السلام عليكم غادي نعاود ليكم القصة ونتمنى اللي عندها شي فكرة او حتى بالدعاء المهم انا من ولدت ولدي وانا كنت عاد في الطبيب و جات عيدي البيدياطرا و قالت لي خاصنا انديرو راديو لراس اولد عاد يخرج ما تصوروش الخلعة اللي كنت فيها من قاتلي هاكاك المهم مشات دارت ليه الراديو و جات قالت لي باللي الولد خاصك ترجعيه لي من دابا لخمسة عشرة يوما المهم من جا الوقت رجعتو قالت لي عاودي ليه راديو اخر عاودت ليه قالت من قدرش نقول ليك حتى حاجة دابا و سفطتني لطبيب اخر مشيت عندو من شافو قالي هاد الولد ماشي نرمال من راسو ويمكن خاصو عملية قبل ستة اشهر حتى العام المهم اعطاتني ورقة و امشيت لللطبيب الجراح حيث قالت لي هو اللي غادي يقوليك واش خاصو العملية و لا لا امشيت عندو قالي دري ليه السكانير باش نحدد ليك عمات ليه السكانير اختكم مخلوعة ما نبغيش الحالة اللي كنت فيه حتى المسلم من بعد ما شاف السكانير قال لابد من عملية قبل ستة اشهر حتى العام لان الى مادارش العملية يقدر يجي متخلف عقليا و راسو يكون طويل واكدنا الدكتور على العملية ولكن انا ط±ط§ظ†ظٹ خايفة لان الراس ماشي ساهل و جيت نخليه خفت من يكبر اندي الدنب ديالو مع كاين ادوى وما دويتوش طولت عليكم ولكن ابغيت نفهمكم القصة باش تنصحوني و ادعيو معايا باش ربي يشافيه نتمن ما تبخلوش علي بالرد
vhkd td phgm dven gih hv[, hg]uhx ghfkd fhgathx allah ana awa rah yarab
Lah ichafih akhti yarbi amin
وعليكم السلام ورحمة الله وبركاته حبيبتي هوني عليك والحمد لله مكتاب من عند الله وديري دكشي الي قالو ليك الاطباء واكثري من الاستغفار وان شاء الله يكون خير. دعي معاه وربي يشافيه يا رب ويصبرك
اختي الحبيبة اولا وقبل كل شيء ندعي ربي سبحانه وتعالى يشافي ولدك ويعافيه يارب ويلبسه ثوب الصحة والعافية ثانيا اختي شوفي طبيب اخر ودي ليه كل شي تحاليل وسكانير وايلا قال لك ضروري من عملية تنصحك تصلي صلاة استخارة وديري لولدك العملية بما انه عنده امل باش يكون عادي ماتخليهش حتى يكبر وتندمي راه الوقت قدامك قليل بزاف . مرة مرة طمنينا عليه اختي
Lah ichafih akhti yarbi amin
اسال الله العظيم ان يشفيلك ولدك و يسهليك امرك صلي صلاة الاستخارة و توكلي على الله
نشكر كل اخت على الكليمات ديالها ركو ترفعو لي المعنويات ديالي الف شكر واعظكم انني غانقوليكم كل ما يحدث والى اعملت ليه العملية غادي انقولها ليكم
الله يشافيه احبيبة كما قالت الاخت ديه لشي طبيب اخر الى قالك لعملية ديريهالو متخفيش طب راه تقدم متخليهش يكبر يبقا يلومك الله يجيب الساهلة دعي معاه والله الموفق ان شاء الله
المشاركة الأصلية كتبت بواسطة محبة رسول الله 
اختي الحبيبة اولا وقبل كل شيء ندعي ربي سبحانه وتعالى يشافي ولدك ويعافيه يارب ويلبسه ثوب الصحة والعافية ثانيا اختي شوفي طبيب اخر ودي ليه كل شي تحاليل وسكانير وايلا قال لك ضروري من عملية تنصحك تصلي صلاة استخارة وديري لولدك العملية بما انه عنده امل باش يكون عادي ماتخليهش حتى يكبر وتندمي راه الوقت قدامك قليل بزاف . مرة مرة طمنينا عليه اختي الله يشافيه يا ربي انا مع رايي الاخت عملي بيه
السلام عليكم اختي ديري شنو قاليك الطبيب دابا الطب تقدم بززاف و كايدارو عمليات دقيقة بزززاف و كاينجحو بنسبة 100 ب 100 توكلي على الله و كنتمنى تكتبي لينا بعد العملية انشاء الله و تقولي لنا بللي ولدك تشافى و نجحات ليه العملية و هو في احسن حال يارب آمين