السلام عليكم البنات ليوم قررت نعاود ليكم طريقة تدبيري لمصروف . ملاحظة : انا ساكنه بكازا وماكنتقداش من مرجان
ولا اسيما .حدي لهري ولا لGرو . كنخصص 2500 درهم لمزانيه دار. بداية الشهركنخصص500 درهم: كنشري بيها دكشي ديال شهر كولو من غير لحم ولخضره بحالاش : زيت 3 لترو(لتر ديال طياب و2ديال قلي وحلويات) قالب سكر+ أتاي+ كيلو مقارونية+ 2 كلغ ساندة + التوابل(كنشري 3 دراهم من حاجه وخا مايتقاداوليا)+زبده+كونفتير+زيت لعود+بكية من خميرة ولبنيه ديال لحلوه+خميره ديال دار ولكن غبره+رابعة كوك+كيلو لوبيا+كيلو حمص+5كيلو ديال دقيق لحلوه+لتر جافييل+ غسول ديال مواعين+ سنيكروا ديال مسك +ورق طواليت اعزكم الله+غسول اليد+شامبو+شامبو جسم+باكيه ديال ليكونش+مناديل مبلله… المهم كل شهر كيتنقص حاجه وكتبقى حاجه و500 درهم كتقدك ولا كتزيدي عليها 100 درهم وهدي الا خوات دار من المؤونه . 800درهم كنقسمها علا 4 سمانات كتجي 200درهم لسمانه وهي كتلبي ليا لحم ولخضره وخبز. 500 درهم ديال لوازم البيت شي حاجه ناقصه بالكوزينه بحال بوطه ولا دوا ولا ظ…طµط±ظˆظپ يومي بسيط ماتفوتي 5 درهم و10 باليوم وكل يوم واشنو فيه كتخرجي مع ولدك شي بسكوي بوبوش …ههههههههههههههههههههه المهم كتحاولي ماتفوتيهاش وتمشي علا قدها 800 درهم كتخليها للملابس (كل شهر شري شي حاجه من لناقصاك)+خارجات مع راجلك وولدك+والنقل ولا شي حاجه ضروري… وهدشي كولو انا كنعمولو مع رجلي ولدي يعني اسره صغير. ملاحظة : خاص هدشي تعملي بيه وخا تكون زياده بالدخل لأن هذا هو السر تلتزمي بالواحد لقيمه وخا يكون عندك دخل كبير ولا حت يزيد. واخيرا:manga24:
: هدشي عملتو لاني كنظن اني كنعرف نسير وانتمو لغتحكموعليا … سمحو ليا طولت والا بغات تسول مرحبا.
]ogd ja,td ;dtha ;ksdv lwv,t ]hvd ohv[
تبارك لله عليك ماعندي منقول أنا والو كلشي كايمشي حيت هاد أرض كايعطيوك باش تعيشي أنا كنقل برافو لي كاتعرف تشيت من شهر
تسيير معقلن و لكن صعيب الوحدة تطبقو….انا شخصيا ماكنعرفش ندير بحال هكذا…..رامية الحمل كلو على راجلي ….و لكن الصراحة عجبتيني باينة مولاة الدار حادكة تبارك الله….بالتوفيق
موضوع رائع كنتمنا تزيدي تفيدينا انا مكنعرفش نسير بعض المرات كنشري حاجات ممحتاجاش ليها وكتبقى حتى كتفسد ونرميها والا زغب الله راجل وداني لمرجان مكنخلي حتى حاجة اللي بان لي كنهزو ونفس الشئ فالملابس كنحاول نبدل عادتي والو
حادكة تبارك الله عليك اختي مشاء الله انا 0هههه فهد الامور منعرف منقدم ولا منوخر با التوفيق
السلام عليكم و رحمة الله هاذ الموضوع شيق وكل أخت نتمناو تدخل و تنورنا و تفيدنا بطريقتها في التدبير المنزلي خصوصا التسيير المالي أنا تجريبتي فشلات لاني كنت كنظن أنني قادرة نسير و نشيط لكن مع الاسف نعيا ما ندبر و يخرجلي شي بلان من الجنب يعني أنني كنصرف في الاول دالشهر مزيان مزيان شوية كتجي شي مسألة ما كنتشي عاملها في البال و كتدي طرف كبير من المصروف
تبارك لله عليك
تبارك الله عليك اختي والله حتى عجبتيني حتى انا دايرة مصروف شهري مكنفوتوش من غير الى كان شي طارئ بحال متلا الى جاو الضياف ودييييييييييييما الحمد لله كنشيط ونشري بداكشي اللي شيطت كل مايخص المنزل من اواني وديكورات بوطة … والحمد لله راجلي عجباتو الطريقة خصوصا منين شافني جمعت ونيت تهنا من المصروف والمقدية
السلام عليكم لالا مولاتي تبارك الله عليك حادكة وتحزمي وحملي باش يزيد الله فالرزق الله يوفقك حبيبتي اللهم صل على محمد وعلى ٱل محمد
للاسف ختك مكتعرف والو الفلوس كيطيرو ياختي او الله يكون فالعون وصافي