد وعلى اله وصحبه اجمعين
ملحوظة هامة جدا جدا جدا: مش معنى اللي هتقراه هنا إني بقول إن مشكلة تأخر كلام الأطفال عموما نتيجة مشاكل عضوية، التجربة دي خاصة بطفلي وبمشكلته اللي إكتشفنا بالصدفة البحتة إنها عضوية .. وعلى كل أسرة لديها طفل متأخر لغويا البحث وراء أصل المشكلة سواء عضوية أو نفسية والشروع بحلها بحول الله وقوته وربنا يحفظ أولادنا جميعا
——————-
إبني إتأخر في الكلام .. كنت بكرر الجملة دي من أول ما تم سنتين لاني كنت حاسة اني بنفخ في إربة مقطوعة وإني مهما اتكلم واحكي وارغي هو ولا هو هنا .. مش بيقول كلمات تذكر وكل الحروف ضايعة، قابلت كل الإعتراضات من ناحية ان كل الاطفال كدة ومسيره ينطق وماتكبريش الموضوع لحد ما وصل سنتين ونص .. وبالصدفة كنا في زيارة عائيلية الزيارة دي كان فيها طفلة عندها سنة ونص وما شاء الله بتتكلم عنه كتير .. كان شكله حزين وبائس وهو بيحاول يكلمها ويتواصل معاها ومش عارف وكل اللي قدر يعمله انه يفضل يمشي وراها في كل مكان بس
شوفته بيتألم وشوفت في عينه الحزن وماقدرتش اكدب احساسي، مع الوقت الموضوع اتطور لنوبات عياط وصريخ بسبب ضعف التواصل بينه وبين كل اللي حواليه .. بيحاول يوصلي معلومة بالإشارة او بهمهة غير مفهومة ولما مش بفهم نوبة الغضب بتظهر .. الموضوع ده كان مسببله ألم شديد كان باين عليه
ما باليد حيلة مشيت في سكة جلسات التخاطب في رمضان (كان عنده سنتين و7 شهور) وكشفوا عليه في الاول الحمد لله السمع كويس لكن عمره اللغوي بتاع طفل عنده سنة .. جلسات التخاطب كانت فايدتها بالنسبالي اني عرفت ان مشكلته مش في التخاطب، ومشكلته الأساسية في ضعف التركيز .. اخصائية التخاطب تحاول تبص في عينه وهو يتعمد يبص في مكان تاني وتشاورله على الكلب وهو يشاور على الصفحة التانية عشان فيها قطة .. وهكذا، استحملت كام جلسة وسط الحر والصيام مالهومش أي لازمة غير انها في كل مرة ماتلاقيش اي تقدم ملحوظ تأنب فيا زيادة انتي ساكتة انتي قافلة بوقك .. ومهما حاولت اشرحلها اني كائن رغاي أساسا ولا الهوا! لحد ما جه في آخر جلسة وقام من كرسيه وشدني ناحية الباب عشان نمشي وقد كان
وديته مركز تاني وعملت تحديد مستوى قالوا ضعف شديد في التركيز وعايز جلسات تعديل سلوك، اشتركت وروحنا أول جلسة المدرب اعتذر اعتبرها علامة يا مارد ومشيت .. فكرنا نوديه لدكتور مخ وأعصاب يشوف لو في سبب عضوي .. روحنا وشخص الحكاية على انها ضعف في التركيز برضه وكتبله فيتامينات ودوا يقوي التركيز يمشي عليهم شهرين ولازم ولابد يدخل الحضانة
في الأثناء دي احنا كنا ماشيين بالتوازي في سكة تانية خالص ماكنش عندي أي فكرة او أي ربط بينها وبين تأخر الكلام .. مشكلة اللحمية وإن مناخيره مسدودة طول الليل وخلافه .. كملت في الطريقين طريق أدوية المخ والأعصاب وطريق علاج مشاكل اللحمية وحساسية الأنف لحد ما دكتور الأنف والأذن قالنا انه محتاج يعمل عملية اللحمية .. أيامها صاحبتي اتصلت بيا تطمن عليه وقالتلي ليه ماتكونش اللحمية هي سبب تأخر الكلام؟ كأنها رمت طوبة في بحر!! .. وفي الزيارة التالية للدكتور سألته .. اللحمية ليها علاقة بضعف التركيز؟ قالي طبعاااااا .. فكرة انه مش بيتنفس من أنفه دي معناها ان الأوكسيجين مش بيوصل لمخه كويس وبتأثر على التركيز ولو في طفل داخل مدرسة وعنده لحمية بنوصي يشيلها قبل ما يبدأ الدراسة .. فهمته انه متأخر في الكلام وانه راح لدكتور مخ وأعصاب وبياخد أدوية .. المعطيات دي كلها خليته يقول خلاص نشيل اللحمية في أسرع وقت
وقد كان .. عملنا العملية .. وبعدها بإسبوع حصلت المعجزة وإبتدا ينطق!! مش قادرة احكيلكم يوم ما قال "أنا" ده انا كنت فرحانة ازاي ويوم ما قال إسمه "أنس" كنت عايزة أزغرط بجد :d
