دخلو نشوفو طياب كل مدينة

كل وحدة ف لانقات تقول كيفاش كطيب لمرقة باش ظ†ط´ظˆظپظˆ الإختلافات لبيناتنا و كل ظ…ط¯ظٹظ†ط© و كي كطيب لمرقةسفي أزينات ????????????

---

]og, ka,t, ‘dhf ;g l]dkm ,a,t,

غادي نبدا أنا تبنولي مشي حدكات يالله أنا كنبدا ف لاول بالبصلة او مطشة كنديرهم مشلدين مع شوية ديال لملحة او زيت او لحام كنخليهم يتقلاو مزيان او من بعد كنزيد عليهم البطاطا كانكون مقشرهة او مقطعها مزيان او كنزيد خيزو او او كندرلهة العطرية او كنسد عليها او نخليها شي 30 دقيقة حتى طب او نحطها او شهية طيبة

انا اللحم بزاف تنديرو في الطاجين او مشوي والدجاج مسكين كل الطرق اللي كنت معلمة زائد الوصفات اللي تيتبرعو علينا بيهم الانيقات فالمنتدى هادا مكان تقبلي مروري

السلام عليكم ورحمة الله وبركاته
فينكم الحادكات شفتكم كل وحدة ساكتة على سرها واش ما بغيتوش توريونا طريقتكم في الطياب

يالله انا غنقوليكم طريقتي وانا مكناسية في اللحم والدجاج
وعلى فكرة حنا متنديروش مطيشة في النصيب الا الى كان طاجين بالخضرة منوعة

اللحم تنشرملو بالقزبر والمعدنوس والثومة والعطرية وتنشحرو مزيان في زويتة ونزيد البصلة مشلظة تشحر حتى هي ونمرق بالما طايب غير شوية شحال ماكانت المرقة قليلة تيجي الطياب بنين وتنخليه يطيب على عافية مهيلة
حتى تيطيب اللحم تنزولو وندير الخضرة لي بغيت تطيب بوحدها

اما الدجاج تنشرملو بقزبر وشوييية معدنوس وثومة ولب الحامض مصير تنشحرو مع البصل والزيت وتنمرق بشويييية دلما دجاجة تندير ليها قياس كاس ونخليه يطيب على نار مهيلة ونزولو من بعد ما يطيب وندير الخضرة باش تيحتفظ ببنتو

ايوا فينكم البنات فيدونا نتعلمو من حداكتكم

انا طنجاوية..كنعملوا البصلة مشلظة فالطنجرة ونزيد كاس اصغير بالزيت والزيت العود مخلطة
+لقامة( سكنجبير.خرقوم.الابزار) عندنا مخلطين شوية د الملح وكنور والزعفراااان كنخليوهم يتشحرو عاد كنضيفو اللحم نشدو اعليه عاد كنضيفو تماطيش وباقي الخضروات وبالصحة والراحة

سلام عليكم أنا كازاوية المهم كرمي اللحم او دجاج, كناخد حبة كبيرة بصلة نشلضها ورميها و حبة مطيشة متوسطة نشلضها ورميها , ربيع مقطع ولا بغيت نخليه حزمة , نزيد زويتة شوية الملح , بزار , ملون لي هو خرقوم نص معل ص قرفة كتببببببببببنننننننننننننننننننننن لمرقة جربوها اوا وشوية سكنجبير نضيف شويييش الما نخليه اتقلى ملي تقلي نروي بالما ولكن مشي ضاية ههه غير جهد لي خص ملي اتروى نرمي الخضرة خيزو كيهز طياب مع بطاطا وزيتونات و الفلفة لي كبيغها انا مبقيتش كنديرها و نقطع مطيشة من فوق دواور ونسد تطيب و هاهي موجودة

السلام عليكم و رحمة الله و بركاته انا فورزازات سكنا مدة هادي و لكن ماما مكناسية تندير شوية من هنا شوية من مكناس ههه
المهم تناخدو طاجين نديرو فيه زيت لعود نحطو فوقها اللحم + بصلة مشلضة + معدونس مقطع + البزار سكينجبير شوية الكامون ملحة الخرقوم او التحميرة غي شوية الي لاحظت ان طياب صحاب المنطقة تتكون المرقة حمرا و لكن انا متتعجبنيش هاكداك + شوية الما نخليوه يتشحر من بعد نستفو الخضرة و ناخدو كاس فيه خرقوم ملحة ابزار كامون نخلطوهادشي بالماء او نكبوه فوق الخضرة او نزيدو من لفوق مطيشة مقطعة دواور و فلفلة حارا زيتون تيجي غزال تبارك الله عليا هههه

salam ana nadoria oba9i jdida fazwaj tari9a dyali kandir lham m3achwiya dyal zit olbasla itchahar mazian onzid maticha orbi3 ondir tawabil chwiya chwiya man lhaja ondir lma onkhalih mli nchouf lmar9a kataghla ondir lkhodra li bght hada makan

اتا اطلسية ههه طريقتي فالمرقة داللحم كاندير شوية دلما مع العطرية نشرمل فيه اللحم انحطو يتشحر على نار هادية عاد كاندير الزيت او البصله مشلضة تزيد تشحر شوية انروي بما طايب كنخلي يطيب عاد كندير الخضرة اما الدجاج ماعنديش معاه الا الى كان بلدي

زيديني عليك من الناظور حتا انا جديدة ف زواج ونفس طريقة