بسم ط§ظ„ظ„ظ‡ الرحمن الرحيم والصلاة والسلام على أشرف الخلق وسيد المرسلين أما بعد
أخواتنا الكريمات كل عام وأنتن بألف خير أدخل ط§ظ„ظ„ظ‡ عليكن هذا الشهر الفضيل باليمن والبركات
تقبل ط§ظ„ظ„ظ‡ منا ومنكن صالح الأعمال
وجعلنا وإياكن ممن تعتق رقابهم من النار
لا شك أن إفطار الصائم من أعظم أوجه البر في هذا الشهر الكريم
عَنْ زَيْدِ بْنِ خَالِدٍ الْجُهَنِيِّ رَضِيَ ط§ظ„ظ„ظ‡ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِمْ مِنْ غَيْرِ أَنْ يَنْقُصَ مِنْ أُجُورِهِمْ شَيْئًا".
نسألكن أخواتنا الفاضلات الدعاء الطيب في ظهر الغيب ولكن بالمثل بإذن ط§ظ„ظ„ظ‡
عن أبي هريرة – رضي ط§ظ„ظ„ظ‡ عنه – قال : قال رسول ط§ظ„ظ„ظ‡ – صلى ط§ظ„ظ„ظ‡ عليه وسلم – " ثلاثة لا ترد دعوتهم : الصائم حين يفطر ، والإمام العادل ، ودعوة المظلوم يرفعها ط§ظ„ظ„ظ‡ فوق الغمام ، وتفتح لها أبواب السماء ، ويقول الرب : وعزتي لأنصرنك ولو بعد حين " ( رواه الترمذي ) .
3-دسير بموس الحامض و جيلي الفريز
4-ديسير بالياغورت الطبيعي ,الكركاع و المشماش
5-سلطة فواكه بعصير ميامي و نكهة الفاني
9-ديسير بكريم باتيسير بالليمون وكريم فريش
10-دسير بالفواكه وصوص بالحامض او البرتقال
18-سلطة فواكه منعشة
19- Espresso-Toffee-Amarettini-Tiramisucreme
21-دناب خاثر برايبي وبكمية عائلية
22-ديسير بالفقوس بسيط وساهل ومنعش للكبار والصغار
24مهلبية بالشكلاط و الفاني و الكراميل
26ديسير بالفواكه الحمراء رآآآآئع منظر و مذاق
30تشيز كيك بالفريز باردة و بدون فرن لديدة جدا
],vm vlqhk 2024>>>>>]dsdv lj[]] fh`k hggi >>>>>]dsdv 2024>>>>>]dsdv Hjp]n
المقادير : 1 ليتر حليب + 8 بيضات + 4 م ك سكر ( ممكن تضيف شوية لي كتعجبو الحلاوة )
شوية د السكر للكراميل تقريبا كاس إلا تلت أنا كنعمل عيني ميزاني
الطريقة : نعمل السكر في كسرونة على نار مهيلة حتى يدوب ويرجع كراميل ونخويه فالمول ونخليه يبرد
في الخلاط الكهربائي نعمل الحليب والبيض والسكر ونطحن حتى يتخلط كلشي مزيان
نزل المول في وسط مقلة و نخوي فيه الخليط فوق صفاية باش متنزلش الرغوة
وندخلو لفرن ساخن مسبقا على 200 درجة في حمام مريم حتى يطيب
نخليه يبرد ونقلبو فالطبسيل ونزين حسب الرغبة
بالصحة والراحة
تيراميسو سريع
بطبيعة الحال مكاين ما افضل من التيراميسو الاصلي لكن بعض الاحيان كتشهى التيراميسو وتبغيه يوجد بسرعة بلا قوة تطرااب هههه
علبة ونصف بيسكوي الخاص ب
التيراميسو
علبة مسكربون
2فلان من الافضل استعمال الفلان العادي اللي فيه نكهات شخصيا معجبنيش
نصف ليتر حليب
2 معالق كبار سكر
10 قطع بيسكوي الصابلي
معلقة كبيرة قهوة نسكافي
زلافة قهوة معصرة
الطريقة نعملو
البسكيو فالقهوة ونستفوه فالمول
