اول درس ان شاء الله 
حاجتنا لقرعه فارغه سيدي قديم طرف دياب التوب ورده انا صورتها بيضه و لكن خليتها لعمل تاني نشفوه من بعد ان شاء الله و لصاق واخا يكون غير ديال 5 دراهم راه مزيان 
ان شاء الله غدا نحط طريقه مفصله و نتمنى ان الفكره تعجبكم اول شيء عملت التوب علي القرعه انا كانت عندي شبكه من واحد كسوه قديمه لصقتها باللصاق 
من بعد درت سينته صفرا عندي لويتها في قدام و لصقتها من اللور و حاولت نخفي اي عيب 
من بعدها لصقت علي السيدي و في الاخير لصقت ورده و 2 ورقات لتزيين و في مكان لويه ديال السينته حطيت وردات بالعيدان 
انا عملتها ديكور لشمع لبيت نعاس الصوره ما بيناش بزاف 
رابط لموضوع التطبيقات الانيقات ان شاء الله https://www.anaqamaghribia.com/vb/sho…d.php?t=412040
]v,s ,vai hggd lh uk]ih wkui
تبارك الله عليك أختي سمراء النيل في انتظار طريقة العمل ان شاء الله موفقة باذن الله و لك مني احلى تقيييييييييييييم
درس التاني غادي يكون عباره عن شبكه ديال بلاستيك ونغلفوها بالتو ب 
هادي قميجه ديال راجلي قطعها من الكرش قلت نغلفها بيها حاجتنا في شبكه توب سينته او اي حاجه نزينوها بيها نرسمو قاعده ديال الشبكه في شي ورقه 
من بعد نقطعو عليها التوب و يكون في شويه زياده علي حساب لخياطه 
كنعبر توب علي دوره ديال الشبكه في الطول و في العرض من قاع الشبكه الا نص قاع من جهه اللي تحت 
نخيط التوب علي الطول في الاول 
من بعدها نلصقو مع القاعده اللي قطعنا في الاول 
و حافه ديالقاعده نتبتوها مع شبكه باش ما تبقاش طالعه 
اخر التوب نديرو فيه تنيه صغيره باش ندخلو فيها لاستيك و تبقى مجموعه 
اعتدر مارديتش البال للصوره ما وضحاش تا دابا كناخدو طرف طويل يكون بعرض الشبكه و نبداو نخيطوه عليها و نعملو فيه تنيات 
ها هي كملات المهمه الاصعب دابا ندوزو لتزيين و الايد ديالها 
بالسينته عملت ضفيره باش نزوقها و تا ليل يجيب ليا بوديزه باش نديرو بيها ايد و اي اخت بغات هاد الضفيره تقولها لي و نحطها تا هي في الموضوع
نقطعو دوره في بوديزه بحال هاد الشكل و نقعوها بالمقص و نشوفو شحال غادي نقصو من الدوره باش يجينا ايد للشبكه و نعملو فيها في كل جهه تقبه 
و نعملو توب مستطيل باش نغلفو بيه الايد و نخيطو نخليو جهه وحده و نقلبو للوجه تاني باش لخياطه تبقى لداخل و ندخلو دواره لبلاستيك و نسدو عليها و من بعد نركبوها و نخلو الخيط في وسط التقبه اللي عملنا فيها باش تتبت 
نزوقوها كيفما بغينا 
بالنسبه للظفيره ناخدو 2 سينتا و نخيطو بحال شكل عين باش ما تبقاش تفك لينا 
و نجلو وحده في تانيه بحال هاد الشكل 
من بعدها نبداو نلوي سينتا و نخلها في العين اللي كتكون عندي و نحاولو نجرو باش تجي مجموعه 
و ممكن تكون بزوج الالوان كتجي تا هي زوينه
تبارك الله عليك أختي
السلام عليكم اعتدر عن التاخير اخواتي درس اليوم قبعه لوضع دبابيس حاجتنا 
حك دانون مدور و سيدي و توب و سينتات للتزيين و شويه ديال لاواط نقطعو توب بشكل دائري و نغلفو بيه السيدي 
من بعد نحيدو قاعده ديال دانون و نقصت من الطول هنا حك دانون كبير 
نغلفو تاهو بنفس طريقه السيدي 
درت سينته نفس اللون غطيت بيها تلاقيه ديال السيدي و حك دانون 
ما عنديش شي باندا درت شويه توب ازرق في السيدي انا لصقتو ما عنديش مع ابره بزاف 
زينتها من جنب بورده 
نتمنى الفكره تعجبكم الى اللقاء في موضوع جديد و عواشركم مبروكه