اللي عرفته ان الطفل في عمر سنة المفروض يقول كلمة واحدة وفي عمر سنتين يقول جملة من كلمتين وفي عمر 3 سنين يقول جملة من 3 كلمات وهكذا هو حاليا داخل على 3 سنين وعمره اللغوي بتاع طفل عنده سنة والكلمات مش كلها واضحة بس الحمد لله بيتحسن .. الحضانة كمان قايمة بدور كبير في تعليمه كلمات جديدة وانه يلقطها بسرعة ويتواصل مع أطفال تانية ويسمع حواديت وقرآن وأناشيد .. وابتديت ادخل عالم الحواديت وابتدا يركز ويسمعها ويحاول يقول زيها الحمد لله
ممكن تكون تجربتي مختلفة عن تجارب باقي الأمهات بس رأيي او نصيحتي لكل أم:
– صدقي نفسك وصدقي إحساسك بطفلك .. لو حاسة ان في مشكلة يبقى في مشكلة فعلا ولازم تخبطي على كل الابواب الممكنة لحد ما توصلي للحل
– متأخر في الكلام ولا لأ دي حاجة يحددها المتخصصين مش اي حد تاني .. إسعي وامشي في الطريق لو حسيتي ان في مشكلة وتذكري دائما إن إدراك المشكلة هو بداية الحل
– أول حاجة ممكن تسمعيها لما تمشي في الطريق ده ان المشكلة عندك انتي عشان مش بتكلميه كتير او مش عنده اخوات، وجوده في الحضانة هيبين صحة تأثره بالبيئة المحيطة وكمان انتي أدرى واحدة بتتكلمي معاه كتير فعلا ولا لأ
– ابنك ضعيف ومسؤول منك … لحد ما ربنا يكرم ويتكلم حاولي تمدي جسور التواصل بينك وبينه عن طريق العطاء المعنوي من بوسة وحضن وضحكة وطبطبة ولعب
– متوقع في المرحلة دي يغضب جدا بشكل يخض .. حاولي تهدي تماما وتتعاملي على انها فترة وهتعدي .. سيبيه يعيط لحد ما يهدى لان كل محاولتك لتهدئته وانتي مش عارفة هو عايز ايه اساسا هتعصبه أكتر وكمان لو اتعصبتي عليه بزيادة كدة بنزود المشكلة مش بنحلها
– وارد يتصرف تصرفات فيها غضب وعصبية وانتوا برا البيت، ممكن لو منتظرة دوره عند الدكتور يقضيها صوات وعياط! معلش اصبري وماتشيليش هم شكلك قدام الناس نهائي
– اعملي حسابك لما تخرجي معاه يكون معاكي وسيله ترفيه سهل تخرجوا بيها زي كتاب صغير فيه صور وألوان حلوة او كورة صغيرة .. وطبعا أكل وشرب عشان لو طلب حاجة منهم وانتوا برا وطلع مش معاكي مش هتعرفي تفهميه يصبر شوية او يستنى
– للأسف صعوبة التواصل ممكن تسبب مشاكل سلوكية استعيني في حلها بالدباديب والعرايس لانه هيعرف يتواصل معاهم بلغته وهيحبهم، تعاملي مع الدبدوب كأنه من ضمن أفراد الأسرة له إسم خاص بيه، وممكن نديله أوامر بطريقة غير مباشرة لما نقولها للدبدوب ونصحيه من النوم ويدخل الحمام ويغسل سنانه وينام في سريره ويسمع حدوتة .. ماما زعلانة من الدبوب عشان عمل كذا .. ماما بتحب الدبوب وهنديله حضن … بيعيط وزعلان تعالى نصالحه .. وهكذا، هتحاولي تتداركي المشاكل السلوكية وفي نفس الوقت هيحس بتواصل بينه وبين كائنات لطيفة بتسمعه وبتفهمه فحالة الإنعزال والعصبية تقل شوية، خصوصا لو مش عنده إخوات ولسة مادخلش الحضانة، وكمان هتلاقي مادة ظ„ظ„ظƒظ„ط§ظ… الكتير معاه من الجميع الأب والأم حتى لو راح زار الجد والجدة ممكن ياخد الدبوب معاه فيعرف كلمات له علاقة بمواقف حياتية كتيرة ومختلفة
– قللي بل إمنعي قنوات الأطفال اللي فيها اغاني .. فعلا مدمرة، وياحبذا لو تقفلي التلفزيون وتقعدي معاه على الارض تلعبوا أي لعبة سوا او حتى تجروا ورا بعض في الشقة
– لو مضطرة للتلفزيون تبقى قنوات عادية وأفضل في السن الصغير براعم لان جوها العام هادي واصواتها مش مزعجة ومريحة وبحس انها بتقدم برامج مدروسة مش أي كلام .. كمان أي كارتون يشوفه لازم تفضلي تشرحي كل حاجة باينة على الشاشة .. دي قطة وده فار وده شباك وده باب .. وهكذا