تم ندوبو الفلان مع السكر والنسكافي فالقليل من الحليب باش ميتحببش تم نضيفو باقي الحليب نحركو ونخليوه حتى الغليان نطفيو عليه نجبدو المسكربون من التلاجة يكون باارد باش يخفض لينا درجة حرارة الفلان
نطحنوه مع الفلان ونضيفو البيسكوي ونصبوه فالمول ونتركوه يبر ونزينوه حسب الرغبة
وبالصحة والراحة
مقادير موس الحامض
200 قشدة طرية
60 سكر
160غرام حليب قياس كأس العنبة
2 أصفر البيض
قشرة 2 حامضات
4 غرام جيلاتين 2 ورقات صغار
مقادير جيلي الفريز
250 فريز
50 سكر
قطرات من عصير الحامض
4 معالق جيلاتين 2 ورقات
تنضرب القشدة الطرية هي الأولى و تنعمل الحليب يسخن
تنخلط أصفرالبيض و السكر و قشرة الحامض
تنضيف لهم الحليب سخون
ونعاود نرجعهم فوق نار مهيلة تقريبا 2 دقايق باش ما يطيبش البيض
تنطفي عليه و تنضيف له جيلاتين مرطبة من قبل في الماء تنحركو مزيان و نخليه يبرد
بعد ما بردت الكريمة تنضيف لها القشدة الطرية
تنحركها مزيان حتى تندمج
تنطحن الفريز مع السكر و تنضيف له عصير الحامض
و الجيلاتين مرطبة من قبل
تنوضعو على نارمهيلة مع التحراك غير تدوب الجيلاتين و نطفي عليه و نخليه يبرد
تنعمل طبقة من موس الحامض
ثم طبقة رقيقة من جيلي الفريز و تندخلو لثلاجة شوية باش يتماسك
و تنضيف طبقة ثالثة من موس الحامض
عملت شوية الجيلي في قمع من ورق الزبدة و زينت به من الفوق مع قشدة طرية و حبات فريز
ديسير بالياغورت طبيعي,الكركاع و المشماش
المقادير:
4 حكاك ياغورت طبيعي مسوس
4 معالق كبار كونفتير المشماش
الكركاع مقطع طريفات صغار
المشماش يابس مقطع طريفات صغار
للتزيين:
الكركاع و المشماش يابس
الطريقة:
نفرع حكاك الياغورت فزلافة كبيرة
نزيد عليه الكوفتير
الكركاع و المشماش يابس مقطعين طريفات صغار
نخلط و ها الديسير ديالنا واجد ساهل و لكن لديد بزاااف
نفرغ الخليط فكؤوس التقديم و نزينهم بأنصاف الكركاع و طريفات المشماش
و بالصحة و الراحة
اللهم أدمها نعمة و بارك لنا فيها و احفظها من الزوال
سلطة فواكه بعصير ميامي و نكهة الفاني
المقادير:
فواكه مشكلة مقطعة طريفات صغار حسب الموجود
أنا درت التفاح+البنان+الخوخ+الفريز
عصير الليمون (ميامي)
1 فاني
السكر حسب الدوق
للتزيين:
دانون بنكهة الخوخ
فريز صحيح
الطريقة:
نخلط الفواكه مع العصير الليمون و السكر و الفاني و نخليه فالثلاجة يبرد مزيان
نقدمو فزليفات و نزينو بدانون بنكهة الخوخ أو أي نكهة تعجبك
و بالصحة و الراحة
اللهم أدمها نعمة و بارك لنا فيها و احفظها من الزوال
شكون فيكم ما زال تتفكرهاد الدسير ومزال توجدو لعائلتها مرة مرة باش تسترجع الدكريات الجميلة ..فعلا هدا دسير طفولتنا ومراهقتنا وشبابنا علاش لا..وانشاء الله يبقا دكرى خالدة وجميلة للزمن الجميل اللي كاملات نحنو لايامو…. كلشي كان فيه ساهل وفيه البر كة ..
