دخلو تشوفو راه العالم بيا الله

اخواتي اللي عندهوم نفس المعاناة ديالي غادي يحسو بيا اكثر اخواتي انا الدورة تاخرت عليا هاد الشهر وجاتني اعراض الحمل التقيء والضغط منخفظ وخفقان في القلب وقلت صافي يمكن حن عليا ط§ظ„ظ„ظ‡ وراني حاملة وهاد انهار امشيت درت تحليل الدم ديال الحمل وطلع لي سالب يعني ما كاين احمل عمرني في حياتي عقلت على راسي ابكيت ابحال هاد انهار لانني كان عندي امل كبير نكون حاملة وخاصة ان هاد المشكل تاخر الحمل ابحال اللي كنلعب القمار لان زوجي غائب وكيجي غير مرة في ست اشهر او ثلاث مرات في السنة وهادي سنتين باش مزوجة ودرت جميع الاسباب امشيت للطبيب ودرت الاعشاب وكلشي اخواتي انا غير ابغيت نفضفض عليكوم راكوم اخواتي واقسم بالله حتى دارنا ما عندهوم الخبر ولكن دخلت هنا لانني عارفة اللي كيعانيو ابحالي غادي يحسو بيا راه كلام الناس قتلني كلشي كيسول والى امشيت لشي فرح كيفكروني اللي شافني ايوا كاين شي حمل حتى وليت كارهة نتلاقى بالناس تفاديا للاحراج وعلى حسب علمي ان المراة خاصها تعيش عادي وتنسى مشكل الحمل باش تحمل ولكن مع من شكون اللي خللاك تنسى فين كنبغي نسى كتجي شي وحدة تحرجني وتفكرني ايوا ط§ظ„ظ„ظ‡ يدير شي تاويل وحتى زوجي مني كنشوفو كيلعب او كيفرح بشي طفل قلبي كيتقطع وكنحس باللي انا اللي دايرة لو عائق وكان تزوج شي وحدة اخرى وكان عندو اولاده ايوا سمحو لي اخواتي والله يسهل على الجميع

---

]og, ja,t, vhi hguhgl fdh hggi

أختي خلي أملك بالله كبييييير ، أنا راه صاحبتي حتى هي معانا في المنتدى جاوها جميع أعراض الحمل وتأخرت عليها الدورة ، ودارت تحليل الدم في الفرماسيان وخرجلها سالب ، وهي حاملة دابا راها ولدت وليد عندو شي شهرين الله يحفضو ، وحتى هي مسكينة بقا فيها الحال بزاف ، ولكن شوفي خرجت حاملة ، دابا واش جاتك الدم ولا مازال وشحال ديال الروطار دارتلك ؟؟ إذا مازال ماتجي وعاد فيك الأعراض صبري شوية وعاودي التست ، ونتي ماشي ذنبك أنك ماحملتيش ، نتي قلتي راجلك يجي 3 مرات في السنة يعني العيب ماشي فيك نتي ، ربما مين يجي هو نتي مايكونش عندك وقت الإباضة ، وماتخافيش و:اديريش بالك بزاف مع الحمل ، خاص نفسيتك تكون مزيانة ، وماتديهاش في الناس ، راه إذا درنا على هضرة الناس والله حتى نحماقو ، البنت مازال ماتزوج يا مزال ماتزوجتي ، إذا تزوجت واش كاين شي حمل ولا والو إلخ من الهضرة لي مافيها فايدة ، كاع ماتديها فيهم ، وراه عاد عامين ماشي بزاف والله ، خلي أملك كبييير بسيدي ربي ، الله يفرحك في القريب العاجل

الله يفرحك في القريب العاجل

اختي جزاكي الله خيرا عني وعلى اهتمامك بموضوعي اما عن التست انا درت تحليل الدم الرقمي يعني اللي نتيجته مضبوطة وثمنه 200درهم اختي هدشي اللي قلتي كله صحيح غير العمر كيدوز وانا ماشي صغيرة والوقت اللي باقي لي يعلم بيه الله وزيد غياب الزوج وكلام الناس واخا كنبغي انسى كيفكروني

امين اختي والله يجازيك بخير

الله يرزقك بالدرية الصالحة المعافاة يا رب

ماتخافيش الحبيبة ، ان شاء الله ربي يفرحك في القريب وتجي تقولينا راني حاملة ، كاع ماتقولي العمر ما العمر ، راه العمر ما عندو علاقة ،عندي 2 خوالاتي والله ولدو فايتين 40 سنة ، حتى ولاو ولادهم عزارا وولدو ، طبعا غلط هوما مابغاوش ولكن راه ربي كبييير ، وحدة ولدت بنت ووحدة ولد دابا عندهم 6 سنين ، راه ربي إذا قال لشيء كن فيكون ، وماتديهاش في الناس ، راه الناس يهضرو كيما درتي حصلة ، إلى ولدتي يقولو زربانة وإذا بطيتي يقولو واش مازال ، وماتفكريش في الموضوع نهائيا ، وملي يجي راجلك استغلو فترة ديال الإباضة والله يجيب التيسير

اختي ربي كوني على يقين انو احن علينا من اي كان,غير يصرف قدره فالوقت اللي مكتبو,والمرا راه ف4اشهر كايكون عندها قابلية تحمل مرة وحدة يعني فكل حيضة نسبة الحمل 25 فالمائة,وبغياب الزوج صعيب الحال يعني نتي ماعندك ذنب فكل الاحوال الضروف وصافي,اللي سولك قوليلو ماكايكونو ولاد بلا راجل اولا؟وماتبينيلهومش الامر مأثر عليك والا عاد ماغايزيدو فيه,وحتى راجلك ماتبينيلوش انك حاسة بالدنب,قوليلو مصاب امتى نتجمعو وترتاح نفسيتنا ونديرو وليداتنا,انا كنت عشت هادشي سنتين ورغم اني كنت والدة وليد تشوشت وولا هاجس عارفة انو صعيب لكن قدرة الله فوق كلشي ,وحتى دابا ماعرفتي اش كاين
الله يفرحك قريبا يارب

اختي الله يسعدك في حياتك ويجزيك بخير واللي فيها الخير الله ياتي بيها وعن الاباضة حتى كنحدد انا الوقت المناسب عاد كنقولو اجي غير مازال ما اكتاب

الله يرزقك بالدرية الصالحة المعافاة يا رب