– لو وصل سن سنتين دخليه حضانة مشهودلها بالكفاءة عشان الاختلاط بأطفال غيره هيفيده جدا، الحياة مش بمبي لو رجعلك مضروب او متخربش ارجعي للمدرسة بتاعته واعرفي ايه اللي حصل وفهميها ان قلة كلامه بتخليه بيتواصل بصعوبة وممكن يتعصب ويضرب فتركز معاه شوية زيادة
– اهتمينا بالطفل كتير نهتم بالأم بقى 🙂 انك تشوفي ابنك قصاد عينك ومش عارف ينطق دي حاجة مش سهلة، هتبقي عبارة عن كمية مشاعر متحركة مش مشكلة، احرصي على تفريغ المشاعر دي بكل الطرق الممكنة .. إبكي، اكتبي، شاركي اصدقائك التجربة والعيلة واطلبي منهم الدعاء
– آخر حاجة ودي أهم حاجة فعلا .. إدعي ربنا يفك عقدة لسانه، وتصدقي بنية شفاءه وصلي قيام ليل وادعي كتير .. ربنا مافيش أرحم ولا أكرم منه إستعيني بيه لانها ممكن تبقى مرحلة صعبة وقاسية بس إن شاء الله هتعدي على خير .. ابشري 🙂
هذا الموضوع منقول للإفادة
vpgm ‘tgd lk hgwlj gg;ghl >> j[vfm r] jtd];
المشاركة الأصلية كتبت بواسطة oumnassimrayan 
ان شاء الله ما يكون عندو باس ، المهم الواحد يدير السبب ،كلشي على الله
و اللي قريت ف هد التجربة انا الطفل ديال هد السيدة كان عندو مشكل حتى ف التركيز
السبب التنفس الا ما كانش. مزيان ، حتى الاكسجين ما يوصلش للدماغ و يسبب تشتت الانتباه
انا عارفة هد الشي على مرضى الزهايمر بللي الاكسجين ما كيوصلهمش للدماغ و داك الشي اللي يخليهم ما يركزوش و حت الكلام كيمشيلهم
لكن اول مرة نسمع على هد المشكل د اللحمية عند الاطفال و اشنو تقدر دير
ربي يهدينا على هد لوليدات مساكن و يعينا
جزاك الله خيرا على المشاركة
جزاك الله خيرا اختي على الموضوع
فعلا اختي حنى في حاجة لمثل هاد المواضيع باش نستافدو منها , حتى انا ولدي عندو عام و 8 اشهر و مزال ما كيهضر كيقول غير لا و مرة مرة يقول امي صافي و كيبقى يحرك في ايديه و يخربق بحال الى كيشرح شي حاجة ولكن انا ما كنفمش اشنو كيقول , ما عرفتش واش عادي ما يهضرش في هاد السن او خاصني نديه عند الطبيب عفاكم لي دازت من نفس الشيء تطمأني و جزاها الله خيرا , حيت الناس كيبقاو يقولو ليا تعطل في الهضرة و انا كنتعصب الله المستعان
المشاركة الأصلية كتبت بواسطة oumnassimrayan الحمد لله ، المهم درتي للي عليك و حيدتي الشك،
ودابا غي قلبي ف الانترنت عرفتي كائن شئ مواقع زوييينين تتكلم على المخاطبة والنطق ، الحمد لله مزال صغير و مزال عندك الوقت باش تهييئه و مين يلتحق بالمدرسة، يكون ف مستوى اقرانو
المشاركة الأصلية كتبت بواسطة أم بلال و فاطمة جزاك الله خيرا على المشاركة
لا شكر على واجب، سررت لمشاركتك القيمة أختي و لتحفيزك المتنامي ،و أرجو من الله ان تصل الفائدة للكل أم ربما لا يسعها الوقت للبحث في الإنترنت و أن يتقبل هذا العمل
المشاركة الأصلية كتبت بواسطة فرشي التراب جزاك الله خيرا اختي على الموضوع
فعلا اختي حنى في حاجة لمثل هاد المواضيع باش نستافدو منها , حتى انا ولدي عندو عام و 8 اشهر و مزال ما كيهضر كيقول غير لا و مرة مرة يقول امي صافي و كيبقى يحرك في ايديه و يخربق بحال الى كيشرح شي حاجة ولكن انا ما كنفمش اشنو كيقول , ما عرفتش واش عادي ما يهضرش في هاد السن او خاصني نديه عند الطبيب عفاكم لي دازت من نفس الشيء تطمأني و جزاها الله خيرا , حيت الناس كيبقاو يقولو ليا تعطل في الهضرة و انا كنتعصب الله المستعان
سررت لمشاركتك أختي و اهتمامك بالموضوع، ابنك لا يزال صغير السن و لكل طفل خصوصية في إيقاع النمو، هناك من يتكلم سريعا و هناك الأوسط و هناك من يتأخر قليلا أو كثيرا و كذالك المشي و غيره
لا تكترثي لكلام الناس كما قلت لكل إيقاعه و لكن لا تتواني في متابعته شخصيا ،فالأم هي من تعرف ابنها أكثر من غيرها
سوف أضع اسفل روابط مواقع مفيدة تهتم. بالكلام و النطق، سيكون مفيدا الاطلاع عليها .