المقادير عينك ميزانك والا بغيتي التحديد
بر تقالة لجوج خيزوات
سكر حسب الدوق
ملعقة صغير ة ماء الزهر انا استعملت الزا مكانش متوفر عندي
رشة قر فة
الطر يقة خدي خيزو حكيه في حكاكة ر قيقة من الافضل
صبي عليه البر تقال لي عصر تيه وحطي السكر وماء زهر الا تحبيه طبعا
خلطي كلشي وحطي في زليفات وتبردي ليا مع ر اسك غدي تلقاي ر اسك مرتاحة وكتموسقي هههه
تابعن معي المر احل بالصور
على بركة الله سنحتاج ل
3 غ جيلاتين او ورقة
2 معالق ماء بارد
210 غ شوكولا 60 فلمية كاكاوا او اكتر
160 مل حليب
2 معالق سكر او حسب الذوق انا ماعملتوش
250 مل كريم سائل
كريم للتزين
على بركة الله نعملو نعملو الجيلاتين يرطاب فالما
نعملو الحليب يسخن
منين يسخن الحليب يضيفو لو الجيلاتين و نحركو حتى يدوب
نضيفو الشوكولا و نخلطو مزيان
ثم نضيفو الكريم و نخلطو حتى تتمازج لينا جميع العناصر
نعملوه فكؤوس و ندخلوه للتلاجة على الاقل 5 او 6 ساعات
ها هو منين خرج من التلاجة
عملت عليه الكريم و الفواكه الحمراء مع السيرو ديالها
نتمنى من الله انو يعجبكم و تقبل الله منا و منكم صالح الاعمال
غادي نحتاجو لكيك اي نوع عندكم بنسمة الليمون اوالقاني
انا دارت كيك اقتصادي
بيضة
4 معالق دقيق
4 معالق زيت
4 معالق سنيدة
4 معالق عصير ليمون
معلقة عصير الحامض
خمارة ونصف
قاني
يتخلط كلشي وتدخل تطهي
غادي نحتاجو
كريم باتيسير
رابعة الليمون
2 معالق كبار غبرة كريم باتيسير
2 معالق سنيدة
يتخلط الكل وتوضع فوق النار حتى تعقد ونخليوها تبرد
………………………………..
نوجدو كريم شونتي انا دارت ساشية امعا كاس صغير الحليب
من بعد مابرد كريم باتيسير نخلطوهم بجوج
ونقطعو الكيك مربعات ونسقيوها بعصير الليمون
ونضع طيقة كريم
تم طبقة الكيك
وفالاخير طبقة الكريم
ونخليوها احتا تبرد مزيان
وبالصحة والراحة
المقادير
فواكه مشكلة ( بنان وبوعويد) ممكن استعمال اي نوع فواكه تفظلين او اظافة تفاح
عصير نصف حامض +ربع كاس عصير البرتقال
صوص الحامض
نصف كاس عصير يرتقال ممكن استعمال عصير حامضة فقط
50 غرام زبدة
بيضة
كاس معامرش سكر
قشور الحامض
الطريقة
قطعي الفواكه وخلطيها مع عصير الحامضة والبرتقال باش ما تكحالش
احتفظي بهم جانبا
في كسرونة خلطي باقي المقادير لي هي البيضة والعصير والسكر والزبدة حركي ورجعيها فوق النار حتى الغليان
حركي مزيان وخليها تبرد حتى حين الاستعمال
صفي الفواكه في كؤوس وصبي عليها الصوص او ممكن تعملي طبقات زينيها باي طريقة تفظلين اختي
هنا استعملت كريم كتشبه كريم موسلين منسمة بالنسكافي
تابعي الصور اختي
